Kigali

Koperative Umwarimu SACCO yaciyemo kabiri inguzanyo yatangaga

Amakuru   Yanditswe na: 27 December 2016 Yasuwe: 1256

Koperative yo kubitsa no kugurizanya Umwarimu SACCO yafashe icyemezo cyo kugabanya inguzanyo abanyamuryango bayo bemererwa kuguza.

Ni mu gihe ubusanzwe iyi koperative yagurizaga abanyamuryango bayo Miliyoni 70 Rwf, kuri ubu ntabwo izongera kurenza miliyoni 35 Rwf.Koperative umwarimu SACCO yashyizweho na Leta y’ u Rwanda igamije guhindura imibereho ya mwarimu.

Umuyobozi w’ iyi koperative Laurence Uwambaje mu cyumweru gishize nibwo yatangarije abanyamuryango iki cyemezo. Avuga ko cyafashwe bitewe n’uko Abarimu n’Abarezi iyi koperative yagurije batitabira kwishyura.

Uyu muyobozi avuga ko iyi koperative yashyizweho ngo ihindure ubuzima bwa mwarimu gusa ngo ntabwo yakwihanganira gukorera mu gihombo. Laurence Uwambaje, afite impungenge z’ ukuntu iyi koperative yabona amafaranga yagurije umwarimu igihe uyu mwarimu yaba ahagaritswe ku kazi.

Yagize ati “Amafaranga y’ inguzanyo ari mu bibazo. Ntabwo twizeye ko ayo twagurije abanyamuryango azagaruka. Tugomba mbere na mbere gutekereza uko twagaruza ayo twatanze mbere kabone n’ iyo umwarimu yaba yarirukanywe cyangwa yarasezeye mu kazi”

Uretse kuba inguzanyo iyi koperative yatangaga yaragabanyutseho 50% n’ imyaka ntarengwa yo kwishyura inguzanyo yavuye kuri 15 igirwa 10.

Ubuyobozi bw’ iyi koperative kandi buraburira abarimu kugira amakenga mbere yo kwishingira umwarimu mugenzi wabo ugiye gufata inguzanyo mu rwego rwo kwirinda ko bamwishyurira igihe yaba yananiwe kwishyura inguzanyo.

Raporo yashyizwe ahagaragara mu nama y’ inteko rusange ya 16 koperative Umwarimu SACCO yagaragaje ko imaze gutanga inguzanyo ingana na miliyari 150. Muri aya miliyari 46 nizo zonyine zimaze kugaruzwa.

Icyo abanyamuryango bavuga ku cyemezo cyo kugabanya inguzanyo no kugabanya igihe ntarengwa cyo kuyishyura.

Mporembizi Florent yagize ati “ Ariya mafaranga agomba kugaruzwa mu buryo bwose bushoboka, kugira ngo abanyamuryango bizere umutekano w’ amafaranga yabo. Ikindi dosiye y’ usaba inguzanyo ikwiye kujya yiganwa ubushishozi hakarebwa ubushobozi afite”

Mu ngengo y’ imari ya 2017 , Koperative umwarimu SACCO irateganya kuzakoresha miliyari 40,1 mu gihe 2016 yakoresheje miliyari 52,9. Nubwo bimeze gutya ariko iyi koperative irateganya ko izinjiza inyungu ingana na miliyari 2,9 zivuye kuri 2,5 muri 2016.

Koperative umwarimu ifite abanyamuryango ibihumbi 73,553 barimo abarimu n’ abandi bakora mu burezi.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abashoferi 30 bakekwaho guha ruswa abapolisi batawe muri yombi

Mu ijoro ryo kuwa gatatu rishyira kuwa kane tariki ya 7 Ukuboza, ishami rya...
7 December 2017 Yasuwe: 1282 0

Umuyobozi wa BRD yirukanywe ahita asimbuzwa

Mu gitondo cyo kuri uyu wa kane tariki ya 07 Ukuboza 2017 Alex Kanyankole...
7 December 2017 Yasuwe: 1803 0

Minisitiri Kaboneka ategetse ko Perezida w’ amakusanyirizo y’ ibirayi atabwa...

Minisitiri w’ ubutegetsi bw’ igihugu umwe mu ba minisitiri batatu bateraniye...
6 December 2017 Yasuwe: 9445 4

Itegeko rirengera umuhanzi n’ igihangano cye ryateje impaka umwe ati ‘izo...

Abahanzi na bamwe mu bakoreshwa ibihangano byabo ntibavuga rumwe ku...
5 December 2017 Yasuwe: 829 4

Rwanda: Ubucukuzi butunze abantu 80 000

Urwego rw’ igihugu rushinze ubucukuzi bw’ amabuye y’ agaciro bwagaragaje ko...
4 December 2017 Yasuwe: 183 0

Umudepite yasabye ko u Rwanda rwajya ruhinga hejuru y’ amazu

Umwe mu badepite umunani bagize komisiyo y’ ubuhinzi n’ ubworozi Hon. Hindura...
1 December 2017 Yasuwe: 3091 6