Kigali

Ruhango: Umumotari arashinjwa guha ruswa y’ibihumbi 30 umupolisi

Amakuru   Yanditswe na: Iyamuremye Janvier 19 December 2017 Yasuwe: 266

Polisi y’u Rwanda iragira inama abanyarwanda guca ukubiri n’umuco mubi wo gutanga ruswa kuko yahagurukiye kurwanya abayitanga no kubafata bagashyikirizwa ubutabera.

Ubu butumwa buje bukurikira ifatwa ry’umumotari witwa Kubwimana Theophile wafatiwe mu karere ka Ruhango Umurenge wa Byimana, ubwo ku itariki ya 17 Ukuboza yashakaga guha ruswa y’ibihumbi mirongo itatu y’amafaranga y’u Rwanda umupolisi ukorera kuri Sitasiyo ya Polisi ya Byimana ngo amurekurire moto ye yari ihafungiye kubera amakosa yari yakoze.

Umuvugizi wa Polisi mu Ntara y’Amajyepfo Inspector of Police (IP) Emmanuel Kayigi yavuze ati:”Uyu mumotari yakoze amakosa yo guha undi muntu utagira uruhushya rwo gutwara ikinyabiziga aba ariwe utwara moto, arangije aranatendeka, nibwo rero twafashe iyi moto tuyifungira kuri sitasiyo, nyuma nibwo yaje ashaka guha ruswa y’ibihumbi 30 umupolisi ngo ayirekure, nawe ahita amufata ubu afungiye kuri Sitasiyo ya Polisi ya Byimana.”

IP Kayigi yasabye abanyarwanda cyane abakirangwaho n’ingeso yo gutanga ruswa bayiha abapolisi kuyicikaho burundu kuko Polisi nk’ urwego rushinzwe kubahiriza amategeko idashobora kwihanganira ko iki cyaha gikomeza gukorwa.

Yagize ati:″Uriya mupolisi yakoze kinyamwuga. Yubahirije indangagaciro za Polisi y’u Rwanda zijyanye no guhashya ruswa aho iva ikagera″.

Yagize kandi ati:"Ingaruka za ruswa zigera ku muryango mugari w’abantu akaba ari yo mpamvu buri wese akwiye kuyirinda kandi akagira uruhare mu kuyirwanya aha Polisi y’u Rwanda n’izindi nzego zibishinzwe amakuru yatuma iki cyaha gikumirwa kandi yatuma hafatwa abagikoze ndetse n’abategura kugikora."

Yasobanuye ko ruswa imunga ubukungu bw’igihugu ndetse ikanagira ingaruka ku miryango, dore ko iyo ukekwaho kuyitanga afashwe usanga umuryango we uhazahariye kuko afungwa.

Yavuze kandi ko Polisi yashyizeho ingamba zikaze zo gufata ikanashyikiriza ubutabera abakekwaho gutanga ruswa.

IP Kayigi yavuze ko abanyarwanda bagomba kwirinda umuco wo kugura serivisi bemerewe, aho yagize ati: “Abanyarwanda bagifite uyu muco bagomba kwirinda inzira z’ubusamo kuko bamwe kubera impamvu zo kugira ngo bagere kuri gahunda zabo bwangu, usanga ahubwo bihutira kugura serevise mugihe kandi baba bazemerewe kubuntu”.

Yavuze ko uyu muco mubi ugomba gucika burundu abanyarwanda bagaharanira guhabwa serivisi binyuze munzira zemewe n’amategeko.

Ingingo ya 640 y’igitabo cy’amategeko ahana y’u Rwanda ivuga ko umuntu wese uha, ku buryo bweruye cyangwa buteruye, washatse guha undi muntu, ku buryo buziguye cyangwa butaziguye, impano cyangwa indonke iyo ari yo yose cyangwa yamugiriye amasezerano yabyo kugira ngo amukorere cyangwa akorere undi muntu ikiri mu mirimo ashinzwe cyangwa yifashishije imirimo ye, ahanishwa igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’indonke yatanze cyangwa yashatse gutanga.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cyamunara/Huye : Uruganda rw’ ibibiriti rwabuze n’ umwe urugereka

Kuri uyu wa Kabiri tariki 11 Nzeli 2018, Maitre Vedaste Habimana, umuhesha...
12 September 2018 Yasuwe: 1666 1

Ibiro by’ akarere ka Nyamasheke byakupiwe umuriro w’ amashanyarazi

Ikigo cy’ igihugu gishinzwe ingufu REG cyakupiye akarere ka Nyamasheke...
31 August 2018 Yasuwe: 1654 0

Ni ryari u Rwanda ruzaba rudakeneye inkunga z’ amahanga?

U Rwanda ni igihugu gito kiri mu nzira y’amajyambere ariko kirimo kwihuta mu...
27 August 2018 Yasuwe: 2130 0

Burera: Muri Giri Inka hadutsemo ruswa idasanzwe bise ‘UMUGEREKA’

Abaturage bo mu murenge wa Kagogo wo mu karere ka Burera ngo baravuga ko...
22 August 2018 Yasuwe: 1222 1

Ngoma: Wa mubyeyi wahumye umugabo akamusiga mu buzima bushaririye...

Ubuyobozi bw’ umurenge wa Rukumberi mu karere ka Ngoma bwegereye...
7 August 2018 Yasuwe: 1853 0

Abanyapolitiki n’ abaherwe bakomeye mu Isi bategerejwe I Kigali vuba...

Kofi Annan wayoboye Umuryango w’Abibumbye (UN), Al Gore wigeze kuba Visi...
7 August 2018 Yasuwe: 1937 1