addresiya
Kigali
startimes

Umuhanda Ngoma-Bugesera- Nyanza wabonye inkunga, uratangira kubakwa mu mpera za 2017

Amakuru   Yanditswe na: Nsanzimana Ernest 5 June 2017 Yasuwe: 2413


Banki y’ Isi yahaye u Rwanda miliyari 70 z’ amafaranga y’ u Rwanda azakoreshwa mu kubaka umuhanda Ngoma-Nyanza, Perezida Kagame yemereye abaturage.

Kuri uyu wa Mbere tariki 5 Kamena 2017, nibwo Leta y’ u Rwanda ihagarariwe na Minisitiri w’ imari n’ igenamigambi Amb. Claver Gatete n’ umuyobozi uhagarariye banki y’ Isi mu Rwanda bashyize umukono ku masezerano y’ iyo nguzanyo.

Minisitiri Gatete yavuze ko uyu muhanda Perezida Kagame yarawemereye abaturage bityo ukaba wabonye inkunga ya miliyari 70 z’amafaranga y’u Rwanda kugira ngo wubakwe.

Yagize ati “Igice kimwe cy’amafaranga yo kubaka uyu muhanda kiratangwa na Banki y’Isi naho andi atangwa na leta y’u Buyapani. Umuhanda wose ufite ibirometero 119 ariko 66 muri byo bizubakwa n’amafaranga y’inguzanyo ya Banki y’Isi andi asigaye akazatangwa n’u Buyapani.”

Yasser El-Gammal uharagarariye banki y’ Isi mu Rwanda yavuze ko iyubakwa ry’ uwo muhanda rizabyarira inyungu abantu barenga 500,000 .

Ati “Uyu muhanda uzatuma habaho guhnga imirimo mishya ku bawuturiye kuko hari abazabona akazi mu kuwubaka ndetse n’abandi bazabona akazi gahoraho kuko batangiza ibikorwa Bizana amafaranga hafi y’umuhanda.”

El-Gammal akomeza avuga ko abaturage ba Ngoma, Bugesera na Nyanza babonye amahirwe yo gushakisha imirimo mishya ariko akanongeraho ko muri aya masezerano hakubiyemo ko aya mafaranga azafasha no mu kwita kuri uyu muhanda mu gihe cy’imyaka itatu.

Yagize ati “Igice kimwe cy’amafaranga yo kubaka uyu muhanda kiratangwa na Banki y’Isi naho andi atangwa na leta y’u Buyapani. Umuhanda wose ufite ibirometero 119 ariko 66 muri byo bizubakwa n’amafaranga y’inguzanyo ya Banki y’Isi andi asigaye akazatangwa n’u Buyapani.”

Igice kizakorwa na Banki y’Isi ni ikiva mu Bugesera ahitwa Kibugabuga cyerekeza i Nyanza ahazwi nko ku Gasoro.

Uyu muhanda uzatangira kubakwa mu mpereza z’ uyu mwaka wa 2017 witezweho kugabanya umubyigano w’imodoka nyinshi zakoresha umuhanda umwe wa Rusumo-Kigali zikomeza mu Majyepfo ndetse n’izindi zikomeza muri Repubulika Iharanira Demukarasi ya Kongo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abashyirwa mu kato bavuye hanze y’u Rwanda babwiwe amafaranga bazajya...

Mu nama y’Abaminisitiri yo ku wa 18 Gicurasi 2020 hemejwe ko Abanyarwanda...
22 May 2020 Yasuwe: 4360 2

Umuhungu wa perezida Kagame yashyizwe mu nama y’ubutegetsi ya RDB n’Inama...

Inama y’abaminisitiri mu Rwanda yaraye yemeje kugumishaho nyinshi mu ngamba...
19 May 2020 Yasuwe: 3691 0

U Rwanda na Tanzania bafashe umwanzuro wo guhagarika ibyo guhinduranya...

Kuri uyu wa Gtanu tariki ya 15 Gicurasi 2020,intumwa za Repubulika y’u...
16 May 2020 Yasuwe: 2499 0

Miriyari 8.6 Frw za Leta zaranyerejwe zinasohoka mu buriganya

Umugenzuzi Mukuru w’Imari ya leta, Biraro R. Obadiah, kuri uyu wa gatanu...
15 May 2020 Yasuwe: 1132 1

Abanyarwanda babuze imitungo yabo nibakomere nta nzara izabica- Minisitiri...

Imvura nyinshi yaguye mu bice bitandukanye mu Rwanda mu ijoro ryo kuwa...
8 May 2020 Yasuwe: 1767 1

Leta y’u Rwanda yakemuye ikibazo cy’abashoferi bo muri Tanzania bahohoteye...

Leta y’u Rwanda yatangaje ko yatangiye gukorana n’inzego z’ubucuruzi za...
6 May 2020 Yasuwe: 12828 1