Kigali

Amanota 2017: Nsengiyumva n’ umugore we bishimiye ko umwana wabo yabaye uwa mbere ku rwego rw’igihugu

Amakuru   Yanditswe na: Nsanzimana Ernest 9 January 2018 Yasuwe: 5094

Ababyeyi ba Mugisha Nsengiyumva Frank w’imyaka 12, wigaga mu kigo cy’amashuri abanza cya Saint André- Ruhina n’ umwana wabo bari mu byishimo nyuma y’ uko umwana wabo MINEDUC itangaje ko ari we wabaye uwa mbere mu gutsinda ikizamini cya leta gisoza amashuri abanza.

Uyu mwana wigaga kuri iki kigo giherereye mu Karere ka Muhanga, Umurenge wa Shyogwe, yatangarije igihe ko gukurikiza inama za mwarimu no kwiyegereza Imana arizo ntwaro yakoresheje.

Yagize ati “Inama z’abarimu zamfashije kwiga ntekereza gutsinda kandi kuba ku kigo cyacu haragiye hava abanyeshuri batsinze ikizamini cya leta nanjye numvaga nzatsinda kuko nigaga imibare nkayitsinda kandi nkanasobanuza andi masomo”.

Akomeza avuga ko yakundaga isomo ry’imibare ariko umwe mu barimu be yamusabye no kwiga andi masomo aho bimugoye agafashwa n’ababyeyi.

Ibi abihurizaho n’ababyeyi be Nsengiyumva Giscard wikorera ku giti cye na Umutesi Providence w’umwarimukazi, bahamya ko Mugisha asanganywe umwete mu kwiga agatsinda ndetse ko atigeze arenga umwanya wa kabiri kuva yatangira amashuri abanza.

Umuyobozi ushinzwe uburezi mu Karere ka Muhanga, Sebashi Claude, yashimye umurava w’abarimu bo muri iki kigo, watumye kibona umunyeshuri wa mbere ku rwego rw’igihugu.

Mu 2015 abanyeshuri bane muri 12 batsinze neza ku rwego rw’igihugu, ni abigaga ku ishuri rya Saint André, mu gihe mu 2016 umunyeshuri wo muri iki kigo yaje ku mwanya wa kane ku rwego rw’igihugu.

Amanota y’abanyeshuri bakoze ibizamini bya leta bisoza amashuri abanza n’icyiciro rusange (Tronc Commun) mu mwaka ushize, yatangajwe kuri uyu wa Kabiri aho abasoje amashuri abanza batsinze ku kigero cya 86.3% na ho abo mu cyiciro rusange batsinda kuri 89.9%.

Mu mashuri abanza, Mugisha Nsengiyumva Frank wo mu Karere ka Muhanga kuri St. André akurikirwa na Sifayare Schadrack wigaga kuri Morning Star Bright Academy i Gatsibo. Naho Karenzi Manzi Joslyn wigaga muri Kigali Parents School muri Gasabo aba uwa mbere mu bakoze ikizamini gisoza icyiciro rusange, Tronc Commun akurikirwa na Umurerwa Audrey wigaga kuri Mary Hills i Nyagatare.


Ikigo cya St Andre Mugisha yigagaho


Mugisha hamwe n’ababyeyi be Nsengiyumva Giscard na Umutesi Providence, bishimiye ko umwana wabo yabaye uwa mbere ku rwego rw’igihugu

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Iriyazimana Pascal

    Ndabaramukije mwese banyarwanda, nagerageje gusoma amakuru ajanye n,ubuyobozi bw,indero ah’iwanyu.
    Ntavyinshi noshima kubivugako kiretseko :Ukuri ahokuri arikwo kwivuga ,atawirirwa akuvuga ukundi.
    Umwana Nsengiyva yategerezwa kutsinda ibizamini vye kuko uravye n,amashure yigaho arashajije pee.Arabereye ijisho ayomashure ,biragaragara koko kW,atamuvyeyi yoharungika umwana ngwatahe ukoyakahinjiye nyuma y,umwaka wose.
    Mugire iterambere ryiza mubuzima be,abana b,igihugu n,amakungu.
    Murakoze ngiriyeho no kubakeza kuruwomusaruro w,abobana ,kuko naje ndakunda cane abana bokwiga bagatera imbere kubera kurwego rwanyuma mubisata by,amashure yiwirwa hano kw,isi.

    5 months ago
  • chat_bubble Andre

    ibi no byiza cyane Imana imuhe umugisha

    5 months ago

Inzindi nkuru

CVT yifatanyije n’ abana kwizihiza umunsi w’ umwana w’ umunyafurika

Umuryango utegamiye kuri Leta Children’ s Voice Today (CVT) wifatanyije n’...
16 June 2018 Yasuwe: 437 0

‘Birabujijwe kwirukana umunyeshuri azira ko yatwaye inda’ Minisitiri...

Minisitiri w’ Uburinganire n’ Iterambere ry’ umuryango yatangaje ko bibijijwe...
15 June 2018 Yasuwe: 1067 1

Umubikira Mukamukiga yagabiwe inka kubera kudatererana umunyeshuri...

Umuyobozi w’ ikigo cy’ abiyaye Imana wanze gutererana umukobwa w’ umunyeshuri...
14 June 2018 Yasuwe: 3301 1

Kaminuza ya UTB yunamiye abishwe muri Jenoside yakorewe abatutsi...

Kaminuza yigisha y’ ubukerarugendo n’ amahoteli University of Tourism,...
18 May 2018 Yasuwe: 1181 0

Ikizami cya Leta muri Primaire ntabwo kigiye kuvaho, ibimaze iminsi bivugwa...

Minisiteri y’Uburezi (MINEDUC) yahakanye amakuru amaze iminsi avuga ko ifite...
17 May 2018 Yasuwe: 2754 1

Rusizi: Umuyobozi w’ikigo cy’ishuri yanze gutanga amakuru arahunga

Umuyobozi w’ urwunge rw’ amashuri rwa Murira Mujawayesu Zenie uvugwaho kubuza...
16 May 2018 Yasuwe: 4969 0