startimes
Kigali
startimes

Guverinoma y’u Rwanda yatangaje igihe ingendo z’indege zitwara abagenzi zizafungurirwa

Amakuru   Yanditswe na: Dusingizimana Remy 4 July 2020 Yasuwe: 2426

Minisiteri y’Ibikorwaremezo yatangaje ko guhera tariki 1 Kanama 2020 ibibuga byose byo mu Rwanda bizongera kwakira ingendo z’indege nyuma yo kuzihagarika kuwa 20 Werurwe mu rwego rwo kwirinda ikwirakwira rya Coronavirus.


Sponsored Ad


U Rwanda rwatangaje ko ruzafungura ibibuga by’indege tariki ya 1/08/2020 ku ndege zose ariko hashyirwaho amabwiriza azatuma hatabaho gukwirakwiza icyorezo cya Covid-19.

Umugenzi agomba kubanza kwerekana icyemezo cy’uko yisuzumishije COVID-19 kitararenza amasaha 72. Abagenzi binjira mu Rwanda bongere basuzumwe mu masaha 24 mbere yo kwemererwa.

Abageze ku Kibuga k’indege bazaba bagomba gutwarwa n’imodoka zabugenewe, zibageza aho bagomba kuba bari mu gihe bategereje ibisubizo byabo mu masaha 24

Kuri ubu ibibuga by’indege byose mu Rwanda byamaze gushyiraho ingamba zo kwirinda ikwirakwizwa ry’icyorezo cya COVID-19.

Muri izo ngamba harimo kuba ahantu hatandukanye harashyizwe imiti isukura intoki (hand sanitizers), ibimenyetso biranga aho guhagarara mu guhanga intera, uburyo bwo gusukura ikibuga k’indege, inyubako n’ibikoresho.

Abakozi bahawe amahugurwa yo kwirinda, gufasha abagenzi no kugenzura ko amabwiriza yo kwirinda ikwirakwizwa ry’icyo cyorezo yubahirizwa.

Ku wa 14 Werurwe 2020,nibwo umuntu wa mbere wanduye Coronavirus yagaragaye ku butaka bw’u Rwanda. Nyuma y’icyumweru kimwe Guverinoma yafashe icyemezo cyo gufunga ibikorwa bitandukanye ndetse n’imipaka mu kwirinda ikwirakwira ry’iki cyorezo.

Mu minsi ishize nibwo Ikigo Mpuzamahanga gishinzwe Ingendo zo mu Kirere (IATA) cyashyizeho amabwiriza agamije gufasha urwego rwo gutwara abantu mu ndege kwirinda iki cyorezo.

Mu mabwiriza mashya yatanzwe harimo gushyiraho uburyo bwo gupima umuriro ku mipaka, kubahiriza uburyo bwo guhana intera, gutera imiti yica udukoko ahantu abantu bafata no gutegura ibikoresho by’isuku haba mu ndege no ku bibuga by’indege.

Umuyobozi Mukuru wa IATA, Alexandre de Juniac, yavuze ko gushyiraho ingamba zitandukanye zo kwirinda Coronavirus ari byo bizagarurira abantu icyizere cyo gusubukura ingendo mpuzamahanga.

Yagize ati “Ingamba zihuriwejo kandi zigashyirwa mu bikorwa ku bufatanye bwa za Guverinoma ni zo zizatanga umusaruro.”

Juniac yavuze ko izo ngamba nizidafatwa urwego rwo gutwara abantu mu ndege ruzamara igihe kinini mu bihombo.
Mu rwego rwo kugabanya ibyo bihombo, IATA yasabye za Guverinoma kujya zibanza gukusanya amakuru y’abagiye kujya mu ndege mbere, hakamenywa amakuru ajyanye n’ubuzima bwabo hakoreshejwe uburyo butandukanye bw’ikoranabuhanga nka e-Visa n’ubundi buryo butanga impushya ku bantu ngo babe bava mu gihugu kimwe bajya mu kindi.

Mu bindi IATA yasabye harimo kubuza abakozi bo mu ndege kugera mu nyubako z’ikibuga cy’indege zakira abavuye mu ndege uretse abaherekeje abafite ubumuga cyangwa abana badafite ababakuriye.

Gushyira abakozi bahuguwe bashinzwe gupima ahantu abantu binjirira mu gihugu ndetse bikanakorwa mu nyubako zakira abagenzi bavuye mu ndege, gushyiraho uburyo bwo guhana intera hagati y’abagenzi, gukoresha udupfukamunwa, gushyiraho uburyo bw’ikoranabuhanga bwo gusaka abagenzi ku bibuga by’indege ntihabeho gukoranaho kw’abantu n’ibindi.

Hari kandi gushyiraho uburyo bwihariye bwo kwinjira mu ndege kandi imbere mu ndege hagashyirwa uburyo bwinshi bwo kwirinda no kugira isuku, gusaba abagenzi bose kwambara udupfukamunwa, gushyiraho uburyo bwo gupfunyika mbere ibigenerwa abagenzi bari mu ndege hirindwa ko habaho guhura cyane kw’abatanga serivisi mu ndege n’abagenzi, kwirinda ko abagenzi batonda umurongo ku bwiherero bw’indege n’ibindi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umwamikazi w’Ubwongereza yashyigikiye icyifuzo cy’u Rwanda cyo kwimurira...

Umwamikazi w’ubwongereza Elizabeth wa II, yashyigikiye icyifuzo cya...
14 July 2020 Yasuwe: 6260 0

Guverinoma y’u Rwanda yatangaje igihe ingendo z’indege zitwara abagenzi...

Minisiteri y’Ibikorwaremezo yatangaje ko guhera tariki 1 Kanama 2020 ibibuga...
4 July 2020 Yasuwe: 2426 0

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 3255 1

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1256 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 2289 1

Ingengo y’Imari y’u Rwanda 2020-2021 yiyongereyeho miliyari 228.6...

Minisitiri Dr Ndagijimana Uzziel yavuze ko Ingengo y’imari ya 2020-2021...
22 June 2020 Yasuwe: 902 0