Kigali

Abana 12 bafunze batangiye icya Leta, bagitsinze neza bishobora kubahesha imbabazi

Amakuru   Yanditswe na: Nsanzimana Ernest 12 November 2018 Yasuwe: 806

Abanyeshuri 12 barangije amashuri abanza bari muri gereza y’ abana kuri uyu wa Mbere tariki 12 Ugushyingo nabo batangije ikizami cya Leta.

Umunyamabanga wa Leta muri Minisiteri y’ uburezi ushinzwe amashuri abanza n’ ayisumbuye Isaac Munyakazi yavuze ko ikizami ari umwanya wo kugaragaza akazi kakozwe na mwarimu, umwana n’ umubyeyi. Yongeyeho ko Leta y’ u Rwanda yabanje gushaka ubwiganze bw’ abanyeshuri ubu ikaba irimo gushaka ireme ry’ uburezi ariko abana bari mu ishuri.

Aba bana bigiye muri gereza yabo I Nyagatare bavuga ko bize neza, ngo bafite icyizere cyo gutsina ibi bizamini bizamara iminsi itatu. Si ibyo gusa ngo baranashimira Perezida Kagame wabahaye amahirwe yo kugororwa biga, bakanakora ikizami.

Abahungu ni 10, abakobwa ni babiri, umwe mu bahungu yagize ati “Icyizere ndagifite kimwe na bagenzi bage, abarimu baradufashije, batwigisha neza. Njyewe niteguye gutsinda. Amahirwe twahawe ni amahirwe meza”

Umukobwa yagize ati “Ibizamini ukuntu mbibona ndabona turi bubitsinde kuko twiteguye bihagije. Perezida yararebye aravuga ngo bariya bana n’ ubwo bakoze ibyaha ndabaha amahirwe yo kwiga, turabimushimira cyane”

SSP Sengabo Helaly, Umuvugizi w’ Urwego rw’ Igihugu rw’ Imfungwa n’ Abagororwa RCS, yavuze ko aya mahirwe abana bafunze bahawe batayapfushije ubusa. Ni ubwa 3 abana bafunze bagiye gukora icya Leta kandi ababanje bose baratsinze bibahesha imbabazi za Perezida wa Repubulika.

SSP Sengabo ati “Bose hamwe abamaze gukora iki kizami bagera kuri 55 muri iyo myaka 3 bose baratsinze kandi nyakubahwa Perezida wa Repubulika yaranababariye bakomereza amashuri hanze.”

SSP Sengabo yongeyeho ko ari igikorwa gifasha abana kugororoka vuba

Ati “Ni igikorwa cyo kwishimira, kibatera ingufu n’ ishyaka iyo tubaha izi nyigisho zo kubagorora tunabigisha babyitabira cyane kuko baba babona ababanjirije byarabagiriye akamaro guhinduka no kugororoka bikatworohera”

Mu gihugu hose abanyeshuri basoje amashuri abanza bagomba kwitabira ibizamini bya Leta ni 255 173 biyongereho 17 000 ugereranyije n’ abakoze umwaka ushize.

Yagize ati

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Meya Kamali arashinjwa n’ umuyobozi w’ Ikigo cy’ Ishuri kumuhimbira ibyaha ngo...

Mupenzi Alex , Umuyobozi w’ ishuri rya G.S. St Vincent de Paul Bunyenga...
27 November 2018 Yasuwe: 2405 2

Kayonza: Umukobwa ibise byafashe ari gukora icya Leta icyari gisigaye...

Muri materinite y’ ibitaro bya Gahini hari umunyeshuri w’ urimo wahakoreye...
27 November 2018 Yasuwe: 2397 0

Minisitiri Mutimura yari akubise ushinzwe site y’ ibizami kubera abanyeshuri...

Minisitiri w’Uburezi, Dr Eugène Mutimura, yasanze abanyeshuri bicaranye...
20 November 2018 Yasuwe: 3286 1

Abana 12 bafunze batangiye icya Leta, bagitsinze neza bishobora kubahesha...

Abanyeshuri 12 barangije amashuri abanza bari muri gereza y’ abana kuri uyu...
12 November 2018 Yasuwe: 806 0

Mu mvugo ya kibyeyi, Minisitiri Munyakazi yifurije intsinzi abatangiye icya...

Kuri uyu wa 12 Ugushyingo 2018, nibwo abanyeshuri barangije amashuri abanza...
12 November 2018 Yasuwe: 978 0

Miliyari yaburiwe irengero, Gov. Gatabazi yababwiye ko ubutaha bazafatirwa...

Umuyobozi w’ Intara y’ amajyaruguru Jean Marie Vianney Gatabazi yavuze ko...
8 November 2018 Yasuwe: 1344 0