skol
Kigali
startimes

Igihingwa cya Cannabis kizwi nk’urumogi kigiye gutangira guhingwa mu Rwanda

Amakuru   Yanditswe na: Dusingizimana Remy 13 October 2020 Yasuwe: 5297

Minisitiri w’Ubuzima, Dr Ngamije Daniel, yatangaje ko igihingwa cya cannabis, kizwi mu kinyarwanda nk’urumogi, kigiye gutangira kujya gihingwa mu Rwanda, hanyuma cyoherezwe mu mahanga mu nganda zikora imiti. Gusa yashimangiye ko bitazaha icyuho abarukoresha nk’ikiyobyabwenge.


Iki kimera cya Cannabis kigiye guhingwa mu Rwanda, cyoherezwe hanze mu nganda zikora imiti hanyuma byongere ubukungu bw’igihugu.

Minisitiri Dr Ngamije yabwiye RBA ko kizahingwa mu buryo butekanye. Ati "Ntabwo bizaha icyuho abakoresha ibiyobyabwenge. Itegeko rihana abakoresha ibiyobyabwenge rirahari, rizakomeza kubahirizwa."

Amategeko y’u Rwanda avuga ko ikiyobyabwenge ari ikintu cyose gishobora gutuma umuntu agira imyitwarire idasanzwe kandi cyangiza ubuzima bwe.

Ibi bivuze ko hari bimwe bifatwa nk’ibiyobyabwenge mu Rwanda nyamara mu bindi bihugu bidafatwa uko.

Ibyo ni nk’inzoga zimwe zikozwe ku buryo bwa gakondo nk’izitwa za kanyanga.

Inzoga zikorewe mu ruganda nazo zishobora kuba ibiyobyabwenge iyo zanyowe ku rugero ruri hejuru.

Ingingo ya 263 ivuga ko umuntu wese ufashwe urya, unywa, witera, uhumeka cyangwa wisiga mu buryo ubwo aribwo bwose ibiyobyabwenge bito cyangwa urusobe rw’imiti ikoreshwa nka byo, aba akoze icyaha.

Umuntu wese uhamijwe n’urukiko gukora ibikorwa bivugwa mu gika cya mbere cy’iyi ngingo, ahanishwa igifungo kitari munsi y’umwaka umwe ariko kitarenze imyaka ibiri cyangwa imirimo y’inyungu rusange.

Mu gihe Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa: 1.igifungo cya burundu n’ihazabu y’amafaranga y’u Rwanda arenze miliyoni makumyabiri ariko atarenze miliyoni mirongo itatu ku byerekeye ibiyobyabwenge bihambaye;

2. igifungo kitari munsi y’imyaka makumyabiri ariko kitarenze imyaka makumyabiri n’itanu n’ihazabu y’amafaranga y’u Rwanda atari munsi ya miliyoni cumi n’eshanu ariko atarenze mililiyoni makumyabiri ku byerekeye ibiyobyabwenge bikomeye;

Igifungo kitari munsi y’imyaka irindwi ariko kitarenze imyaka icumi n’ihazabu y’amafaranga y’u Rwanda atari munsi ya miliyoni eshanu ariko atageze kuri miliyoni icumi ku byerekeye ibiyobyabwenge byoroheje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mojo

    Legalization

    3 months ago

Inzindi nkuru

Perezida Kagame yijeje Abanyarwanda gusuzuma ikibazo cy’umusoro w’Ubutaka...

Perezida Kagame Kagame yavuze ko ikibazo cy’izamuka y’umusoro w’ubutaka...
21 December 2020 Yasuwe: 3841 0

RURA yasubije abanyarwanda bakekaga ko ibiciro by’ingendo birazamurwa kubera...

Mu ijoro ryakeye nibwo Inama y’abaminisitiri yemeje ko Imodoka zitwara...
15 December 2020 Yasuwe: 5713 0

RURA yahaye gasopo Airtel Rwanda yashinjwe gukora amatangazo yibasira MTN...

Nyuma y’amatangazo Airtel Rwanda yari imaze iminsi ikora akangurira abantu...
15 December 2020 Yasuwe: 7825 3

Nyarugenge: Amaduka 60 yafunzwe kubera kwica amabwiriza yo kwirinda...

Abacuruzi 60 bo mu karere ka Nyarugenge ahazwi nko muri Down Town bafungiwe...
14 December 2020 Yasuwe: 4268 0

Ibura ry’akazi, abanebwe n’inkorabusa ni imwe mu mizigo ikomeye ku...

Ibarura rusange ryakozwe muri 2012 ryagaragaje ko ugereranyije abantu 100...
10 December 2020 Yasuwe: 3095 0

KTN Rwanda na StarTimes bahembewe kuba ku isonga mu gutanga serivisi...

Startimes na KTN RWANDA (Sosiyete Nyarwanda yo kugura no kugurisha) ni...
5 December 2020 Yasuwe: 3055 0