Kigali

Abarimu bo mu Rwanda no mu karere ka EAC bakanguriwe kwimakaza uburinganire

Amakuru   Yanditswe na: Iyamuremye Janvier 14 October 2017 Yasuwe: 285

Sendika y’abarimu mu Rwanda irashishikariza abarimukazi gushyira imbaraga mu kwigirira icyizere bongera ubushobozi n’ubumenyi mu rwego rwo kuzamura ireme ry’uburezi mu Rwanda. Ibi byagarutsweho mu nama iteraniye i Kigali ihuje abarimukazi bari muri iyi sendika mu Rwanda ndetse n’abahagarariye amahuriro y’abarimu mu bihugu by’umuryango w’Afurika y’iburasirazuba.

Kuzamura imibereho ya Mwalimu bidashingiwe ku mushahara gusa, kongera ibikorwa remezo mu burezi ndetse no korohereza abarimu mu kazi bahabwa amacumbi yo kubamo nta kiguzi ni zimwe mu ngamba za leta y’u Rwanda zo guteza imbere ireme ry’uburezi. Kuri ibi kandi hiyongeraho n’ihame ry’uburinganire bw’abagabo n’abagore mu mwuga w’ubwarimu ndetse no mu mashuri.

Abanyamuryango bibumbiye muri sendika y’abarimu mu Rwanda ndetse n’abahagarariye amahuriro y’abarimu mu bihugu bigize umuryango w’Afurika y’iburasirazuba, abayiteraniyemo bashima iterambere ry’u Rwanda mu kubahiriza ihame ry’uburinganire n’ubwuzuzanye mu mashuri ndetse no mu mwuga wo kwigisha.

Faustin HARERIMANA umunyamabanga mukuru wa sendika y’abarimu mu Rwanda (SNER) avuga ko guhuriza hamwe abarimukazi bari muri syndika bigamije kubafasha kwiga ku ruhare rwabo mu guteza imbere imibereho myiza no kuzamura ireme ry’uburezi muri rusange.

Sendika y’abarimu mu Rwanda igizwe n’abanyamuryango barenga ibihumbi 53 bigisha mu mashuri abanza n’ayisumbuye. Muribo 54 % ni abagore. Iyi nama izamara iminsi 2 yahuje abarimukazi bagize iyi syndika yari ifite insanganyamatsiko igira iti "iterambere rya mwalimu inkingi y’ireme ry’uburezi"

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyaruguru: Umuyobozi w’ ishuri Minisitiri yamusohoye mu nama anamusabira...

Umunyamabanga wa Leta ushinzwe amashuri abanza n’ayisumbuye, Dr Isaac...
21 September 2018 Yasuwe: 1870 0

Abana bataye amashuri basigaye birirwa basunika imodoka

Mu muhanda wangiritse wa Gisozi–Karuruma hagaragaramo abana bataye ishuri...
13 September 2018 Yasuwe: 679 0

UR: Inzobere zarebye inyungu imwe none bitumye abanyeshuri basubizwa mu...

Inkuru irimo kuvugwa cyane mu burezi bw’ u Rwanda ni uko bamwe mu banyeshuri...
30 August 2018 Yasuwe: 3081 4

Abanyeshuri ba Kaminuza y’ u Rwanda bamaze kugabanyukaho 9 000

Umubare w’ abanyeshuri bigaga muri Kaminuza y’ u Rwanda mu myaka 5 ishize...
30 August 2018 Yasuwe: 2312 2

Tariki 3 Nzeli 2018 abanyeshuri ba Primaire na Secondaire ntabwo...

Minisiteri y’ Uburezi yatanze konje ku banyeshuri biga mu mashuri abanza n’...
29 August 2018 Yasuwe: 2375 0

‘Mu burezi ntabwo harimo akajagari’ Dr Biruta

Minisitiri w’ Ibidukikije mu Rwanda akaba na Perezida w’ ishyaka riharanira...
27 August 2018 Yasuwe: 1063 0