Kigali

’Ibibazo by’ ibirayi ntibikeneye abaterankunga ’ Minisitiri Shyaka

Amakuru   Yanditswe na: Nsanzimana Ernest 25 November 2018 Yasuwe: 1029

Minisitiri w’ Ubutegetsi bw’ Igihugu Prof Shyaka Anastase yizeje abatuye Nyabihu, Musanze na Rubavu ko ibibazo biri mu birayi bigiye gukemuka vuba.

Ni ibibazo bimaze igihe kirenga amezi 6 birimo ibiciro bigenwa ntibyubahirizwe, umusaruro utabona isoko, ibirayi abahinzi bahaye abacuruzi bagatinda kwishyurwa.

Kuri iki Cyumweru Minisitiri Shyaka yasuye Rubavu na Musanze ajyanywe no gushaka umuzi w’ ibi bibazo no gufatanya n’ abo bireba gushaka uko byabonerwa umuti.

Yavuze ko ari ibibazo byoroshye gukemura kuko bidakeneye abaterankunga ngo bafashe u Rwanda kubikemura, yizeza abaturage ko bigiye gukemuka mu gihe gito.

Yabwiye Radiyo Rwanda ati “Ni ibibazo bishingiye ku kudakorera mu mucyo, bishingiye ku mikorere idasobanutse ntabwo ari ibibazo bikeneye abaterankunga ngo tubikemure”.

Minisitiri Shyaka avuga ikibura ngo ibibazo biri mu birayi bikemuke yagize ati “ Ikibura ni ukunoza imikorere n’ imikoranire ko ntawe ugomba kwiba undi . Ni ibibazo biri bukemuke vuba ntabwo biza kutunanira, gusa ningombwa ko ingamba zifatwa na banyiri ubwite bahibereye”.

Ku wa Gatanu w’ icyumweru gishize Minisitiri w’ Ingabo Maj. Gen. Albert Murasira yasuye imirenge ya Mudende na Bushenge yo mu karere ka Rubavu abizeza ko ikibazo cy’ amafaranga y’ ibirayi atinda kuboneka kigiye gukemuka burundu.

Yagize ati “Kutabishyurira ku gihe tugiye kubihagurukira kuko ni byo bituma bamwe bemera udufaranga duke gahunda yashyizweho ntiyubahirizwe, kandi tuzabikurikirana kuko twafashe umwanzuro.”

Ubwo Minisitiri Shyaka yageraga I Musanze umwe mu bahinzi yamweretse imifuka y’ ibirayi amaze icyumweru akuye byabuze isoko.

Ikibazo abahinzi b’ ibirayi bafite ni uko niyo babonye ubibagurira abigura kuri make nyamara bikagera mu mijyi nka Kigali bihenze cyane. Bivuze ko umucuruzi ariwe wungukira muri ubu buhinzi kurusha umuhinzi.

Ibi bibazo biri mu birayi uwahoze ari Minisitiri w’ Ubucuruzi n’ Inganda Vincent Munyeshyaka yavuye muri iyi Minisiteri bidakemutse kandi yafashe ingamba nyinshi zo kubikemura.

Ibi bibazo byahuye abaminisitiri barimo uw’ ubuhinzi n’ uw’ ubucuruzi ariko inshuro zirenze imwe ntibyakemuka ngo birangire.

Ibi bibazo byatangiye kumvikana cyane aho Leta y’ u Rwanda isabiye abahinzi b’ ibirayi kujya babigurisha biciye mu makusanyirizo yabyo.


Minisitiri Shyaka yari kumwe na Minisitiri w’ Ubuhinzi Mukeshimana Geraldine na Minisitiri w’ Ubucuruzi n’ Inganda Soroya Hakuziyaremye

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble muhizi

    ikikibazo cyatewe nabantu! kunyungu zabo! cyane cyane Ex Minister MUNYESHYAKA afatanyije ninkeragutabara! kunyungu zabo bahombeje Abaturage! ibibintu nubugome! barangiza ngo bakunda igihugu! bagisahura! ndagaya cyane Gen IBINGIRA!

    December 2018
  • chat_bubble gatare

    Nishimiye aba ba Bayobozi 3 bose bahagurukiye ikibazo k’IBIRAYI.Kandi birimo gutanga good results.Imana isaba abayobozi gufasha abaturage kugirango babeho neza.Gusa tujye twibuka ko ku munsi w’imperuka,Imana izakuraho ubutegetsi bw’abantu igashyiraho ubwayo.Byisomere muli Daniel 2:44.Impamvu izabikora ni nyinshi.Hali ibibazo byinshi byananiye ubutegetsi bw’abantu:Ubukene,ubushomeli,akarengane,intambara,indwara,urupfu,etc...Indi mpamvu nuko Billions z’abantu zikora ibyo Imana itubuza:Kurwana,kwicana,kwiba,gusambana,kwibera mu byisi gusa ntibashake Imana,etc...Nkuko Imigani 2:21,22 havuga,aba bose Imana izabakura ku isi,isigaze abayumvira gusa.Imana nirangiza,izahindura Isi Paradizo.Hanyuma ibibazo byose biveho.Imana yahaye igihe ntarengwa abantu bifuza kuzaba mu Isi Nshya cyangwa mu Ijuru rishya dusoma muli 2 Petero 3:13.
    Now the time is running out (2 peter 3:9).Uwifuza kuzarokoka kuli uwo munsi,agomba gushaka Imana,aho kwibera mu byisi gusa.Ni Imana ubwayo ibidusaba muli Zefaniya 2:3.Please awake and search for God before the looming Deadline.Many thanks.

    November 2018

Inzindi nkuru

“Tubwira urubyiruko ko ari abayobozi b’ejo, none se nk’ubu ba meya ni...

Habitegeko Francois, Meya w’Akarere ka Nyaruguru avuga ko hari igihe...
12 May 2019 Yasuwe: 1533 0

“Guha umushinga BDF ntibivuze guhita ubona amafaranga”: Meya Ange...

Mu gihe hari urubyiruko ruvuga ko rwagiye rushyikiriza imishinga yarwo BDF...
12 May 2019 Yasuwe: 648 0

Inoti za Magana atanu y’u Rwanda ’500’ n’iz’Igihumbi ’1000’ zigiye...

Mu myanzuro yafatiwe mu nama y’abaminisitiri yateranye kuri uyu wa mbere...
29 January 2019 Yasuwe: 3337 0

Abanyarwanda n’Abanyamahanga bashyiriweho uko basobanukirwa byoroshye...

Muri iyi minsi mikuru isoza umwaka wa 2018 Abanyarwanda n’ abanyamahanga...
18 December 2018 Yasuwe: 986 1

Tumba, Rango, Mukoni: Amazu y’ ubucuruzi yari yarafunze yongeye gufungura...

Abatuye n’ abacururiza mu karere ka Huye by’ umwihariko Tumba, Rango, na...
13 December 2018 Yasuwe: 1927 2

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 851 0