Kigali

Inoti za Magana atanu y’u Rwanda ’500’ n’iz’Igihumbi ’1000’ zigiye guhindurwa[AMAFOTO]

Amakuru   Yanditswe na: Martin Munezero 29 January 2019 Yasuwe: 3337

Mu myanzuro yafatiwe mu nama y’abaminisitiri yateranye kuri uyu wa mbere tariki 28 Mutarama 2019 iyobowe na Nyakubahwa Perezida wa Repubulika y’u Rwanda Paul Kagame, harimo uwo guhindura inoti zari zisanzwe z’igihumbi na Magana atanu.

Nta wuzi ubusembwa n’inenge by’inoti zari zisanzwe byatumye u Rwanda rufata umwanzuro wo kuzihindura.

Cyakora hari bamwe mu Banyarwanda bavuga ko inoti ya magana atanu yasazaga vuba ndetse ko bakemeza ko yari yoroshye ngo byari binoroshye ko yangirika itamaze kabiri.

U Rwanda rwaherukaga gusohora inoti nshya y’igihumbi kuwa 22 Ukwakira 2015.

Icyo gihe Banki nkuru y’u Rwanda yatangaje ko nubwo iyo noti ku maso yasaga n’iyayibanjirije, hari ibyahindutseho birimo nko kuba nta magambo y’Igifaransa yariho.

Cyakora ubu hari uwakwibaza niba iyi noti igiye gusohoka iriho ururimi rw’Igifaransa rutari ku noti yari isanzwe ikoreshwa mu gihe cy’imyaka isaga gato itatu imaze isohotse.

Nta wuzi niba kandi guhindura iyi noti bifitanye isano n’abagerageza kuzigana cyane cyane inoti y’igihumbi.

Inoti ya magana atanu yo yaherukaga guhindurwa muri 2013 nyuma yuko Inama y’Abaminisitiri yemeje umushinga w’itegeko wo guhindura iyo noti.

Iyariho ifite ibara ry’ubururu bwerurutse ndetse yanditseho n’amagambo ajya gusa n’umukara, mu gihe iyayibanjirije yo yari ifite ibara ry’icyatsi.

Banki nkuru y’Igihugu BNR yari yavuze ko iyi noti ikoranye uburyo bwihariye ku buryo n’ufite ubumuga bwo kutabona abashaka kuyikabakaba akayimenya ku buryo bworoshye.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

“Tubwira urubyiruko ko ari abayobozi b’ejo, none se nk’ubu ba meya ni...

Habitegeko Francois, Meya w’Akarere ka Nyaruguru avuga ko hari igihe...
12 May 2019 Yasuwe: 1533 0

“Guha umushinga BDF ntibivuze guhita ubona amafaranga”: Meya Ange...

Mu gihe hari urubyiruko ruvuga ko rwagiye rushyikiriza imishinga yarwo BDF...
12 May 2019 Yasuwe: 650 0

Inoti za Magana atanu y’u Rwanda ’500’ n’iz’Igihumbi ’1000’ zigiye...

Mu myanzuro yafatiwe mu nama y’abaminisitiri yateranye kuri uyu wa mbere...
29 January 2019 Yasuwe: 3337 0

Abanyarwanda n’Abanyamahanga bashyiriweho uko basobanukirwa byoroshye...

Muri iyi minsi mikuru isoza umwaka wa 2018 Abanyarwanda n’ abanyamahanga...
18 December 2018 Yasuwe: 987 1

Tumba, Rango, Mukoni: Amazu y’ ubucuruzi yari yarafunze yongeye gufungura...

Abatuye n’ abacururiza mu karere ka Huye by’ umwihariko Tumba, Rango, na...
13 December 2018 Yasuwe: 1927 2

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 851 0