Kigali

Hatahuwe abanyeshuri ba baringa Leta yari imaze gutangaho miliyoni zirenga 400

Amakuru   Yanditswe na: Nsanzimana Ernest 23 January 2018 Yasuwe: 2502

Mu ntara y’ Iburasirazuba hakozwe ubugenzuzi bwavumbuye abanyeshuri ba baringa mu mashuri abanza n’ayisumbuye, leta yari imaze gutangaho milioyni 443Frw.

Iryo genzura ryakozwe guhera muri Kamena kugeza mu Ugushyingo 2017, rikorerwa mu bigo by’amashuri ya leta abanza n’ayisumbuye byo mu Ntara y’Iburasirazuba ryagaragaje ko guhera muri 2015 ari ho abo banyeshuri batangiye kongerwa mu bagomba kwishyurirwa amafaranga afasha ibigo azwi nka“Capitation grant”.

Guverineri w’Intara y’Iburasirazuba, Mufulukye Fred, avuga ko basanze bamwe mu bayobozi b’ibigo by’amashuri batanga imibare y’abanyeshuri badafite, bagamije kubona amafaranga menshi.

Yagize ati “Hari imibare twagiye tubona batwereka bashingiyeho basaba amafaranga bafashwa na Leta, ariko wajya mu bitabo abanyeshuri biyandikamo n’ibyo umwarimu abandikamo ugasanga biranyuranye.”

Nubwo nta mibare y’abanyeshuri batahuye atangaza, Guverineri Mufulukye avuga ko aho basanze hari ibibazo bikabije ngo babiganiriyeho.

Mufurukye yemeza ko hari ibisobanuro byatanzwe kandi byumvikana, Muri byo harimo kuba hari igihe imibare imara gutangwa abanyeshuri bagahindura ibigo cyangwa se bamwe bagata ishuri.

Bamwe mu bayobozi b’ibigo by’amashuri ntibemeranywa n’uburyo igenzura ryakozwe, kuko ngo abarikoze bashingiraga ku mibare y’abanyeshuri yanditse mu gitabo cyandikwamo amanota.

Inkuru ya Kigali Today ivuga ko Kayitesi Zaina umuyobozi w’ishuri ribanza rya Rwamashyongoshyo mu Karere ka Rwamagana, avuga ko ubusanzwe basaba ayo mafaranga yo gufashwa bashingiye ku mubare w’abana bafite banditse mu gitabo bahamagariramo abana.

Ati “Ubugenzuzi bwakozwe hashingiwe ku ikaye yandikwamo amanota y’abanyeshuri igihembwe kirangiye, kandi utarakoze ikizamini ntayigaragaramo, imibare igaragara mu gitabo cy’amanota ntabwo twemeranya nabo neza.”

Kayitesi kandi avuga ko ayo amafaranga atangwa ari uko Ikigo cy’igihugu gishiznwe Uburezi (REB), cyamaze gukora ubugenzuzi kikemeranywa n’ikigo ku mibare y’abanyeshuri.

Yemeza ariko ko bishoboka ko hari ababikora ariko nabo bateshutse, kuko ayo mafaranga agenewe guteza imbere ireme ry’uburezi, atagenewe guhemba umuyobozi w’ikigo.

Ubundi buri munyeshuri leta imwishyurira amafaranga 4.860Frw ku mwaka agamije kuzamura ireme ry’uburezi bwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hagiye gutangazwa amanota y’abarangije amashuri abanza n’icyiciro...

Minisiteri y’Uburezi (Mineduc) igiye gutangaza amanota y’abanyeshuri bo mu...
31 December 2018 Yasuwe: 1814 1

Rubavu:Umwarimu yasabye umunyeshuli ko basambana kugira ngo amuhe amanota 2...

FOTO:Internet Mu gihe twajyaga twumva ruswa y’igitsina mu nzego...
17 December 2018 Yasuwe: 5453 0

Abanyeshuri ba Kaminuza zo mu Rwanda bagiye guhabwa mudasobwa 14 000 za...

Minisiteri y’Uburezi kuri uyu wa 3 Ukuboza yatangije guha mudasobwa nshya...
4 December 2018 Yasuwe: 1549 1

Meya Kamali arashinjwa n’ umuyobozi w’ Ikigo cy’ Ishuri kumuhimbira ibyaha ngo...

Mupenzi Alex , Umuyobozi w’ ishuri rya G.S. St Vincent de Paul Bunyenga...
27 November 2018 Yasuwe: 2619 2

Kayonza: Umukobwa ibise byafashe ari gukora icya Leta icyari gisigaye...

Muri materinite y’ ibitaro bya Gahini hari umunyeshuri w’ urimo wahakoreye...
27 November 2018 Yasuwe: 2686 0

Minisitiri Mutimura yari akubise ushinzwe site y’ ibizami kubera abanyeshuri...

Minisitiri w’Uburezi, Dr Eugène Mutimura, yasanze abanyeshuri bicaranye...
20 November 2018 Yasuwe: 3425 1