Kigali

Miliyoni 72 Rwf yafatanywe batanu bavunja binyuranyije n’amategeko

Amakuru   Yanditswe na: Iyamuremye Janvier 27 November 2017 Yasuwe: 315

Mu mikwabu yakoreye mu bavunja amafaranga mu buryo butemewe mu turere twa Rusizi na Rubavu mu mpera z’icyumweru gishize, mu bihe bitandukanye, Polisi yafashe amafaranga afite agaciro karengaho miliyoni 72 y’amanyarwanda ndetse inafatira abantu batanu muri ibyo bikorwa; babiri mu karere ka Rubavu na batatu muri Rusizi.

Umuvugizi wa Polisi mu Ntara y’Iburengerazuba , IP Eulade Gakwaya avuga ko amafaranga yafashwe ari mu bwoko umunani akaba ari kimwe mu bikorwa bikomeza ngo harwanywe ubuvunjayi butemewe.

IP Gakwaya yagize ati:” Umwe mu bakekwa wafatiwe muri Rubavu yafatanywe 50,638,000 y’amanyarwanda; amadolari y’Amerika 3,637; amafaranga ya Kongo angana na 2,390,000 ndetse n’amashilingi ya Uganda, Amarundi, amapawundi, amayero n’ayo muri Mozambike.”

Yongeyeho ati:” Aba bakekwa bakoraga ibikorwa byo kuvunja bihishe mu buryo bwinshi; bamwe babikoreraga mu maduka yabo, abandi bakodeshaga hafi y’ibigo by’imari bias nk’aho ari ibyo bigo bihavunjira nyamara atari byo.”

Iki gikorwa cyo kubafata cyagenze neza kije gikurikira ikindi cyabaye mu kwezi gushize , aho umugore yafatiwe mu karere ka Huye ajya Rubavu afite miliyoni 53 z’amanyarwanda, amakuru akaba avuga ko nayo yari yavunjishijwe muri buriya buryo.

Bikavugwa kandi ko uriya mugore akorana n’abandi babiri mu buvunjayi butemewe, yari yaturukanye I Rubavu 43,ooo by’amadolari agiye kuyavunjisha I Kigali ,akaba yarafashwe ari mu nzira asubirayo.

Amategeko akaba avuga ko nta muntu uwo ari we wese wemerewe gucuruza cyangwa kuvunja amafaranga atabifitiye uburenganzira ahabwa na banki nkuru y’igihugu.

Banki nkuru y’u Rwanda ikaba itangaza ko , ibiro by’ivunjisha byemewe mu Rwanda ari 91 gusa kugeza ubu, birimo 59 biri mu Mujyi wa Kigali, mu karere ka Rubavu hakaba ibiro icumi, naho Rusizi hakaba umunani.

Nk’uko amategeko agenga ibiro by’ivunjisha abivuga, ngo kugirango bemerere ibiro gukora aka kazi mu Rwanda, bigomba kuba bifite imari shingiro ya miliyoni 50 z’amanyarwanda cyagwa ayo bingana mu yandi y’amahanga mbere yo gutangira habariwemo na miliyoni 10 yashowe mu bikorwa bitangira umushinga.

Bigomba kuba bifite kandi ibikoresho bya ngombwa mu ivunjisha birimo akuma gafasha mu kuvumbura amafaranga y’amiganano, ibyuma bifata amashusho bigenzura ibikorerwamo n’ibindi bikenerwamo mu buryo rusange.

Bigomba kandi kuba ibyangombwa byuzuye n’ubuyobozi buzwiho ubunyangamugayo ndetse n’ikoranabuhanga rifasha mu kwegeranya no kubika amakuru yose ku ivunjisha rihakorewe.

Ingingo ya 433 mu gitabo cy’amategeko ahana ivuga ko, umuntu wese ucuruza cyangwa uvunja amafaranga y’igihugu cyangwa y’amahanga atabifitiye uburenganzira ahanishwa igifungo kuva ku mezi atadatu kugeza ku myaka ibiri cyangwa ihazabu ya miliyoni 3 z’amanyarwanda.

IP Gakwaya mu gusoza agira ati:” Iyo ibiro by’ivunjisha bitanditswe mu byemewe, bivuga ko bitishyura imisoro, haba hari amafaranga acaracara mu buryo butemewe, ibi byose bigusha agaciro k’ifaranga nabyo bikurura ikoreshwa nabi ryayo.”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 482 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1155 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2053 1

Rwamagana: Polisi ifunze uwashakaga kwiba amafaranga muri Banki akoresheje...

Polisi y’’u Rwanda ikorera mu karere ka Rwamagana yaburijemo ubujura...
11 February 2018 Yasuwe: 1698 0

Mu myaka itanu ingengo y’ imari y’ u Rwanda imaze kwiyongeraho arenga...

U Rwanda ni kimwe mu bihugu by’ Afurika birimo gutera imbere cyane. Iyo...
9 February 2018 Yasuwe: 583 1

Kigali: Yafashwe yiba batiri z’iminara y’ikigo cy’itumanaho cya...

Mu ijoro ryo kuri uyu wa 4 Gashyantare nibwo irondo ry’umwuga rikorera mu...
7 February 2018 Yasuwe: 1466 0