skol
Kigali
startimes

Umuhango wo #KwitaIzina uyu mwaka uzaba hakoreshejwe ikoranabuhanga

Amakuru   Yanditswe na: Dusingizimana Remy 4 September 2020 Yasuwe: 1067

Ikigo cy’igihugu gishinzwe iterambere ’RDB’ cyatangaje ko kubera icyorezo cya COVID-19 gikomeje kuyogoza isi yose, umuhango ngarukamwaka wo Kwita Izina abana b’ingagi uyu mwaka, uzaba hifashishijwe ikoranabuhanga.


RDB yatangaje ko umuhango wo Kwita Izina abana b’ingagi uyu mwaka uzaba hakoreshejwe ikoranabuhanga mu kwirinda icyorezo cya Coronavirus, aho abana 24 b’ingagi ari bo bazitwa amazina kuwa 24 Nzeri 2020.

Umuyobozi ushinzwe ubukerarugendo muri RDB,Belise Akaliza yabwiye abanyamakuru ko uyu mwaka umuhango wo Kwita Izina uzaba wihariye asaba abanyarwanda kuzawugiramo uruhare.

Ati " Uyu mwaka turarika Abanyarwanda kuzagira uruhare mu kwizihiza uyu muhango wo Kwita Izina abana 24 bavutse.Umwaka ushize twise Izina abana b’ingagi 25.

Nkuko mubizi,uyu mwaka uyu muhango uzaba mu bihe bidasanzwe kubera icyorezo cya Coronavirus.

Uyu mwaka umuhanga wo Kwita Izina uzaba wihariye kuko abafata iya mbere mu Kurinda ingagi mu birunga ba rushimusi,abayobora ba mukerarugendo,abaveterineri n’abandi bazita ingagi amazina."

Uyu muhango uteganyijwe tariki 24 Nzeri 2020 ntugihuje abantu benshi nk’ibisanzwe,ahubwo uzaba hakoreshejwe ikoranabuhanga.

Uyu muhango uteganyijwe ku nshuro ya 16 muri uyu mwaka.Kuva muri 2005, Kwita Izina ni umuhango ukomeye mu Rwanda, unagendana n’ibindi birori bikomeye byitabirwa n’ibyamamare bitandukanye.

Ibirori byo Kwita Izina biheruka byitabiriwe n’ibyamamare bikomeye birimo umutoza Louis Van Gaal,umuririmbyi w’Umunyamerika Ne-Yo, umuhanzi n’umuririmbyi w’Umunyarwanda uba muri Amerika Meddy, Sherrie Silver, Naomi Campbell, n’abandi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibikubiye mu gishushanyo mbonera gishya cy’umujyi wa Kigali kigiye gutangira...

Umujyi wa Kigali wamuritse ku mugaragaro igishushanyombonera gishya,...
4 September 2020 Yasuwe: 2625 0

Umuhango wo #KwitaIzina uyu mwaka uzaba hakoreshejwe ikoranabuhanga

Ikigo cy’igihugu gishinzwe iterambere ’RDB’ cyatangaje ko kubera icyorezo cya...
4 September 2020 Yasuwe: 1067 0

Igiciro cy’ibikomoka kuri peteroli cyongeye kuzamuka mu Rwanda

Urwego Ngenzuramikorere (RURA) rwashyize ahagaragara ibiciro bishya bya...
2 September 2020 Yasuwe: 1044 0

Isoko ry’umujyi wa Kigali ryemerewe gufungura ariko ribwirwa ibisabwa...

Umujyi wa Kigali waraye usohoye itangazo rivuga ko ku wa 31 Kamena...
1 September 2020 Yasuwe: 857 0

Umujyi wa Kigali wongereye igihe cyo gufunga amasoko 2 akomeye mu karere ka...

Umujyi wa Kigali wamaze gutangaza ko igihe cyo gufunga isoko ryo kwa...
24 August 2020 Yasuwe: 1519 0

Umujyi wa Kigali wamaze impungenge abakeka ko ubucuruzi burahungabanywa...

Umuyobozi w’Umujyi wa Kigali,Rubingisa Pudence yatangaje ko ifungwa ry’isoko...
18 August 2020 Yasuwe: 1292 0