Kigali

Minisitiri Gatete asanga gufunga amazu y’ ubucuruzi aribyo byasigaje inyuma Umujyi wa Huye

Amakuru   Yanditswe na: Nsanzimana Ernest 26 September 2018 Yasuwe: 1551

Minisitiri w’ Intebe w’ u Rwanda Dr Edouard Ngirente n’ abandi ba Minisitiri barimo na Minisitiri w’ Ibikorwaremezo Amb. Claver Gatete basuye akarere ka Huye ngo barebe icyakorwa ngo uyu mujyi ntukomeze gusigara inyuma.

Umujyi wa Huye uri mu cyahoze kitwa Butare wafatwaga nk’umujyi wa kabiri nyuma ya Kigali ,umurwa mukuru w’u Rwanda ,kuri ubu uko ugaragara mu maso y’abahabaye ,abahazi ,abahakoreye n’abahakorera ubu ndetse n’abahatuye,bavuga ko wasigaye inyuma mu buryo bugaragara .

Uku gusigara inyuma bamwe bavuga ko biterwa n’uko zimwe mu nyubako z’ubucuruzi zafunzwe ,basabwa kuvugurura,nyamara ba nyir’inzu z’ubucuruzi bakagaragaza ko nta bushobozi bwo kubaka inzu z’amagorofa (Etage) basabwa.

Aha bavugaga ko byabateye igihombo cyo kubona imyaka irenze 6 inzu z’ubucuruzi zarafunzwe,nyamara barabuze uko bavugurura kubera amabwiriza yo kubaka ama gorofa ,bigatuma bidakorwa ngo kubera ubushobozi buke. Icyifuzo cy’abakorera muri uyu mujyi wa Huye magingo aya,ni ukuvugurura aho bakorera,nyuma babona ubushobozi bakubaka ariko umujyi udafunzwe.

Iki cyemezo cyo gusabwa kuvugurura cyatanze indi sura y’umujyi uhinduka nk’ushaje,kuko magingo aya bigaragara ko kuvugurura bisa n’ibyananiranye,ahubwo uyu mujyi ukaba ugaragaramo inzu zimaze igihe zifunze,izindi zasenyutse ,izindi zigaragaza ubushake bwo kubaka zigahera iyo.

Mu ruzinduko rwe Minisitiri w’intebe Dr Edouard NGIRENTE ari kumwe na bamwe mu baminisitiri ,batembereye ibice bitandukanye by’uyu mujyi wa Huye ,bareba ibikorwa biwugize,harimo n’izi nyubako zimaze igihe zifunze.

Minisitiri w’ibikorwa Remezo Amb. Gatete Claver wari kumwe na Ministri w’intebe ,nyuma y’uru ruzinduko yatangaje ko kuba uyu mujyi umeze uko umeze ubu bigaragara ko habayeho amakosa yo gufunga inzu z’ubucuruzi mu buryo butari buzwi,ku buryo ngo uyu mujyi wasubiye inyuma kandi wari umujyi wa Kabiri kuri Kigali.

Ati “Icyo twabonye ni uko hari amakosa yakozwe mu gufunga aya mazu, kandi turi buganire uko yakosorwa. Hari ayafunzwe ku ruhande rw’iburyo, igice kinini cyane, aho abantu bakabaye bakorera, tutazi n’uburyo byanakozwe niba byarakurikije amategeko.”

Cyakora Uyu mu minisitiri avuga ko ubuyobozi bugiye kwicara bukareba icyakorwa kugira ngo uyu mujyi wa Huye wongere usubirane ubuzima bujyanye n’igihe u Rwanda rugezemo rwiyubaka.

Nk’uko aba baminisitiri basuye n’ibindi bigo harebwa imikorere yabyo harimo n’icyahoze ari kaminuza nkuru y’u Rwanda n’ikigo cy’ubushakashatsi NIRDA yahoze ari IRST,kimwe mu byo ubuyobozi buri kwigaho ngo ni uburyo uyu mujyi wagarurwamo bimwe mu bigo byimukiye I Kigali bikongera kuza gukorera muri uyu mujyi mu rwego rwo kuwuteza imbere .

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble citoyen

    Yego no kwemera ko wibeshye ni byiza, ariko se ibihombo abaturage batewe n’iki cyemezo bizarebwa nande? Ubu se uwahurutuye faculties zose zari i Ruhande ngo azizanye i Kigali harya havuyemo irihe reme ry’uburezi? Uretse kuburabuza abanyeshuri n’imiryango y’abarimu babo inyungu twakuyemo ni iyihe? Amazu ya UNR na labos zuzuye ibikoresho byamezemo ibyatsi hatikira za miliyari kubera gusa ubwibone bwa bamwe. Ni akumiro!

    2 months ago
  • chat_bubble mivumvi

    abayafunze barahubutse! niba hatarimo ubugome! ubuse umuturage mwafungiye inzu mubona abayeho gute? niba yarafite ideni muri bank ibyemezo byanyu ntibyatumye agwa mubibazo! Erega muge mubanza mutekereze kunyungu zumuturage! niwe boss wanyu!

    2 months ago

Inzindi nkuru

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 654 0

Mu Rwanda hari ubukerarugendo bushingiye ku muco,amateka,ubuhinzi,iyobokamana

Icyiswe Wilson Tours,bateguye amahugurwa y’ukwezi kumwe ku bantu b’ibyiciro...
6 December 2018 Yasuwe: 908 0

Imihanda yo mu Rwanda ngo mwiza ku kigero cya 97% [AMAFOTO]

Minisitiri w’ Intebe w’ u Rwanda Dr Edouard Ngirente yatangaje ko ikigero cy’...
4 December 2018 Yasuwe: 778 1

Leta y’ u Rwanda igiye kubaka imihanda mishya ya kaburimbo irimo uwa km...

Minisitiri w’ Intebe w’ u Rwanda Dr Ngirente yatangaje gahunda zitandukanye u...
4 December 2018 Yasuwe: 3873 1

’Ibibazo by’ ibirayi ntibikeneye abaterankunga ’ Minisitiri Shyaka

Minisitiri w’ Ubutegetsi bw’ Igihugu Prof Shyaka Anastase yizeje abatuye...
25 November 2018 Yasuwe: 1000 2

Ngoma: Inzu yubakiwe abatishoboye iri gusenyuka itaramara amezi abiri...

Inzu yo mu bwoko bwa ‘Four in One’ yatujwemo imiryango ine (4) y’abarokotse...
22 November 2018 Yasuwe: 1361 1