Kigali

Huye: Abaturage barasaba RAB indishyi y’imyaka yangizwa n’inka z’iki kigo

Amakuru   Yanditswe na: Nsanzimana Ernest 28 April 2018 Yasuwe: 306

Abahinzi mu batuye mu kagali ka Kabona umurenge wa Kinazi ho mu karere ka Huye,barasaba ikigo gishinzwe ubuhinzi n’ubworozi RAB kubishyura imyaka yabo ngo ihora yonwa n’inka z’iki kigo ziba zatorotse urwuri.Iki kigo cya RAB kiravuga ko byatewe n’uburangare bwa Rwiyemezamirimo ubacungira urwuri,ariko bagiye kubara ibyonwe abaturage bakishyurwa.Uyu muyobozi anasaba imbabazi abaturage abizeza ko ibi bitazongera.

Umusozi wa Songa ikigo cy’igihugu cy’ubuhinzi n’ubworozi RAB zone y’amajyepfo gifiteho urwuri,hepfo y’aho rugarukira hahoze hatuye abaturage ariko baje kwimukira ku midugudu ubu hasigaye imirima yabo gusa.Aba baturage ariko bavuga ko bahangayikishijwe n’uko muri iyi mirima ntacyo basarura kuko inka z’iki kigo cya RAB zihora zibonera imyaka buri gihe. Ibi ngo bibatera igihombo gihereye ku nzara ,ariko bakagira ibyifuzo bibiri birimo guhabwa agaciro bakishyurwa imyaka yabo yonwe n’inka z’iki kigo,ndetse bakanasaba iki kigo gushyiraho uruzitiro izi nka ntizikomeze kubonera.

Umuyobozi uhagarariye RAB muri zone y’amajyepfo, Gasana Parfait avuga ko ari uburangare bwa Rwiyemezamirimo ushinzwe kubacungira urwuri,ariko bagiye guhuza abaturage n’ubuyobozi hakabarurwa ibyonne bityo abaturage bakishyurwa,hakanazitirwa urwuri. Uyu muyobozi wa RAB zone y’amajyepfo kandi aranasaba imbabazi abaturage,abizeza ko ibi bitazongera.

Aba baturage bavuga ko kuva na kera bakihatuye bonesherezwaga ariko babaza iki kigo kikababaza ibimenyetso by’uko inka zaboneye ari izabo babibura bikarangira uko.

Cyakoze ku itariki ya 25 Mata 2018 ngo ubwo izi nka zaboneraga ebyiri muri zo zaje kugwa mu byobo byahoze ari imisarane yabo batarimuka,zikurwamo bukeye ,nk’ikimenyetso ngo iki kigo RAB kitagomba kwirengagiza kikabishyura imyaka yabo izi nka zangije.

TV1

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abanyarwanda n’Abanyamahanga bashyiriweho uko basobanukirwa byoroshye...

Muri iyi minsi mikuru isoza umwaka wa 2018 Abanyarwanda n’ abanyamahanga...
18 December 2018 Yasuwe: 931 1

Tumba, Rango, Mukoni: Amazu y’ ubucuruzi yari yarafunze yongeye gufungura...

Abatuye n’ abacururiza mu karere ka Huye by’ umwihariko Tumba, Rango, na...
13 December 2018 Yasuwe: 1785 2

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 799 0

Mu Rwanda hari ubukerarugendo bushingiye ku muco,amateka,ubuhinzi,iyobokamana

Icyiswe Wilson Tours,bateguye amahugurwa y’ukwezi kumwe ku bantu b’ibyiciro...
6 December 2018 Yasuwe: 1081 0

Imihanda yo mu Rwanda ngo mwiza ku kigero cya 97% [AMAFOTO]

Minisitiri w’ Intebe w’ u Rwanda Dr Edouard Ngirente yatangaje ko ikigero cy’...
4 December 2018 Yasuwe: 868 1

Leta y’ u Rwanda igiye kubaka imihanda mishya ya kaburimbo irimo uwa km...

Minisitiri w’ Intebe w’ u Rwanda Dr Ngirente yatangaje gahunda zitandukanye u...
4 December 2018 Yasuwe: 7408 1