Kigali

MTN Rwanda yaciwe amande ya miliyari zirenga zirindwi

Amakuru   Yanditswe na: Nsanzimana Ernest 17 May 2017 Yasuwe: 2283

Ikigo cy’igihugu gishinzwe kugenzura imirimo ifitiye igihugu akamaro, RURA, cyafatiye ibihano ikigo cya MTN Rwanda kizira kutuzuza ibyo cyemeye mu nshingano zacyo gihita gicibwa amande ya miliyari 7 na miliyoni 30 z’Amanyarwanda.

Iki kigo cya MTN gishinjwa kuba cyarashyizeho hanze y’igihugu, muri Uganda, serivisi z’ikoranabuhanga mu itumanaho, zirebererwa na MTN mu karere, kandi binyuranyije n’amabwiriza ya RURA. MTN ngo ibi ikaba yarabikoze itabanje kubiganiraho na RURA kandi yari yaraburiwe ko igikorwa nk’icyo gishobora kuzagira ingaruka ku masezerano ayemerera gukorera mu Rwanda ndetse igafatirwa ibyemezo.

Mu gukora ibi, RURA ikaba ivuga ko MTN yanyuranyije n’amategeko n’amabwiriza yose akoreshwa mu Rwanda yatanzwe n’urwego rubifitiye ububasha nk’uko itangazo rigenewe abanyamakuru ryaturutse muri RURA rikomeza rivuga.

Kuwa 04 Gicurasi 2017 nibwo urwego rw’amategeko rwa RURA rwamenyesheje MTN ko yarenze ku masezerano yagiranye na RURA ihabwa amahirwe yo kwisobanura ndetse yemera ko yakoze amakosa.

Kubera ibi rero, Rura ikaba yafashe icyemezo cyo guca MTN amande angina na miliyari 7 na miliyoni 30 z’amafaranga y’u Rwanda (7,030,000,000 frw) nk’uko biteganywa n’amategeko.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ZACU TV yatoranyijwe mu mishinga ibiri myiza muri Transform Africa...

Kuri uyu wa kane taliki ya 16/05/2019 ZACUTV.COM urubuga rwashinzwe rufite...
16 May 2019 Yasuwe: 1220 0

“Tubwira urubyiruko ko ari abayobozi b’ejo, none se nk’ubu ba meya ni...

Habitegeko Francois, Meya w’Akarere ka Nyaruguru avuga ko hari igihe...
12 May 2019 Yasuwe: 1601 0

“Guha umushinga BDF ntibivuze guhita ubona amafaranga”: Meya Ange...

Mu gihe hari urubyiruko ruvuga ko rwagiye rushyikiriza imishinga yarwo BDF...
12 May 2019 Yasuwe: 683 0

Inoti za Magana atanu y’u Rwanda ’500’ n’iz’Igihumbi ’1000’ zigiye...

Mu myanzuro yafatiwe mu nama y’abaminisitiri yateranye kuri uyu wa mbere...
29 January 2019 Yasuwe: 3451 0

Abanyarwanda n’Abanyamahanga bashyiriweho uko basobanukirwa byoroshye...

Muri iyi minsi mikuru isoza umwaka wa 2018 Abanyarwanda n’ abanyamahanga...
18 December 2018 Yasuwe: 1003 1

Tumba, Rango, Mukoni: Amazu y’ ubucuruzi yari yarafunze yongeye gufungura...

Abatuye n’ abacururiza mu karere ka Huye by’ umwihariko Tumba, Rango, na...
13 December 2018 Yasuwe: 1960 2