Kigali

Gisagara-Rubavu : Bafatanywe amabalo 12 y’imyenda ya caguwa za magendu

Amakuru   Yanditswe na: Iyamuremye Janvier 24 January 2018 Yasuwe: 374

Tariki 23 Mutarama mu turere twa Rubavu na Gisagara hafatiwe abantu bane, aba bakaba barafashwe n’inzego z’umutekano ubwo barimo kwinjiza mu gihugu imyenda ya caguwa ingana n’amabalo 12.

Umuvugizi wa Polisi y’u Rwanda mu Ntara y’Amajyepfo Chief Inspector of Police(CIP) Emmanuel Kayigi yavuze ko mu ijoro ryo kuwa 23 Mutarama hari abantu batatu bafatanywe amabaro 4 y’imyenda ya caguwa.

CIP Kayigi yagize ati”Twari dufite amakuru twahawe n’abaturage, noneho dutegura igikorwa cyo gukurikirana abantu banjiza imyenda ya magendu mu gihugu.Muri iryo joro nibwo twafashe abantu 3 bikoreye iriya myenda”.

CIP Kayigi yavuze ko iyo myenda yari iy’umucuruzi w’umunyarwanda witwa Sibomana Jean Bosco,uyu akaba afite abantu bo mu kindi gihugu bayimuzanira mu Rwanda binjiriye mu karere ka Gisagara.

Yagize ati”Ubundi iriya myenda ni uyu umuntu witwa Sibomana Jean Bosco,dufite amakuru ko ayizanirwa n’abaturanyi bacu bakayambutsa Akanyaru bakayiha abandi yohereje bakayimuzanira iwe mu rugo”.

CIP Kayigi akomeza avuga ko bariya bantu bafatanywe imyenda ya magendu, bafungiye kuri sitasiyo ya Polisi ya Nyanza, nyirayo aracyarimo gushakishwa.

Magendu nk’iyi ikaba yaranagaragaye mu karere ka Rubavu mu murenge wa Gisenyi aharafatiwe uwitwa Hakizimana Etienne w’imyaka 38 afite amabaro 8 y’imyenda ya caguwa yayapakiye mu modoka.

Polisi ikorera mu karere ka Rubavu ikaba itangaza ko uyu Hakizimana yafashwe n’inzego z’umutekano mu ijoro ryo kuwa 23 Mutarama nyuma yo guhabwa amakuru n’abaturage ko hari abantu binjiza magendu ya caguwa mu gihugu, ngo uyu wafashwe akaba yafatiwe mu gikorwa cy’umutekano cyakozwe muri ririya joro.

Agira inama abakiri mu bikorwa nk’ibi, CIP Kayigi yagize ati”Twabagira inama yo kubyirinda kuko amazi atakiri ya yandi, ubu ingamba zarafashwe.Hongerewe uburyo bwo kubafata,ubu turagenzura umupaka wose no mu tundi duce dukeka ko babinyuzamo”.

Yaboneyeho kubakangurira kubyirinda kuko ababifatirwamo babihomberamo cyane kuko bafungwa kandi magendu inasubiza inyuma ubukungu bw’igihugu.

Yagize kandi ati”Turashimira abaturage baduha amakuru,ariko turanabasa gukomeza ubu bufatanye kandi tubasaba gutangira amakuru ku gihe”.

Aba bose baramutse bahamwe n’icyaha bahanishwa ingingo ya 369 mu gitabo cy’amategeko ahana ibyaha mu Rwanda, iteganya igifungo kuva ku mezi atandatu kugeza ku myaka ibiri n’ihazabu ingana n’agaciro k’umusoro wanyerejwe.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Kalisa

    U Rwanda ni igihugu kigendera ku mategeko niyo mpamvu umuntu adakwiye kubyuka ngo atekereze uburyo ubwo aribwo bwose yakoresha ngo abone amafaranga atitaye ku ngaruka z’ubwo buryo akoresheje. Magendu n’ubundi buriganya mu bucuruzi ni bimwe mu bidindiza iterambere ry’igihugu n’abanyarwanda muri rusange. Nibibahama bazirengere ingaruka za biriya bikorwa kandi bitange n’isomo ku bifuza gukira vuba binyuranyije n’amategeko .

    4 months ago

Inzindi nkuru

Bane bakurikiranyweho kwinjiza caguwa mu buryo bwa magendu

Nyuma y’aho hafatiwe icyemezo cyo guca imyenda n’inkweto byambawe bizwi nka...
25 May 2018 Yasuwe: 1197 0

Burera: Hafatiwe ibiro 1 700 by’amabuye y’agaciro yinjizwaga mu buryo bwa...

Polisi y’u Rwanda ikorera mu karere ka Burera, ifatanyije n’Urwego rw’Igihugu...
24 May 2018 Yasuwe: 322 0

Huye: Ikiraro abaturage bahora basabira ubufasha, cyongeye gutwara undi...

Nyuma y’iminsi mike tubagejejeho inkuru y’abaturage batuye imirenge ya Maraba...
24 May 2018 Yasuwe: 1083 1

Muhanga: Mu byumweru bitatu hamaze gupfa inka 20 mu zahawe abaturage

Inka 20 mu nka 104 zahawe bamwe mu baturage b’ umurenge wa Nyarusange mu...
22 May 2018 Yasuwe: 1116 0

Djibouti igiye kohereza mu Rwanda indege zitwara abagenzi

Mu kwezi gutaha sosiyete itwara abagenzi y’ igihugu cya Djibuti, Air...
10 May 2018 Yasuwe: 1424 0

Gisagara: Ikigo gishinzwe amashanyarazi cyatemye urutoki rw’ abaturage...

Bamwe mu baturage bo mu kagari ka Saga umurenge wa Muganza ho mu karere ka...
7 May 2018 Yasuwe: 674 0