Huye: Basabwe kubaka amagorofa ngo umujyi use neza none yabuze abayakoreramo

11 January 2017. | Ubukungu | 7 Ibitekerezo | Nsanzimana Ernest
  • MyPassion

Ba nyir’ amagorofa yubatswe mu karere ka Huye intara y’ amajyepfo bavuga ko amazu bubatse ku busabe bw’ ubuyobozi bugira ngo umujyi use neza yabuze abayakoreramo.

Ni mu gihe abakabaye bayakoreramo batinya kuyakodesha bitewe n’ uko bavuga ko ibiciro bw’ ubukode birenze ubushobozi bwabo.

Ubuke bw’ abakodesha butuma byinshi mu byuma by’ aya magoroba bibura ababikodesha.

Jean Paul Uyisabye, umucungamutungo wa Gare y’i Huye yagize ati “Kugeza ubu, ibyumba byo muri gare bikodeshwa ni 60% by’ibihari. Ibindi bibereye aho nta babikoreramo.

Semuhungu Vincent, ufite inyubako y’amagorofa ane, hakoreshwa imiryango yo hasi gusa ihanye na 25% by’ inyubako yose.

Ba nyir’ aya magorofa bavuga ko izi nyubako bazubatse ku nguzanyo bagiye bafata mu mabanki ngo baribaza uko izi nguzanyo bazazishyura bitewe n’ uko abakiriya batarimo kuboneka uko babyifuza.

Nubwo aya magoroba yabuze abakiriya, hari abatangira serivisi mu mazu yagenewe guturwamo barimo abakorera ahitwa ku Itaba, n’ abacururiza mu bikari. Aba ngo nibo bitezweho kuba abakiriya b’ ibyumba by’ aya magorofa, gusa nabo bavuga ko batakwigondera ubukode bwabyo.

Umudozi witwa Maurice Mutabazi yabwiye Kigali today ko yashatse gukorera mu igorofa rimwe bakamuca ibihumbi 350RWf kandi we yarashakaga gutanga ibihumbi 100RWf. Byatumye yiyemeza gushaka igikari akoreramo.

Ati"ariya mafaranga sinayabona ngo mbone n’ay’umusoro kandi nanjye mbashe kubaho."

Guverineri w’intara y’amajyepfo, Marie Rose Mureshyankwano, we avuga ko bazegera abacururiza mu mazu yagenewe guturamo, bakabereka umumaro wo gucururiza ahagenewe ubucuruzi.

Muri rusange mu Karere ka Huye hari inyubako zirindwi z’ubucuruzi zikeneye abazikodesha hatabariwemo amagorofa abiri yo muri gare.

Hari n’iya kiriziya gaturika igiye kuzura, ndetse n’izindi zigera kuri 16 zigiye kubakwa mu Cyarabu. Izi zose zizakenera abazikoreramo umunsi zuzuye.

    Facebook Twitter Addthis
Ibitekerezo
  • MyPassion

    lg
    13 January 2017 - Musubize

    INZU ZAMAGOROFA ZUBUCURUZI AMAHEREZO,YAZO,NICYAMUNARA NDAKURAHIYE KO URETSE AMAHOTERI,IZINDI NTIWAKWISHYURA BANKI ETAGE NIZO KWINJIZA AMAFRANGA NTABWO ALI INDABO,

  • MyPassion

    Mutwe
    12 January 2017 - Musubize

    Ubundi kubaka amagorofa y’ubucuruzi bijyana n’umuvuduko muri iyo business. Ariko hano mu Rwanda Mayor n’abandi bayobozi bo hejuru barakanguka mugitondo bagategeka ngo turashaka ko abacuruzi bubaka amagorofa!!!!Ayo magorofa arubakirwa nde? Kubera gakangisha gufungira uwabyanze kandi barazifunga koko!!! Reba icyarabu muri Huye!! Ubwo umucuruzi nyine ahita afata utwo yarafite akishyiraho n’umusaraba w’inguzanyo ya Bank akazamura igorofa!! Yayuzuza kubera ko nta business plan yarafite ahubwo yabitegetswe kuyububaka, nibwo usanga nta bakiriya bazaza kuhakodesha ibyumba!!! barava he se? niyo baboneka bazaza ari bake cyane badashobora kuzura rya gorofa ngo nyiraryo agaruze ayo yashoye!! Ikizakurikiraho wa mucuruzi azabura ubwishyu bwa Bank nujya kumva wumve ngo igorofa riri muri cyamunara!! Murebe muri iki gihugu cyacu cyamunara z’amazu zirimo!! ingero ni nyinshi !! Ariko ikibabaje kirimo ni ukuba nanubu abayozi batabibona!! Ahubwo bkomeje gushyira igitutu kubafite amazu mu mijyi ngo nibubake amagorofa!! Kandi bakakubwira impamvu ngo n’ukugirango umujyi use neza!!! tekereza vraiment ngo kugirango umujyi use nezaa!!! ibi rero ingaruka zabyo zatangiye kwigaragaza aho bari guhatura abantu ngo nibajye gukodesha bene ayo mazu! Njyewe nagenze mumijyi y’ibihugu duturanye ariko siko bimeze!! Umunyemari yuzuza igorofa imiryango myinshi yaramaze gufatwa n’abazayikodesha kubera ko business iba yihuta!! reke ndekeraho

  • MyPassion

    bbbbb
    11 January 2017 - Musubize

    Gucuruza ntibikiri akazi gukorera igihumbi bagatwara 180frw kd uzishyura inzu yibihumbi 200000frw burikwezi ucyeneye kurya ukishyura ipatante ukishyura umusoro wukwezi ?

  • MyPassion

    Manzi Ethienne
    11 January 2017 - Musubize

    Iki ni gihombo kubanyarwanda no kugihugu

  • MyPassion

    Alain
    11 January 2017 - Musubize

    Mubwire Na mayor wa musanze ushakako musanze yose yubaka etage uko ahandi bimeze

  • MyPassion

    Alain
    11 January 2017 - Musubize

    Mubwire Na mayor wa musanze ushakako musanze yose yubaka etage uko ahandi bimeze

  • MyPassion

    Gashumba
    11 January 2017 - Musubize

    Uvuze neza rwose.Ikibazo ni imisoro leta isaba...yaduhinduye abacakara bayikorera...

Tanga Igitekerezo