Kigali

NTIBISANZWE: Rutsiro: Abaturage borora ihene bazipfutse iminwa

Amakuru   Yanditswe na: Nsanzimana Ernest 18 April 2018 Yasuwe: 1255

Aborozi b’ ihene mu murenge wa Musasa mu karere Rutsiro mu ntara y’ Iburengerazuba borora aya matungo bayambitse ibice by’ utugerekani ku minwa mu rwego rwo kwirinda amakimbirane no gucibwa amafaranga n’ abaturanyi babo.

Umurenge wa Musasa uherereye hafi y’ ikiyaga cya Kivu, ni umurenge ukorerwamo ibikorwa by’ ubuhinzi n’ ubworozi kimwe n’ indi mirenge yose y’ icyaro. Uyu murenge wiganjemo ubuhinzi bw’ ikawa n’ urutoki rugitanga umusaruro mwinshi bitandukanye na henshi mu Rwanda urutoki rutagitanga umusaruro.

Iyo ugeze muri uyu murenge utungurwa no kubona buri hene yose ifite igice cy’ ikijerekani, nyamara abaturage baho bo barabimenyereye ndetse bavuga ko n’ ayo matungo yabimenyereye.

Nyinawinyamibwa Floride w’ imyaka 55 wari ushoreye ihene mu masaha y’ umugoroba avuga ko azivanye ku isambu yatangarije UMURYANGO ko yabonye bagenzi ihene zabo bazipfuka umunwa nawe akabikora gusa ngo abona ntakibazo bizitera.

Yagize ati “Tuba tugira ngo zitona turi kuzijyana. Mbere zaronaga zakona ugasanga abantu barakwiyamye uzishoreye none ubu ng’ ubu urazishorera zikagenda ntizigende zona…Twabonye abandi bazipfutse natwe aba ariko tubikora. Iyo tuzigejejeyo turazirekura zikarisha twajya gutaha tukongera tukazifunga, inaha twese niko tubigenza nazo zarabimenyereye ntacyo bizitwara”

Nyinawinyamibwa yakomeje avuga ko mbere ihene zoneraga abaturage bigateza amakimbirane ndetse hakaba abo baca amafaranga, gusa we afunga ko yafashe iki cyemezo ntawe uramuca amafaranga.

Muganga w’ amatungo yavuze ko ntacyo bitwaye

Umuganga w’ amatungo witwa Joseph Ntigurirwa wo mu karere ka Rusizi yatangarije UMURYANGO ko ibyo abo borozi b’ ihene bakorera izo hene ntacyo bibangamye ku mibereho yazo nubwo yemera ko bitatuma zihebeba.

Yagize ati “Biba bikoze ku buryo haba harimo umwenge hasi ku buryo ibasha guhumeka biriya ntacyo byazitwara. Byaba ikibazo ariko itabasha guhumeka. Kuba itabasha guhebeba ntacyo bitwara bajya babikora no ku mbwa iyo bashaka kuyifata bagira ngo itabarya hari akantu bayambika kayifasha guhumeka ariko ikaba itakwasama ngo igire icyo itamira”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ntiharamenyekana icyatumye amafi menshi yo mu mugezi wa Mukungwa apfira...

Ubuyobozi bw’ akarere ka Musanze bwatagangaje ko hakirimo gukorwa iperereza...
23 September 2018 Yasuwe: 2703 0

Karongi yamenye icyatumye itaza imbere mu kwesa imihigo igiye...

Akarere ka Karongi kamaze imyaka itatu ikurikiranye kaza mu myanya itari...
22 September 2018 Yasuwe: 501 0

Karongi: Iyi misozi yahoze ituwe ubu yambaye ubusa itegereje icyayi...

Ubuzima bagiye kubamo nyuma y’ uko bimuwe aho bari batuye ngo haterwe icyayi...
21 September 2018 Yasuwe: 1754 0

Uruganda rwa SORWAL byarangiye rutejwe cyamunara atageze kuri ½ cy’ igiciro...

Kuri uyu wa Kabili tariki 18 Nzeli 2018 nibwo umuhesha w’ Inkiko w’ Umwuga Me...
18 September 2018 Yasuwe: 1044 0

Cyamunara/Huye : Uruganda rw’ ibibiriti rwabuze n’ umwe urugereka

Kuri uyu wa Kabiri tariki 11 Nzeli 2018, Maitre Vedaste Habimana, umuhesha...
12 September 2018 Yasuwe: 1718 1

Ibiro by’ akarere ka Nyamasheke byakupiwe umuriro w’ amashanyarazi

Ikigo cy’ igihugu gishinzwe ingufu REG cyakupiye akarere ka Nyamasheke...
31 August 2018 Yasuwe: 1684 0