skol
Kigali
startimes

RURA yashyiriyeho abamotari igihe ntarengwa cyo kuba babonye mubazi n’ibiciro bishya bya moto

Amakuru   Yanditswe na: Dusingizimana Remy 5 August 2020 Yasuwe: 1586

Urwego ngenzuramikorere mu Rwanda [RURA] rwatangaje ko guhera kuwa 15/8/2020,mu mujyi wa Kigali nta mumotari uzongera kwemererwa gukora adafite mubazi.


RURA yavuze ko iyi mubazi izafasha abagenzi kwishyura amafaranga y’ingendo za moto bakoresheje ikoranabuhanga ndetse bibafashe kwishyura amafaranga akwiriye.

Biteganyijwe ko guhera ku birometero 2, umugenzi azajya yishyura amafaranga y’u Rwanda 300, nyuma yabyo atangire kwishyura 133 FRW ku kilometero.

Igihe umugenzi yifuje guhagarara, iminota icumi ya mbere ntazajya ayishyura ariko igihe iyi minota ayirengeje azajya acibwa amande ya 21 FRW ku munota.

Kugeza ubu, mu bamotari 26,000 bakorera muri Kigali RURA ivuga ko abagera kuri 19,500 bamaze guhabwa mubazi.

Aya mabwiriza yiyongereye kuyo RURA yatanze agomba kugenga abamotari mu rwego rwo kwirinda no kurinda abagenzi Covid-19 arimo ko :

Abamotari n’abagenzi bagomba kwitwaza imiti y’isuku yabugenewe (Hand-Sanitizers) kugirango basukure intoki na casques mbere y’urugendo;

Ku bw’impamvu zo kubungabunga isuku, abamotari n’abagenzi bagomba kuba bafite agatambaro ko kwambara imbere y’ingofero (casques).

Abamotari n’abagenzi kandi bagomba kwambara udupfukamunwa uko bikwiye nk’uko biteganywa n’amabwiriza ya Minisiteri y’Ubuzima.

Abamotari bose bo mu Mujyi wa Kigali bagomba gukoresha ikoranabuhanga rya mubazi ndetse bakishyurwa hakoreshejwe ikoranabuhanga nka MTN Mobile Money cyangwa Airtel Money.

Abamotari bo mu Ntara bazatangira gukoresha mubazi nyuma, ariko na bo bagomba kwishyurwa hakoreshejwe ikoranabuhanga nka MTN Mobile Money cyangwa Airtel Money.

Abamotari bagomba kubahiriza gusiga umwanya hagati yabo aho baparika.

Muri Kamena 2020,RURA yavuze ko bamwe mu bamotari bagowe no kubona mubazi ku gihe bari bahawe ukwezi ngo bose babe bazishyizeho ariko ubu kwararenze.

Muri iri tangazo RURA yagize iti “Abamotari bo muri Kigali bongerewe ukwezi kugira ngo bashyire mubazi kuri moto, bahabwe amahugurwa ahagije ndetse abamotari n’abagenzi bamenyere gukoresha serivisi nshya yifashisha ikoranabuhanga rya mubazi (smart meters).”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Innocent

    Ariko mumbabariye navuga ko RURA itagira ubwenge!! Reba ahantu ha 6km hagenderwaga 500F none ubu ishyize muri ibi wasanga ari 830F!! Harya ni uko bo badatega? Bazisanga ahantu habi cyane nibakomeza kwikoreza abantu iyi mitwaro

    1 month ago

Inzindi nkuru

Commonwealth yatangaje igihe inama ya CHOGM igomba kubera i Kigali...

Perezida wa Repubulika y’u Rwanda, Paul Kagame n’Umunyamabanga Mukuru wa...
23 September 2020 Yasuwe: 2487 0

Rubavu: Imvura nyinshi yasenye amazu menshi inangiza imyaka y’abaturage

Imvura nyinshi ivanze n’umuyaga yaguye mu ijoro ryakeye yasenye ibintu...
23 September 2020 Yasuwe: 595 0

Uruhuri rw’ibibazo by’imicungire y’imari muri WASAC rwateye inkeke...

Abadepite bagize komisiyo ishinzwe gukurikirana imikoreshereze y’imari...
21 September 2020 Yasuwe: 1167 0

Isoko ryo kwa Mutangana rigiye kongera gufungurwa mu ngamba...

Umujyi wa Kigali watangaje ko Isoko rya Nyabugogo rizwi nko kwa Mutangana...
14 September 2020 Yasuwe: 820 0

Ibikubiye mu gishushanyo mbonera gishya cy’umujyi wa Kigali kigiye gutangira...

Umujyi wa Kigali wamuritse ku mugaragaro igishushanyombonera gishya,...
4 September 2020 Yasuwe: 2707 0

Umuhango wo #KwitaIzina uyu mwaka uzaba hakoreshejwe ikoranabuhanga

Ikigo cy’igihugu gishinzwe iterambere ’RDB’ cyatangaje ko kubera icyorezo cya...
4 September 2020 Yasuwe: 1156 0