startimes
Kigali
startimes

Nyagatare: Perezida Kagame yatashye umudugudu w’icyitegererezo watwaye akayabo ka miliyari 88 FRW

Amakuru   Yanditswe na: Dusingizimana Remy 4 July 2020 Yasuwe: 3255

Kuri uyu wa Gatandatu tariki ya 04 Nyakanga 2020,Nyakubahwa perezida wa Repubulika,Paul Kagame yatashye umudugudu wa Gishuro wo mu murenge wa Tabagwe mu karere ka Nyagatare mu ntara y’Iburasirazuba.


Sponsored Ad


Perezida Kagame yatashye ku mugaragaro uyu mudugudu uzatuzwamo n’imiryango 64,ibitaro by’icyitegererezo,amashuri agezweho n’ikigo mbonezamikurire y’abana.

Mu rwego rwo kwizihiza ku nshuro ya 26 umunsi wo Kwibohora,hubatswe uu mudugudu w’icyitegererezo wa Gishuro, ukazatuzwamo imiryango 64 itishoboye.

Buri muryango ukazahabwa ibiryamirwa, TV, amashyiga na Gaz, inka, ndetse n’ubworozi bw’inkoko zigera ku bihumbi 2 zagenewe iyo miryango.

Kuri ibi kandi haniyongeraho umuhanda wa kaburimbo Nyagatare-Tabagwe-Karama ureshya na km 30, ishuri rigezweho rya GS Tabagwe, Ikigo nderabuzima n’ibindi bikorwa bizahindura ubuzima bw’abaturage ba Nyagatare muri rusange.

Ku batuye I Tabagwe na Nyagatare muri rusange, ngo ibikorwa nk’ibi ni intambwe idasubira inyuma mu rugamba rwo kwibohora nyabyo.

Biteganyijwe ko mu Karere ka Nyagatare ariho hizihirizwa ku nshuro ya 26 ibirori by’umunsi mukuru wo kwibohora, ibirori ngarukamwaka biba tariki 4 Nyakanga.

Umuvugizi w’igisirikare cy’u Rwanda Lt Col Innocent Munyengango yabwiye Perezida Kagame ko ibi bikorwaremezo byose byatwaye miliyari 88 kubera ko byakozwe mu bufatanye bw’inzego za Leta n’abaturage mu gihe iyo bitaza gukorwa gutyo byari gutwara miliyari 96,5 ati “Byafashije Leta kwizigamira miliyari 8,5”.

Minisitiri w’Ubuzima Dr Ngamije Daniel yavuze ku bikorwaremezo byo mu rwego rw’ ubuzima byubatswe mu karere ka Nyagatare avuga ko hubatswe ibitaro bibiri aribyo ibya Gatunda n’ibitaro bya Gatonde.

Ibitaro bya Gatunda byatashywe uyu munsi byuzuye bitwaye miliyari 5,6 ntabwo biratangira gukora kubera ko gahunda yo kugura ibikoresho yakererejwe n’icyorezo cya covid-19 kubera aho Leta yagombaga kugura ibikoresho ari mu mahanga.

Ibi bitaro bizatangira gukora tariki 30 Kanama 2020, abakozi bamaze bamaze kugera ku bitaro n’ibikoresho bimwe byamaze kugera ku bitaro.

Ikigo Nderabuzima cya Tabagwe kiri mu byatashywe ku mugaragaro uyu munsi cyo cyuzuye gitwaye miliyari 1,2. Kizatangira gukora mu cyumweru gitaha nk’uko Minisitiri Dr Ngamije yabitangaje.

Mu rwunge rw’amashuri rwa Tabagwe Perezida Paul Kagame yatashye ku mugaragaro ibyumba by’amashuri 22 byavuguruwe byose bifite ubushobozi bwo kwakira abanyeshuri 1,418 bo mu mashuri abanza.Hari kandi n’ibyumba 25 byakira abanyeshuri 903 bo mu mashuri yisumbuye.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble eugene

    Ibi ibikorwa byagezweho birashimishije ahasigaye ni ahacu ho kubisigasira no kubibyaza umusaruro

    1 month ago

Inzindi nkuru

Umwamikazi w’Ubwongereza yashyigikiye icyifuzo cy’u Rwanda cyo kwimurira...

Umwamikazi w’ubwongereza Elizabeth wa II, yashyigikiye icyifuzo cya...
14 July 2020 Yasuwe: 6260 0

Guverinoma y’u Rwanda yatangaje igihe ingendo z’indege zitwara abagenzi...

Minisiteri y’Ibikorwaremezo yatangaje ko guhera tariki 1 Kanama 2020 ibibuga...
4 July 2020 Yasuwe: 2428 0

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 3255 1

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1257 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 2290 1

Ingengo y’Imari y’u Rwanda 2020-2021 yiyongereyeho miliyari 228.6...

Minisitiri Dr Ndagijimana Uzziel yavuze ko Ingengo y’imari ya 2020-2021...
22 June 2020 Yasuwe: 902 0