skol
Kigali
startimes

Umuhungu wa perezida Kagame yashyizwe mu nama y’ubutegetsi ya RDB n’Inama y’abaminisitiri

Amakuru   Yanditswe na: Dusingizimana Remy 19 May 2020 Yasuwe: 3897

Inama y’abaminisitiri mu Rwanda yaraye yemeje kugumishaho nyinshi mu ngamba zafashwe mu kwirinda coronavirus, kimwe mu bindi byemezo byayo ni ugushyira mu myanya y’ubutegetsi ya RDB, Ivan Kagame, umuhungu wa Perezida Paul Kagame.


Ku nshuro ya mbere, Inama y’abaminisitiri - yari iyobowe Bwana Kagame - yashyize umwe mu bana be mu myanya y’ubutegetsi.

Ivan Kagame, yashyizwe mu bagize inama y’ubutegetsi y’ikigo cy’u Rwanda gishinzwe iterambere, RDB.

Iki kigo nicyo gicunga iby’ubukerarugendo, kwandika ibigo by’ubucuruzi mu Rwanda n’ibindi.

Ivan Kagame w’imyaka 30, wize amashuri muri Amerika, ntabwo akunze kugaragara mu ruhando rwa politiki, mu itangazamakuru cyangwa ku mbuga nkoranyambaga.

Mu 2018 yarangije ikiciro cya gatatu cya kaminuza mu by’ubucuruzi muri University of Southern Calfornia.

Inama y’Ubutegetsi y’Ikigo cy’Igihugu cy’Iterambere, RDB, yavuguruwe inongerwamo amaraso mashya aho babiri mu bari bayisanzwemo basimbujwe, ndetse abari bayigize bava kuri barindwi baba icyenda.

Ikigo cy’Igihugu gishinzwe Iterambere, RDB, cyashinzwe mu 2009 gihabwa inshingano zo guhuza inzego zose za Guverinoma hagamijwe kureshya abashora imari mu Rwanda no koroshya uburyo ishoramari rikorwamo mu gihugu.

Imwe mu myanzuro yafashwe n’ibyemezo by’inama y’abaminisitiri:

Amasaha y’umukwabu yagabanyijwe azajya ahera saa tatu z’ijoro aho kuba saa mbiri, insengero, utubari, amashuri, bizakomeza gufunga.

Moto n’amagare bizongera gutwara abantu tariki 01/06/2020, hemejwe kandi ko abantu bazajya bashyirwa mu kato ubu bazajya biyishyurira zerivisi zose bahabwa.

Iyi nama yatangaje ko Perezida yahaye imbabazi abakobwa 50 bari bafungiye icyaha cyo gukuramo inda, ndetse n’ifungurwa ry’agateganyo ry’abagororwa 3,596.

Kimwe mu bindi byemezo by’iyi nama y’Abaminisitiri ni ishyirwaho ry’ikigo cy’u Rwanda gishinzwe iby’ikirere (Rwanda Space Agency).

Inshingano z’iki kigo ntabwo zatangajwe, gusa mu kwa cyenda umwaka ushize u Rwanda rwatangaje ko rwohereje icyogajuru, RwaSat-1, mu isanzure cyahagurukiye mu Buyapani.

Leta y’u Rwanda yatangaje ko icyo cyogajuru - cy’uburemere bwa 1,2Kg n’ubunini bwa 10X10cm, kizajya gitanga amakuru kuri ’stations’ ziri i Kigali ku mutungo kamere w’amazi, ibiza, ubuhinzi n’iteganyagihe.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Commonwealth yatangaje igihe inama ya CHOGM igomba kubera i Kigali...

Perezida wa Repubulika y’u Rwanda, Paul Kagame n’Umunyamabanga Mukuru wa...
23 September 2020 Yasuwe: 2489 0

Rubavu: Imvura nyinshi yasenye amazu menshi inangiza imyaka y’abaturage

Imvura nyinshi ivanze n’umuyaga yaguye mu ijoro ryakeye yasenye ibintu...
23 September 2020 Yasuwe: 596 0

Uruhuri rw’ibibazo by’imicungire y’imari muri WASAC rwateye inkeke...

Abadepite bagize komisiyo ishinzwe gukurikirana imikoreshereze y’imari...
21 September 2020 Yasuwe: 1169 0

Isoko ryo kwa Mutangana rigiye kongera gufungurwa mu ngamba...

Umujyi wa Kigali watangaje ko Isoko rya Nyabugogo rizwi nko kwa Mutangana...
14 September 2020 Yasuwe: 820 0

Ibikubiye mu gishushanyo mbonera gishya cy’umujyi wa Kigali kigiye gutangira...

Umujyi wa Kigali wamuritse ku mugaragaro igishushanyombonera gishya,...
4 September 2020 Yasuwe: 2709 0

Umuhango wo #KwitaIzina uyu mwaka uzaba hakoreshejwe ikoranabuhanga

Ikigo cy’igihugu gishinzwe iterambere ’RDB’ cyatangaje ko kubera icyorezo cya...
4 September 2020 Yasuwe: 1162 0