Kigali

Ibiciro by’ ingendo byazamutseho amafaranga 2 ku kilometero

Amakuru   Yanditswe na: Nsanzimana Ernest 29 March 2018 Yasuwe: 2190

Ikigo cy’ igihugu ngenzura mikorere RURA cyatangaje ko ibiciro by’ ingendo byazamuwe. Mu mugi wa Kigali igiciro cy’ urugendo mu modoka zitwara abagenzi mu buryo bwa rusange cyavuye cyavuye ku mafaranga 20 ku kilometero kimwe kigera ku mafaranga 22 naho ku mugenzi uva mu mujyi umwe ajya mu wundi kiva ku 19 Frw kigera kuri 21 Frw.

Ibiciro bishya bizatangira kubahirizwa kuwa Mbere tariki 2 Mata 2018.

Ibi bitangajwe nyuma y’ uko kuva mu mwaka ushize wa 2017 buri mezi abiri RURA yatangazaga ibiciro bishya bya Essence na mazutu inshuro zose ikerekana ko byazamutse. Nibura kuva muri Nyakanga umwaka ushize essence imaze kuzamukaho amafaranga 60 y’ u Rwanda kuri litiro imwe.

Ibiciro by’ ingendo byatangajwe none birasimbura ibyatangiye gukurikizwa ku wa 1 Ugushyingo 2015, icyo gihe urwego ngenzuramikorere RURA n’ibigo bitwara abagenzi bakaba bari bemeranyije ko ibiciro bishobora gusuzumwa niba byasubirwamo, mu gihe igiciro cya litiro imwe ya mazutu cyarenza amafaranga 960.

Umuvugizi wa RURA Anthony Kulamba, yavuze ko urwego rwo gutwara abantu rumaze gutera imbere, ariko hakenewe kureba ko urwego narwo rusugira ngo n’abashoramari bunguke.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble niyomugabo Emmanuel

    Ibiciro birazamuka ariko abaguzi barabuze nikibazo??

    1 month ago

Inzindi nkuru

Gisagara: Ikigo gishinzwe amashanyarazi cyatemye urutoki rw’ abaturage...

Bamwe mu baturage bo mu kagari ka Saga umurenge wa Muganza ho mu karere ka...
7 May 2018 Yasuwe: 630 0

Perezida Kagame yavuze ko Afurika ikeneye interineti yihuta ngo itere...

Perezida w’ u Rwanda Paul Kagame akaba n’ Umuyobozi w’ umuryango w’ Afurika...
7 May 2018 Yasuwe: 273 0

HUYE:Abakozi ba RAB ngo bagiye guhagarika akazi kubera kudahembwa

Abakozi bakora imirimo itandukanye mu rwuri rw’ikigo cy’igihugu cy’ubuhinzi...
3 May 2018 Yasuwe: 1110 2

Huye: Abaturage barasaba RAB indishyi y’imyaka yangizwa n’inka z’iki...

Abahinzi mu batuye mu kagali ka Kabona umurenge wa Kinazi ho mu karere ka...
28 April 2018 Yasuwe: 286 0

NTIBISANZWE: Rutsiro: Abaturage borora ihene bazipfutse iminwa

Aborozi b’ ihene mu murenge wa Musasa mu karere Rutsiro mu ntara y’...
18 April 2018 Yasuwe: 1230 0

Gicumbi: Umuryango w’ abantu 6 umaze imyaka 10 uba mu kizu kirangaye

Umuryango w’abantu batandatu(umugabo n’umugore n’abana 4) uba mu nzu...
15 April 2018 Yasuwe: 1721 0