Kigali

Ikibazo cy’imbuto y’ibirayi gishobora kuba kigiye gukemuka burundu

Amakuru   Yanditswe na: Nsanzimana Ernest 3 November 2017 Yasuwe: 306

Abatubuzi b’ imbuto y’ ibirayi baratanga icyizere ko ikibazo cy’ ibura ry’ imbuto y’ ibirayi gituma u Rwanda ruyitumiza mu mahanga mu minsi iri imbere gishobora guemuka burundu

Umunyamabanga wa Leta muri Ministeri y’Ubuhinzi n’Ubworozi Nsengiyumva Fulgence aravuga ko ubufatanye bw’inzego zitandukanye ari ngombwa mu gukemura ikibazo cy’imbuto y’ibirayi mu turere bihingwamo.

Ibi yabisabye abahinzi nyuma yo gushyira ibuye ry’ifatizo ahagiye kubakwa ikigega cyo guhunikamo imbuto y’ibirayi mu murenge wa Kinigi mu karere ka Musanze.

Mu bibazo byatumaga imbuto y’ibirayi itaboneka ihagije ngo umusaruro w’ibirayi wiyongere harimo ikibazo cy’abatubuzi bake nabo batari bakabigize umwuga. Ikindi ni uko umutubuzi yamaraga amezi 8 ategereje amafaranga bikamuca intege .

Ku bufatanye bwa Minisiteri y’ubuhinzi n’ubworozi n’imishinga iyishamikiyeho ngo iki kibazo kiragenda gikemuka nk’uko bamwe mu batubuzi babigize umwuga babivuga.


Karegeya Appolinaire

Karegeya Apollinaire aragira ati ‘’Ugereranije imbuto yari ntayo kuko twajyaga kuzikura hanze ariko ubu imbuto itangiye kuboneka kuko ujanishije , tugeze kuri 20 na 30 % , bikomeje gutya ikibazo cy’imbuto y’ibirayi cyakemuka burundu’’.
Ni mugihe mugenzi we Uyizigiye Emmanuel avuga ko nta kibazo cyo kutabona isoko bagihura nacyo

Yagize ati ‘’Iyi kampani ya SPF yatubereye igisubizo kuko ntawutubura imbuto y’ibirayi atazi iyo azajyana za mbuto kuko tuzitubura tuzi ko kampani izazishakira amasoko , twe nk’abatubuzi tugakora ibyo gutubura kampani ikadushakira amasoko. ’’

SPF ( Seed potato fund ltd ) ni ikigega cy’umwe mu mishinga igamije gukemura ikibazo cyo kubura imbuto nziza y’ibirayi mu bahinzi.

Umuyobozi mukuru w’iki kigega Mbarushimana Salomon avuga ko hari ibimaze gukorwa ,aho agira ati “Dufite abagoronome bagera kuri 52 mu turere icumi tw’u Rwanda tweramo ibirayi. Abo bagoronome bagenda bakorana n’abatubuzi umunsi ku wundi , ibyo bikaba byaratumye muri iki gihembwe gishize cy’ihinga babasha gukurikirana toni zigera hafi ku bihumbi 12 z’umusaruro w’imbuto z’ibirayi.’’

Nyuma yo gushyira ibuye ry’ifatizo ahazubakwa ikigega cyo guhunikamo imbuto y’ibirayi isaga toni 500. Umunyamabanga wa Leta Muri Minisiteri y’ubuhinzi n’ubworozi Nsengiyumva Fulgence yashimye intambwe igenda iterwa mu gushakira igisubizo ikibazo cy’imbuto y’ibirayi, akomeza asaba ubufatanye bw’inzego hagashyirwaho ihuriro rishinzwe gukemura ikibazo cy’imbuto y’ibirayi.
Aragira ati ‘’ Ibyo tubasaba ni ubufatanye , ari Minisiteri , ari RAB, SPF , Sopyrwa na bariya batubuzi , buri wese akagira icyo akora kugira ngo ya mbuto iboneke kandi ishyikirizwe wa muhinzi ukeneye kuyihinga. ’’

Biteganijwe ko mu turere 10 umushinga SPF- ikigega ukoreramo hazubakwa ibigega 20 hamwe n’amazu atuburirwamo imbuto y’ibirayi bikazatwara miliyari 1 y’amafaranga y’u Rwanda.


Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Umusomyi

    Iyi foto si iya Karegeya Appolinaire, kuko ndamuzi neza. Plz.

    November 2017

Inzindi nkuru

Imashini zo mu ruganda rwa Rwigara zatejwe cyamunara kuri miliyari 1 na...

Kuri uyu wa Mbere tariki 18 Kamena 2018, umuhesha w’ inkiko w’ umwuga...
18 June 2018 Yasuwe: 4255 0

Cyamunara y’imashini zikora itabi zo mu ruganda rwo kwa Rwigara...

Cyamunara y’imashini zikoreshwa mu gutunganya itabi ry’uruganda ‘Premier...
11 June 2018 Yasuwe: 2353 0

U Rwanda rwemeye kwishyurira imisoro ibigo bishobora kugirwaho ingaruka no...

Guverinoma y’u Rwanda yatangaje ko izishyurira imisoro abacuruzi...
11 June 2018 Yasuwe: 997 0

Rwandair yahawe uburenganzira bwo gukorera ingendo muri Amerika iyambere...

Sosiyete ya RwandAir yahawe na Minisiteri Ishinzwe Ubwikorezi...
7 June 2018 Yasuwe: 848 0

Burera: Abimuye aho bivugwa ko harimo kubakwa Havard university bategereje...

Abatuye mu mudugudu wa Murindi akagari ka Mubuga mu murenge wa Butaro ni ho...
7 June 2018 Yasuwe: 909 0

Perezida Kagame na Ange Kagame bagaragaye bambaye umupira ushushanyijeho...

Perezida w’ u Rwanda Paul Kagame yasabye ko imbaraga zishyirwa mu bikorwa...
3 June 2018 Yasuwe: 6489 0