Kigali

Amafaranga Leta yishyurira umunyeshuri mu mahanga yakwishyurirwa abanyeshuri 20 mu Rwanda

Amakuru   Yanditswe na: Nsanzimana Ernest 18 October 2018 Yasuwe: 1532

Banki y’ u Rwanda itsura amajyambere BRD yatangaje ko ikigereranyo cy’ amafaranga umunyeshuri w’ umunyarwanda ugiye kwiga mu mahanga yishyurirwa ari ibihumbi 20 by’ amadorali y’ Amerika ku mwaka.

Ibi Umuyobozi w’ agashami gashinzwe gutanga inguzanyo ku banyeshuri Ndori Karake Francis yabitangarije mu kiganiro yahaye KT Radio kuri uyu wa 17 Ukwakira 2018.

Yavuze ko impuzandengo y’ amafaranga umunyeshuri w’ umunyarwanda ugiye kwiga mu mahanga yishyurirwa ari ibihumbi 20 by’ amadorali y’ Amerika ku mwaka, mu mafaranga y’ u Rwanda ni miliyoni 17 aya yakwishyurira abanyeshuri 20 bize muri Kaminuza y’ u Rwanda amasomo atari science.

Aya mafaranga ngo yiyongera cyangwa akajya munsi bitewe n’ aho n’ icyo uwo munyeshuri agiye kwiga. Karake Francis yavuze ko aya mafaranga atangwa na Leta y’ u Rwanda yose cyangwa hakaba ubwo u Rwanda rwishyuye igice runaka igihugu agiye kwigamo kikishyura ikindi gice.

Abanyeshuri bagiye kwiga muri Kaminuza y’ u Rwanda mu mwaka w’ amashuri 2018/2019, uziga ibijyanye na science azishyura miliyoni 2 z’ amafaranga y’ u Rwanda ku mwaka, uziga ibitari science azishyura ibihumbi 800 ku mwaka. Ni mu gihe ubusanzwe uwiga science yishyuraga ibihumbi 900 ku mwaka naho utiga science akishyura ibihumbi 600 ku mwaka.

Muri iki gihe ibijyanye no gutanga no kugaruza amafaranga Leta y’ u Rwanda yishyurira abanyeshuri nk’ inguzanyo atangwa akanishyuzwa na BRD.

Umunyeshuri wigiye ku nguzanyo ya buruse atangira kwishyura aya mafaranga iyo yarangije kwiga akaba afite akazi. Ni inshingano ze kugana BRB akayimenyesha ko yabonye akazi ariko bikaba n’ inshingano z’ umukoresha we.

Umuyobozi w’ agashami gashinzwe kugaruza aya mafaranga Matata Claudine yavuze ko mu banyeshuri bose bigiye ku nguzanyo ya buruse ibihumbi 11 aribo bizwi ko barangije kwiga ndetse bafite n’ akazi. Muri aba ibihumbi 11 abantu ibihumbi 6 nibo bishyura iyi nguzanyo.

Matata Claudine yavuze ko iyo umunyeshuri w’ u Rwanda agiye kwiga mu mahanga akagumayo yishyuzwa amafaranga yose igihugu cyamutanzeho mu gihe uwa garutse mu gihugu yishyura nk’ ayo yarikwishyura iyo yigira mu Rwanda.

Yagize ati “Abajya kwiga mu mahanga bakagumayo tumwishyuza ibihumbi 20 by’ idorari nk’ uko Francis yayavuze. Uwagarutse mu gihugu niba icyo yagiye kwiga mu mahanga kigura amadorari ibihumbi 20, mu Rwanda kigura amadorari 1000 tuzamwishyuza ya madorari 1000.”

Matata avuga ko kuba umunyarwanda yajya kwiga mu mahanga Leta ikamutangaho amadorari iihumbi 20 ku mwaka, Leta ikazamwishyuza amadorari 1000 nta gihombo kirimo kuri Leta kuko icyo Leta irimo gushaka ari ubumenyi atari ubucuruzi.

Ndori Karake Francis yashishikarije abahawe inguzanyo kwishyura kuko kwishyura inguzanyo ku wayihawe ngo yige ari inyungu kuri we, bavandimwe be ku gihugu.

Yagize ati “Aya mafaranga umunyeshuri yishyuriwe iyo ayagaruye niyo azishyurira umwana we, murumuna we,.... Ntabwo Leta iyajyana mu bundi bucuruzi”

Karake Francis yavuze ko mu myaka iri imbere umunyeshuri wahawe inguzanyo akaba atarimo kuyishyura ngo igihe kizagera akomanyirizwe mu ma banki yose ntihagire n’ imwe ishobora kumuha inguzanyo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble UMUSOMYI

    Uyu muyobozi n’umunyamakuru wanditse iyi nkuru ni nk’abana b’imyaka ine. Leta yohereza abanyeshuri kwiga hanze kubera ko ibyo bagiye kwiga bitaboneka mu Rwanda cg se urwego azavanayo rurenze urwo yakungukira mu Rwanda. Ubu se Kaminuza y’U Rwanda igira Big data, Robotics, Data Science, Artificial intelligence, Bio-science recognition courses, Aircraft courses,........... Mujye mureba ibyo mwandika bizima kabisa

    3 weeks ago

Inzindi nkuru

Mu mvugo ya kibyeyi, Minisitiri Munyakazi yifurije intsinzi abatangiye icya...

Kuri uyu wa 12 Ugushyingo 2018, nibwo abanyeshuri barangije amashuri abanza...
12 November 2018 Yasuwe: 860 0

Miliyari yaburiwe irengero, Gov. Gatabazi yababwiye ko ubutaha bazafatirwa...

Umuyobozi w’ Intara y’ amajyaruguru Jean Marie Vianney Gatabazi yavuze ko...
8 November 2018 Yasuwe: 1208 0

Musanze: Ishuri rya Gakoro rirashinjwa kubuza abana gukora ibizami kubera...

Mu gihe ibizamini bisoza igihembwe cya gatatu ari nabyo bisoza umwaka...
6 November 2018 Yasuwe: 576 0

Rutsiro: Bamwe mu banyeshuri bigira mu mashuri abashaje [AMAFOTO]

Abana biga mu Ishuri ribanza rya Rundoyi mu murenge wa Ruhango akarere ka...
6 November 2018 Yasuwe: 494 0

Dr Ngirente yitabiriye ibirori byo guha impamyabumenyi ibihumbi 7 birangije...

Minisitiri w’ Intebe w’ u Rwanda n’ abandi ba Minisitiri bitabiriye umuhango...
2 November 2018 Yasuwe: 2775 1

Uwihirwe w’imyaka 17 yegukanye igikombe kitiriwe Nyirarumaga cy’uyu...

Uwihirwe Yasipi Casmir wiga mu mashuri yisumbuye niwe wahize abandi mu...
29 October 2018 Yasuwe: 454 0