Kigali

Umuyobozi mushya wa BRD yahawe umurongo ngenderwaho, Kanyankole arashimwa

Amakuru   Yanditswe na: Iyamuremye Janvier 8 December 2017 Yasuwe: 692

Abagize inama y’ubutegetsi ya Banki y’u Rwanda ishinzwe Iterambere, BRD batangaje ko impinduka ziba zikenewe mu ngumi zose mu gihe tukiri ku isi y’abazima.Ni nyuma y’uko uwari umuyobozi wayo mukuru yirukanywe agahita anasimbuzwa.

Mu gitondo cyo kuwa kane tariki ya 07 Ukuboza 2017 nibwo Alex Kanyankole wayoboraga BBRD yirukanywe kuri uyu mwanya.

Nyuma y’uko Kanyankole akuwe ku kazi, hagiye havugwa byinshi ku cyaba cyatumye avanywa ku mwanya yari amazeho hafi imyaka ine.Benshi bavuga ko uyu mugabo yari asanzwe ari umukozi ugira umurava; akaba umuhanga mubyo yakoraga, umugabo w’umunyakuri kandi w’inyangamugayo.Akaba yari asigaje imyaka ibiri kugirango mande ye ayisoze.

Eric Rutabana wasimbuye Kanyankole ku mwanya w’umuyobozi wa BRD ku rwego rw’igihugu, yahoze ahagaragariye ibikorwa by’ubucuruzi byambukirana imipaka, anashinzwe ishimoramari muri BPR.

Ukuriye inama y’ubutegetsi, Francis Mugisha yabwiye ikinyamakuru Taarifa.rw ducyesha iyi nkuru ko umuyobozi mushya wa BRD agiye ‘gukomeza guteza imbere urwego iyi Banki yari igezeho no gushyira ingufu mu intego bihaye iva 2016 kugeza 2020.”

Francis Mugisha yongeyeho ko ‘Eric Rutabana asanzwe amenyereye ibijyanye na Banki kandi ko yumva neza icyerekezo BRD iganamo nka banki yateye imbere mu bigo by’imari.’

Yakomeje avuga ko ‘dufite icyizere cy’uko azazamura urwego rw’iyi Banki bikarenga igihugu cyacyu kuburyo tuzagira uruhare rukomeye mu iterambere ry’iki gihugu.’

Abagize inama y’ubutegetsi kandi bashimiye byimazeyo Kanyankole ibyo yabagejejeho mu gihe cyose yamaze ari umuyobozi.Mugisha ati “Mu izina rya bagenzi banjye, turashimira Bwana Alex Kanyankole uburyo twakoranye kuva mu 2013.Ni iby’agaciro gakomeye kuba twarakoranye nawe kandi twishimiye imiyoborere ye mu gihe cyose yakomezaga gushaka iterambere no gushyira mu bikorwa intego twihaye.Turamwifuriza ishya n’ihirwe mu bundi buzima bushya agiye kujyamo.”

Kanyankole ashimirwa uruhare rwe yagize mu gusubiza ku murongo no kongera kwiyubaka mu guhuza intego za BRD ikaba imwe mu bigo by’imari biteye imbere kuri ubu.

Mugisha ukuriye inama y’ubutegetsi ya BRD

Muri 2013 nibwo Alex Kanyankole yatangiye kuyobora BRD yari amaze imyaka 4 muri aka kazi.Kugeza ubu ntabwo haramenyekana amakuru y’ icyaba cyatumye yirukanwa kuri uyu mwanya.

Kanyankole yahoze ari umuyobozi mukuru w’Ikigo cy’igihugu gishinzwe ibyoherezwa mu mahanga, NAEB. Muri NAEB yakozemo imyaka ibiri, ubwo yari avuye ku buyobozi bw’Ikigo gishinzwe kawa, (OCIR-CAFE 2008 -2011) mu gihe mbere yaho yayoboye OCIR-THE 2005 kugeza 2008.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyemari Bapfakurera yatorerwe kuba Perezida w’ urugaga rw’...

Umucuruzi w’ umushoramari Robert Bapfakurera niwe watorewe kuba Perezida w’...
23 February 2018 Yasuwe: 818 0

Kigali: Polisi ifunze abasore babiri bafatanywe amafaranga y’amahimbano

Ku itariki ya 18 Gashyantare 2018, Polisi y’u Rwanda ikorera mu karere ka...
20 February 2018 Yasuwe: 314 0

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 273 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 499 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1173 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2109 1