Kigali

Umusore wakoze Radio atarabyize BK yamuhaye 1 000 000 rwf

Amakuru   Yanditswe na: Nsanzimana Ernest 29 March 2018 Yasuwe: 3356

Banki ya Kigali yahaye Turikumana Isaie wiga mu mwaka wa gatandatu yakoze radiyo ntaho yabyize inkunga ya miliyoni 1Frw yo kumufasha gukomeza amashuri ye.

Uyu mwana wiga mu mwaka wa Gatandatu w’amashuri abanza, ukomoka mu Murenge wa Rubona mu Karere ka Rwamagana w’ imyaka 16 ni umwe mu bana batangiye gutanga ikizere nyuma yo gutangira guterateranya ibikoresho bikaza kuvamo radiyo ivuga.

N’ubwo atigeze amenya ise umubyara no gukurira mu muryango ukennye, ntibyamuciye intege, kuko n’ubusanzwe akunda no kujya ku ishuri.

Iyo urebye iyi radiyo usanga ikozwe mu bintu bisanzwe, birimo amashashi, inshinga aba yatoraguye n’ibindi bikoresho bike byo mu maradio baba bagiye bajugunya.

Avuga ko afite inzozi z’uko iyi radiyo ye ivugira kuri ’flash disk’ azayishyiramo na FM kugira ngo ibe yuzuye.

Kigali today dukesha iyi nkuru yatangaje ko uyu mwana avuga ko inzozi ze ari ukuba umuntu ukomeye ku isi mu bijyanye n’ikoranabuhanga kandi ngo ntaziharira ubumenyi bwe.

Banki ya Kigali icyumva uwo mwana ufite ikifuzo cyo gukomeza kwiga yahise imugenera inkunga ya miliyoni 1Frw, kugira ngo akomeze amashuri ye.

Regis Rugema umuyobozi w’ikigo cya BK gishinzwe guteza imbere ikoranabuhanga ’BK TechHouse’, yavuze ki igikorwa bakoze ari icyo gushyigikira abakiri bato kugira ngo mu Rwanda no muri Afurika hazave abanyabwenge n’abavumbuzi.

Yagize ati "Intambwe yo guha Isae inkunga ya miliyoni imwe ni mu rwego rwo gufasha abana bafite ubuhanga mu ikoranabuhanga. Uyu mwana akwiye kubera urugero abandi benshi."

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cyamunara/Huye : Uruganda rw’ ibibiriti rwabuze n’ umwe urugereka

Kuri uyu wa Kabiri tariki 11 Nzeli 2018, Maitre Vedaste Habimana, umuhesha...
12 September 2018 Yasuwe: 1666 1

Ibiro by’ akarere ka Nyamasheke byakupiwe umuriro w’ amashanyarazi

Ikigo cy’ igihugu gishinzwe ingufu REG cyakupiye akarere ka Nyamasheke...
31 August 2018 Yasuwe: 1654 0

Ni ryari u Rwanda ruzaba rudakeneye inkunga z’ amahanga?

U Rwanda ni igihugu gito kiri mu nzira y’amajyambere ariko kirimo kwihuta mu...
27 August 2018 Yasuwe: 2130 0

Burera: Muri Giri Inka hadutsemo ruswa idasanzwe bise ‘UMUGEREKA’

Abaturage bo mu murenge wa Kagogo wo mu karere ka Burera ngo baravuga ko...
22 August 2018 Yasuwe: 1222 1

Ngoma: Wa mubyeyi wahumye umugabo akamusiga mu buzima bushaririye...

Ubuyobozi bw’ umurenge wa Rukumberi mu karere ka Ngoma bwegereye...
7 August 2018 Yasuwe: 1854 0

Abanyapolitiki n’ abaherwe bakomeye mu Isi bategerejwe I Kigali vuba...

Kofi Annan wayoboye Umuryango w’Abibumbye (UN), Al Gore wigeze kuba Visi...
7 August 2018 Yasuwe: 1937 1