startimes
Kigali
startimes

Niringiyimana wahanze umuhanda wenyine yiyemeje guha umuriro n’amazi abaturanyi be no guhanga ikiyaga gikurura ba mukerarugendo

Amakuru   Yanditswe na: Dusingizimana Remy 17 June 2020 Yasuwe: 4320

Sponsored Ad


Niringiyimana Emmanuel wakoze umuhanda w’ibirometero 7 wenyine nta gihembo ategereje,yatangaje ko afite indi mishinga izagirira abaturage akamaro irimo kubegereza umuriro n’amazi, gutangira ubwisungane mu kwivuza imiryango 30 itishoboye no kubaka ikiyaga kizakurura ba mukerarugendo mu rwego rwo guteza imbere Akarere ka Karongi avukamo n’igihugu muri rusange.

Niringiyimana yabwiye InyaRwanda.com dukesha iyi nkuru ko iyi mishinga uko ari itatu igiye kubimburirwa no gutanga ubwisungane mu kwivuza (Mituweli) ku miryango 30.

Ati "Abaturage bazatangirwa ubwisungane mu kwivuza (Mituweli) bo barayitangirwa muri uku kwezi kwa Nyakanga".

Amafaranga ibihumbi magana atanu na mirongo inani na bitandatu (586.000 Frw) azifashisha mu kwishyurira imiryango 30 ubwisungane mu kwivuza, yadutangarije ko ari inkunga azahabwa na Pastor Francois Tugirimana utuye muri Amerika.

Niringiyimana yavuze ko Pastor Francais Tugirimana afata nk’umubyeyi we yamuhaye iyi nkunga nyuma yo kubona igikorwa gikomeye yakoze cyo guhanga umuhanda.

Naho ibijyanye no kwegereza abaturage umuriro n’amazi avuga ko ari umushinga uzakora nyuma yo kongera kugirana amasezerano mashya na sosiyete y’itumanaho Airtel asanzwe abereye Ambasaderi.

Ati "Ubu Airtel irimo irategura amasezerano ya kabiri. Ayo mafaranga azamfasha kumanura urutsinga n’ipoto abaturage bazajya bafatiraho umuriro’’. Uyu mushinga uzagendana no kwegereza abaturage amazi.

Ibi bikorwa remezo avuga ko yahisemo kubyegereza abaturage batuye mu mudugudu wa Gakorwe mu kagari ka Mwenda ho mu murenge wa Gasharu mu karere ka Karongi .

Aba baturage bakaba batuye mu gasantire kanyuramo umuhanda yahanze ariko na none umuriro n’amazi biri kure y’aka gasantire nko mu birometero 3. Ibi bituma abatuye muri aka gace bakoresha amazi mabi yo mu mugezi utemba bakunze kwita Murondwe.

Niringiyimana umushinga abona uzamugora ni uwo kubaka ikiyaga kizafata mu midugudu ibiri uwa Gashari na Tongati yose ikaba iri mu murenge wa Gashari. Avuga ko aziyambaza Leta mu kubaka iki kiyaga. Abona kizagira akamaro kuko kizakurura ba mukerarugendo bityo kikinjiriza Akarere ke n’igihugu muri rusange.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Dassan

    Amaboko twarayamanitse bro! Uri igitangaza, umuntu utabona ko imyumvire yawe ari iya nyayo afite ikibazo. Abanyarwanda turashimira buri wese wagerageje kugushyigikira mu migambi yawe.

    1 month ago
  • chat_bubble B

    Iyi mishinga yose, ndayemeye, ni mizima. Imana imufashe cyane.

    1 month ago

Inzindi nkuru

RURA yashyiriyeho abamotari igihe ntarengwa cyo kuba babonye mubazi...

Urwego ngenzuramikorere mu Rwanda [RURA] rwatangaje ko guhera kuwa...
5 August 2020 Yasuwe: 1490 1

Umwamikazi w’Ubwongereza yashyigikiye icyifuzo cy’u Rwanda cyo kwimurira...

Umwamikazi w’ubwongereza Elizabeth wa II, yashyigikiye icyifuzo cya...
14 July 2020 Yasuwe: 6316 0

Guverinoma y’u Rwanda yatangaje igihe ingendo z’indege zitwara abagenzi...

Minisiteri y’Ibikorwaremezo yatangaje ko guhera tariki 1 Kanama 2020 ibibuga...
4 July 2020 Yasuwe: 2455 0

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 3279 1

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1264 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 2302 1