Kigali

Rwamagana: Abaturage barimo kwamburwa amasambu yabo kubera amabuye y’ agaciro

Amakuru   Yanditswe na: Nsanzimana Ernest 13 July 2018 Yasuwe: 781

Abaturage bo mu mudugudu wa Nyagakombe mu kagari ka Cyimbazi mu murenge wa Munyiginya mu karere ka Rwamagana, baravuga ko barimo kwamburwa uburenganzira ku butaka bwabo kugirango bucukurwemo amabuye y’agaciro.

Nyuma yo kubona ko mu butaka bwabo bwite harimo amabuye y’agaciro, aba baturage ubwabo biyemerera ko batangiye kujya bayacukura mu buryo bunyuranyije n’amategeko. Nyuma yaho inzego z’ubuyobozi hamwe na sosiyete yitwa PIRANI isanzwe icukura amabuye y’agaciro mu mirenge itandukanye y’akarere ka Rwamagana ngo baje kubahagarika hanyuma aba baturage barabyemera.

Mu gihe rero bari bategereje ko habaho ubwumvikane ku bijyanye n’uburyo ubwo ubucukuzi bwakorwa hatagize ubangamirwa, aba baturage ngo batunguwe no kubona abarinzi ba sosiyete ya PIRANI baza gucunga umutekano ku butaka bwite bw’aba baturage ndetse bababuza no kugira ikindi bakoreramo, ibyo bavuga ko batasobanukiwe impamu yabyo.

Aba baturage barasaba ko bahabwa ingurane bakimuka aha hantu hanyuma kugirango iyo sosiyete isanzwe ikora ibikorwa by’ubucukuzi ikomeze ibikorwa byayo.
Umunyamabanga nshingwabikorwa w’umurenge wa Munyiginya BYARUHANGA John Bosco avuga ko ku bufatanye n’iyo sosiyete ngo iki kibazo barimo kugishakira igisubizo mu rwego rwo gukumira ubucukuzi bw’amabuye y’agaciro bukorwa mu kajagari bukaba bushobora no guteza impanuka.

Hirya no hino mu bice bitandukanye bikorerwamo ubucukuzi bw’amabuye y’agaciro hakunze kugaragara kudahuza hagati y’abaturage n’abakora ubu bucukuzi, akenshi hakaba hakunze kuvugwa ibijyanye n’ingurane no kubangamirwa n’ibikorwa by’ubucukuzi rimwe na rimwe bihungabanya ubuzima bw’abaturage nko gusiga inzu zabo mu manegekabitewe no kudasiba ibyobo biba byaracukuwemo amabuye bigasigara birangaye bikaba byateza impanuka.

Src: TV1

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

U Rwanda rwabonye aho rusabwa gushyira imbaraga ngo rugere ku ntera y’...

Raporo yashyizwe ahagaragara kuri uyu wa 10 Ugushyingo 2018 na Guverinoma...
11 November 2018 Yasuwe: 678 0

Abayobozi bambuye Sacco miliyoni 142

Imibare ya Banki nkuru y’igihugu igaragaza ko bamwe mu bayobozi mu nzego...
10 November 2018 Yasuwe: 618 0

MINAGRI yatangaje ikishe ya mafi yo muri Mukungwa

Minisiteri y’ Ubuhinzi n’ Ubworozi mu Rwanda yatangaje ko amafi yo muri...
9 November 2018 Yasuwe: 5398 1

Ni ryari leta ikenera gushyira impapuro mpeshamwenda ku isoko

Ni inshuro nyinshi abantu tujya twumva mu matangazo ko leta yasize...
7 November 2018 Yasuwe: 414 0

Hoteli ‘Kalisimbi’ igiye kugurishwa

Hoteli Karisimbi iherere mu Kiyovu, igiye kugurishwa kubera imyenda ingana...
6 November 2018 Yasuwe: 1035 0

Imodoka zikoresha gaz Methane zishobora kwinjira mu Rwanda mu minsi iri...

U Rwanda ruri kuganira na Kampani yo mu Burusiya ikora ikanacuruza bisi...
5 November 2018 Yasuwe: 1423 0