Kigali

Musanze: Ntibishimiye kubona ikibuga cy’indege cya Ruhengeli cyahirwamo ubwatsi bw’ amatungo

Amakuru   Yanditswe na: Nsanzimana Ernest 21 November 2017 Yasuwe: 898

Igice kinini cy’Ikibuga cy’Indege cya Ruhengeri kimaze igihe kinini cyahirwamo ubwatsi bw’amatungo, gusa hari uruhande rimwe na rimwe rugwaho indege ntoya ziganjemo iz’abakerarugendo.

Clare Akamanzi, umuyobozi mukuru wa RDB, mu biganiro biherutse kumuhuza n’abikorera bo mu Ntara y’Amajyaruguru yatangaje ko hari umushoramari wifuje kuvugurura kiriya kibuga cy’indege.
Agira ati “Dufite umushoramari ugiye kubaka Lodge mu Kinigi, baradusabye kugira ngo bakoreshe iki kibuga cy’indege cya Musanze mu bukerarugendo, twabemereye ko bakora inyigo; ubu bari kuza kugisura ngo barebe niba bishoboka.”

Ivugururwa ry’Ikibuga cy’Indege cya Ruhengeri ni inkuru yakiranwe ibyishimo n’abaturage benshi b’Akarere ka Musanze batashimishwaga no kuba kibereyeho kwahirwamo ubwatsi kusa.

Mahirwe Bonaventure, agira ati “Byatubabaza cyane kuba iki kibuga cy’indege cyahirwamo ubwatsi gusa kandi cyaratwaye akayabo k’amafaranga Leta, kuba rero kigiye kuvugururwa turabyishimiye; twumva bizorohereza abantu b’inaha bajyaga gufata indege bikabasaba kubanza gutega za bus bajya i Kigali.”
Habyarimana Jean Damascene, Umuyobozi w’Akarere ka Musanze, we asanga ivugururwa ry’Ikibuga cy’Indegee cya Ruhengeri rizihutisha iterambere ry’ako karere.
Atangaza ko hagiye gushyirwaho ingamba zikumira abaturage bafite ingeso yo kwahira ubwatsi bw’amatungo muri kiriya kibuga.

Izubarirashe dukesha iyi nkuru ryanditse ko nta gihe gitangazwa Ikibuga cy’Indege cya Ruhengeri kizatangiriraho kuvugururwa ndetse n’ingengo y’imari bizatwara ntiramenyeka kuko ngo hagikorwa inyigo, gusa tuzakomeza kubakurikiranira iby’iyi nkuru.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bane bakurikiranyweho kwinjiza caguwa mu buryo bwa magendu

Nyuma y’aho hafatiwe icyemezo cyo guca imyenda n’inkweto byambawe bizwi nka...
25 May 2018 Yasuwe: 1184 0

Burera: Hafatiwe ibiro 1 700 by’amabuye y’agaciro yinjizwaga mu buryo bwa...

Polisi y’u Rwanda ikorera mu karere ka Burera, ifatanyije n’Urwego rw’Igihugu...
24 May 2018 Yasuwe: 321 0

Huye: Ikiraro abaturage bahora basabira ubufasha, cyongeye gutwara undi...

Nyuma y’iminsi mike tubagejejeho inkuru y’abaturage batuye imirenge ya Maraba...
24 May 2018 Yasuwe: 1071 1

Muhanga: Mu byumweru bitatu hamaze gupfa inka 20 mu zahawe abaturage

Inka 20 mu nka 104 zahawe bamwe mu baturage b’ umurenge wa Nyarusange mu...
22 May 2018 Yasuwe: 1115 0

Djibouti igiye kohereza mu Rwanda indege zitwara abagenzi

Mu kwezi gutaha sosiyete itwara abagenzi y’ igihugu cya Djibuti, Air...
10 May 2018 Yasuwe: 1418 0

Gisagara: Ikigo gishinzwe amashanyarazi cyatemye urutoki rw’ abaturage...

Bamwe mu baturage bo mu kagari ka Saga umurenge wa Muganza ho mu karere ka...
7 May 2018 Yasuwe: 672 0