Kigali

Afurika ishaka ko nihongera kubaho umuhanga nk’ Albert Einstein azaba ari umunyafurika

Amakuru   Yanditswe na: 30 November 2016 Yasuwe: 1048

Umugabane w’ Afurika ufite gahunda yo guteza imbere ubumenyi, imibare n’ ikoranabuhanga hamamijwe ko haramutse hongeye kubaho umuhanga nka Albert Einstein yazaba ari Umunya Afurika.

Ni muri urwo rwego Ikigo Nyafurika cy’icyitegererezo mu bumenyi mu by’imibare ‘African Institute for Mathematical Sciences, AIMS’ cyatangije gahunda yiswe Next Einstein Initiative, igamije guteza imbere ubumenyi, imibare, n’ ikoranabuhanga.

Mu kiganiro ikigo AIMS gifatanyije na Ministeri y’ uburezi mu Rwanda bagiranye n’ abanyamakuru kuri uyu wa 30 Ugushyingo 2016, Umuyobozi wa AMIS Thierry Zomahoun yavuze ko iyi gahunda bayitiriye Einstein kuko mu mateka nta muhanga wigeze agira ubuhanga nk’ ubwe mu bijyanye n’ ubumenyi, imibare, ikoranabuhanga n’ ibindi. AIMS ngo yifuza ko undi muhanga nka Einstein uzabaho yazaba ari umunyafurika.


Umuyobozi wa AMIS Thierry Zomahoun

Yagize ati “Kuba twarahisemo ko iyi gahunda yitwa Next Einstein ntabwo bifitanye isano n’ ibara ry’ uruhu, wenda nimubaza abahanga kundusha bazabibabwira nta muhanga wigeze ubaho umeze nka Einstein. Yari umuhanga mu mibare, mu bugenge, mu buvuzi n’ ibindi. Dushaka ko hongeye kubaho umuhanga nka Einstein yaba ari umunya Afurika”

Zomahoun atangaje ibi mu gihe mu gihe mu mpinduramatwara mu by’ inganda (Industrial Revolutions) zabaye umugabane w’ Afrika utigeze ugaragaramo. Ibi ngo byatewe n’uko uyu mugabane utari wagateye imbere mu bumenyi. Ngo niyo mpamvu Afurika ishaka ko bihinduka mu mpinduramatwara ya kane isi irimo ariyo yo gukoresha ikoranabuhanga Afurika ikazagaragara.

Zimwe mu ngamba zafashwe harimo kongera umubare w’ abanyafurika bafite impamyabumenyi y’ ikirenga mu bijyanye n’ imibare, ubumenyi n’ ikoranabuhanga, gushyiraho amashuri y’ ikitegererezo muri Afrika yigisha aya masomo, gushyiraho no gutera inkunga urwego nyafurika rugizwe n’abashakashatsi 100, n’ ibindi.

AIMS ifite ishuri ry’ ikitegererezo mu mibare muri buri gihugu kinyamuryango. Iryo mu Rwanda rikorera mu murenge wa Niboye w’ akarere ka Kicukiro ahahoze hoteli Alpfa Palace . AIMS igizwe n’ ibihugu birimo U Rwanda, Uganda, Kenya, Ethiopia, na Senegal.

Minisitiri w’ Uburezi Dr Papias Musafiri yavuze ko kugeza ubu Leta y’u Rwanda ifitanye amasezerano na Kaminuza nyafurika yigisha imibare (African Institute for Mathematical Sciences), yo gukomeza guteza imbere amasomo y’imibare haba mu Rwanda no muri Africa kandi ngo ubu mu banyeshuri barenga 40 bayigamo, 10 ari Abanyarwanda.

Biteganyijwe ko Ikicaro gikuru cya Next Einstein Initiative kizimurirwa mu Rwanda kandi inama mpuzamahanga y’iki kigo itaha ikazabera mu Rwanda muri 2018.

Albert Einstein witiriwe iyi gahunda nshya yo guteza imbere ubumenyi, imibare n’ ikoranabuhanga ni umudage wavumbuye menshi mu mahame akoreshwa mu mibare(Mathematic), ubugenge(phyisics) n’ ubutabire(chemistry). Yavutse mu tariki 14 Werurwe 1879 atabaruka tariki 18 Mata 1955 .

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Buruse ihabwa abiga muri Kaminuza yagizwe ibihumbi 35

Minisiteri y’ uburezi mu Rwanda imaze gutangaza ko amafaranga Leta igenera...
16 February 2018 Yasuwe: 1304 0

Prof. Lwakabamba wahawe imirimo mu burezi ku rwego rw’ Afurika

Prof. Silas Lwakabamba wari Umuyobozi wa INATEK wigeze no kuba umuyobozi...
4 February 2018 Yasuwe: 878 0

REB yahaye gasopo abayobozi b’ ibigo birimo kwirukana abanyeshuri bazira...

Umuyobozi wa REB, Gasana Janvier Ikigo cy’ Igihugu cy’ uburezi mu Rwanda...
24 January 2018 Yasuwe: 1977 7

Hatahuwe abanyeshuri ba baringa Leta yari imaze gutangaho miliyoni zirenga...

Mu ntara y’ Iburasirazuba hakozwe ubugenzuzi bwavumbuye abanyeshuri ba...
23 January 2018 Yasuwe: 2429 0

Babili mu bayoboye Minisiteri y’ uburezi bari mu buyobozi bukuru bwa...

Perezida w’ u Rwanda Paul Kagame yagize Dr Musafili Papias Malimba,...
20 January 2018 Yasuwe: 1697 0

REB yafatiriye by’agateganyo amanota y’abanyeshuri 153

Umuyobozi wa REB Gasana Janvier Ikigo cy’Igihugu gishinzwe Uburezi (REB),...
10 January 2018 Yasuwe: 1814 2