Kigali

Kayonza: Abaturage bagiye mu isoko basanga ryimuwe

Amakuru   Yanditswe na: Nsanzimana Ernest 11 September 2017 Yasuwe: 523

Aha niho isoko rya Kayonza rituye riremera

Abaturage bo mu karere ka Kayonza bagiye kurema rya Kayonza bageze aho risanzwe riremera basanga ryimuwe basabwa kujya kuriremera mu gisambu ahatari ubwiherero n’ amaresitora.

Ibi byabaye ku wa Gatanu tariki 8 Nzeli. Aba baturage bavuga ko batabimenyeshejwe mbere y’ uko isoko ryimurwa bakavuga ko bafite impungenge z’ uko imvura iramutse iguye ntacyo baramura.

Umwe mu baganiriye Radio 1 ati “Twagiye aho isoko risanzwe riremera tugaragarizwa ko ryimuriwe ahandi, ubu hariho guhuzagurika, ari abacuruzi ntibarafata imyanya abazanye ibicuruzwa nabo bahuzaguritse”

Undi ati “Twageze hariya hirya aho isoko ryaberaga tuhasanga abashinzwe umutekano bati mumanuke nta soko rihari hano isoko ryagiye hirya iriya. Ubwo rero twakomeje turaza tugeze hano tubura icyo dukora bamwe bisubiriye inyuma”

Umugore wari waje kurema isoko ati “Kugura no kugurisha byifashe nabi, ubu no kutabona aho umuntu yihagarika nabyo byatubereye ikibazo”

Mugenzi ati “ahangaha hameze nabi, ni ahantu habi cyane, imvura nizajya igwa, izuba, ... hatubakiye ntabwo twazahakira”

Undi mugore ati “Ubwiherero se tuzi bubera hehe, uyu munsi ntabwo turi burye nta resitora, inzara iratwishe ahubwo, urarya wihagarike he?”

Umuyobozi w’ akarere ka Kayonza Murenzi Jean Claude yatangaje ko iri soko ryimuriwe mu isambu yaguzwe n’ akarere, avuga ko aho isoko ryari risanzwe riremera hatari hameze neza.

Yagize ati “Aho bimuriwe ni ahantu twaguze ikibanza duteganya kubaka isoko. Twabarabiganirije, naho isoko ryari risanzwe riremera ni ahantu habaga hari ibyondo, turateganya kuhashyira ibikorwa remezo na turiya dusima bacururizaho tubifite muri gahunda”

Bamwe muri aba baturage bifuza ko aba basubijwe aho isoko ryaremeraga muri iki kizanza hakabanza hagatunganwa abandi bakifuza ko iki kibanza cyakubakwa byihuse.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 256 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 487 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1165 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2081 1

Rwamagana: Polisi ifunze uwashakaga kwiba amafaranga muri Banki akoresheje...

Polisi y’’u Rwanda ikorera mu karere ka Rwamagana yaburijemo ubujura...
11 February 2018 Yasuwe: 1699 0

Mu myaka itanu ingengo y’ imari y’ u Rwanda imaze kwiyongeraho arenga...

U Rwanda ni kimwe mu bihugu by’ Afurika birimo gutera imbere cyane. Iyo...
9 February 2018 Yasuwe: 584 1