Kigali

Min. Munyeshyaka yagaragaraje inzira yo gusohoka mu bushomeri

Amakuru   Yanditswe na: Nsanzimana Ernest 14 November 2017 Yasuwe: 1141

Minisitiri w’ubucuruzi n’inganda, Vincent Munyeshyaka yeretse abafite ikibazo cy’ubushomeri ko hari urwego rwirengangizwa nyamara rushobora gutanga akazi ku bantu benshi.

Uyu muyobozi asanga ibigo biciriritse ari byo bifasha cyane mu guhangana n’ikibazo cy’ubushomeri kuko ngo n’ubwo biba ari bito ariko ari byo bitanga akazi kenshi ugereranyije n’ibigo binini kuko ari byinshi cyane ugereranyije n’ibinini.

Ibi Ministiri Vincent Munyeshyaka yabitangaje ku wa 13 Ugushyingo 2017, ubwo yatangizaga inama mpuzamahanga ihuza ba rwiyemezamirimo bato n’abahagarariye ibigo by’imari n’amabanki.

Muri iyi nama minisitiri Vincent Munyeshyaka yavuze ko ibigo biciriritse bifite uruhare mu kugabanya umubare w’abashomeri kuko kubera ari byinshi ari byo bitanga akazi kenshi ugereranyije n’ibigo bikomeye.

Yagize ati “Iyo ugiye kureba imirimo itangwa mu rwego rw’abikorera, 41% yose ikomoka muri ibi bigo biciriritse kuko usanga wenda bidakenera abakozi benshi cyane ariko usanga ari byinshi ku buryo iyo ugiye kureba usanga ari byo bitanga akazi kurusha ibigo binini”

Minisitiri Munyeshyaka kandi avuga ko yizeye ko abafite ibigo biciriritse bitabiriye iyi nama mpuzamahanga n’ibigo by’imari bazashobora kubona amabanki bakorana akabatera inkunga nabo bagakomeza gutanga akazi mu rwego rwo gukomeza guhangana n’ubushomeri.

Yagize ati “Amabanki ari bugende ahura na ba bantu bafite ibitekerezo bitandukanye by’imishinga kugira ngo barebe niba hari agashya bafite kugira ngo babe babaha amafaranga, turizera rero y’uko rwose abanyarwanda cyangwa n’ibigo biri mu Rwanda bamwe bashobora kuza kugira icyo bumvikanaho n’abatanga amafaranga natwe tukazagira umuntu uhabwa amafaranga, nabyo byadufasha gukomeza guhangana n’ubushomeri”

Iyi nama mpuzamahanga ihuza ba rwiyemezamirimo bato n’ibigo by’imari n’amabanki ibaye ku nshuro ya 4 gusa iyi ikaba ari inshuro ya mbere ibereye mu Rwanda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Karake James

    Igitekerezo cya Minister ni kiza.Ariko UBUSHOMERI buba ku isi yose.Nta gihugu cyashoboye kunesha ubushomeri.
    Isi yikoreye ibibazo byinshi:Indwara,ubukene,akarengane,ubusumbane,ubusaza,urupfu,etc...Imana yaturemye,yashakaga ko tuba mu isi ya Paradizo.Impamvu imana yasubitse uwo mugambi,byatewe nuko abantu bananiye imana,uhereye kuli ADAMU.Ariko yashyizeho umunsi w’imperuka,ubwo izahindura ibintu (Ibyakozwe 17:31).Kuli uwo munsi,imana izamenagura ubutegetsi bw’abantu (Daniel 2:44),kubera ko bananiwe gukemura ibibazo.Izarimbura kandi abantu bose banga kumvira imana,isigaze gusa abantu bake bayumvira (Imigani 2:21,22).Nibwo ibibazo byose bizavaho,harimo n’ubushomeri.

    3 months ago

Inzindi nkuru

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 261 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 488 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1167 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2090 1

Rwamagana: Polisi ifunze uwashakaga kwiba amafaranga muri Banki akoresheje...

Polisi y’’u Rwanda ikorera mu karere ka Rwamagana yaburijemo ubujura...
11 February 2018 Yasuwe: 1701 0

Mu myaka itanu ingengo y’ imari y’ u Rwanda imaze kwiyongeraho arenga...

U Rwanda ni kimwe mu bihugu by’ Afurika birimo gutera imbere cyane. Iyo...
9 February 2018 Yasuwe: 585 1