skol
Kigali
startimes

Kaminuza y’u Rwanda yirukanye Karasira Aimable wari umwarimu wayo

Amakuru   Yanditswe na: Dusingizimana Remy 14 August 2020 Yasuwe: 7578

Kaminuza y’u Rwanda yamaze kwandikira umuhanzi akaba n’umwarimu wayo Karasira Aimable ishinja amakosa 4akomeye arangajwe imbere n’imyitwarire idakwiriye kuranga umwarimu wigisha muri kaminuza.


Karasira umaze iminsi mu itangazamakuru avuga ko yakiriye ko iyi kaminuza yamaze kumwirukana,yamaze kwakira iyi baruwa imwirukana ku kazi nkuko yabikekaga.

Iyi baruwa yasinyweho n’umuyobozi wa Kaminuza y’u Rwanda,Prof.Philip Cotton,yamenyesheje Karasira ko yirukanwe kandi iki cyemezo gihita gishyirwa mu bikorwa.

Iyi Baruwa igira iti “Mbabajwe no kukumenyesha ko wirukanwe ku kazi kawe muri Kaminuza y’u Rwanda kandi bigahita byubahirizwa.”

Amakosa Karasira yashinjwe harimo “Kugaragaza imyitwarire n’ibitekerezo mu bitangazamakuru binyuranye by’umwihariko amatangazo anyuranyije n’indangagaciro,amahame n’inshingano ze nk’umurezi.”

Hari kandi Gukwirakwiza amakuru atuma abantu banga no bakanubahuka ikigo akorera cyo kimwe n’izindi nzego kandi binyuranyije n’ingingo ya 04 y’itegeko rya Perezida no.45/01 ryo kuwa 30 Kamena 2015,rishyiraho amategeko agenga imyitwarire y’umwuga asaba abakozi kubaha buri gihe inzego za Leta,politiki na gahunda za guverinoma.

Karasira yashinjwe kandi guta igihe mu bikorwa bitubaka umwuga we nabyo binyuranyije n’iriya ngingo y’itegeko rya Perezida no.45/01 ryo kuwa 30 Kamena 2015.

Icya kane n’ugukorana agasuzuguro inshingano ashinzwe aho kaminuza ivuga ko yatinze gushyira kuri internet amasomo yari kwigishwa abanyeshuri hifashishijwe ikoranabuhanga no kwanga gutanga icyo yifuza gukora mu bushakashatsi bwe kugira ngo ahabwe impamyabumenyi ya PhD.

Karasira yirukanwe ku busabe bwa Minisiteri y’abakozi ba Leta n’umurimo hashingiwe kuri raporo ya komisiyo ishinzwe imyitwarire y’abakozi muri Kaminuza.
Kuwa 27 Nyakanga 2020,Karasira yandikiwe ibaruwa na kaminuza asabwa ibisobanuro ku biganiro atangaza kuri You Tube agaragaza ko adashyigikiye Guverinoma y’u Rwanda ndetse anatuka abayobozi bayo.

Ubuyobozi bwa Kaminuza bwavuze ko ibisobanuro Karasira Aimable yatanze kuri iyi baruwa bitabanyuze ariyo mpamvu yirukanwe.

Mu kiganiro yagiranye na n’ikinyamakuru UKWEZI kuri You Tube mu minsi ishize, Karasira yavuze ko yamaze kwakira ko yamaze kwirukanwa n’iyi kaminuza kubera ibitekerezo atanga yamubwiye ko itishimira.

Karasira yavuze ko icyo kaminuza imuziza ari ibiganiro acisha ku rubuga rwe rwa You Tube,yise UKURI MBONA TV, agaragaza ibitekerezo bye yemererwa n’amategeko, ati "Ikintu ndi kuzira cyane ni UKURI MBONA YouTube Channel, ni TV ikorera kuri Murandasi, ibitekerezo byanjye ni byo badashaka ko byumvikana...".

Mu ibaruwa yandikiwe n’umuyobozi we muri Kaminuza y’u Rwanda, Karasira avuga ko yabajijwe ibisobanuro by’imyitwarire mibi, akavuga ko nta myitwarire mibi agira ahereye ko ari no mu biruhuko.

Ngo mu ibaruwa kandi bamubwiye ko ngo hari ibibazo afite kuri Channel ye UKURI MBONA bisebya Guverinoma y’abayobozi bayo, akavuga ko nta n’umuyobozi n’umwe wa Guverinoma aravugana na we cyangwa ngo amuzane kuri TV ye bamuvugeho.

Ikindi ngo yabwiwe mu ibaruwa yandikiwe, ngo ni ukuba atarakomeje amashuri ngo yige PhD, akavuga ko ngo ibi biri ku barimu benshi cyane. Yavuze ko ngo no mu itangwa ry’amahirwe yo kujya gukomeza amasomo muri PhD bibamo ikimenyane ku buryo bigorana kuzuza ibiba bisabwa.

Iyi baruwa yandikiwe n’umuyobozi we, Karasira avuga ko ngo yasabwe kuyisubiza mu minsi ibiri.

Karasira Aimable yatangiye kwigisha muri kaminuza y’u Rwanda muri 2008 aho yigishaga mu ishami rya Computer Science.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Yves

    ubura SO ntubura SOBUJA. Akatari amagara barahaha. Nibamurekere ubuzima azabaho. Millions zituye u Rwanda abashomeri (babigizwe kungufu)nitwe benshi.

    5 months ago
  • chat_bubble hjj

    Ndababaye cyane !!! Gusa akazi si ubukonde twese dufite umunsi twatangiriyemo akazi n’igiheb

    5 months ago

Inzindi nkuru

MINEDUC yafunze amashuri abanza,ayisumbuye n’ay’inshuke yo mu mujyi wa Kigali...

MINEDUC yatangaje ko mu rwego rwo kwirinda ikwirakwira rya COVID-19,...
17 January 2021 Yasuwe: 4628 1

Abarimu ibihumbi 11 babonye akazi badakoze ikizamini bahawe amasezerano...

Abarimu ibihumbi 11 bahawe imyanya badakoze ikizamini nkuko bisanzwe ku...
12 January 2021 Yasuwe: 4262 0

Minisiteri y’Uburezi ikeneye abarimu barenga ibihumbi 24 kugira ngo...

Minisitiri w’Uburezi Dr Valentine Uwamariya,yavuze ko bagikeneye abarimu...
9 January 2021 Yasuwe: 4026 0

Umujyi wa Kigali wasubitse Car Free Day kubera Misa ya Kardinali Kambanda...

Umujyi wa Kigali watangaje ko siporo rusange ya Car Free Day yagombaga...
4 December 2020 Yasuwe: 6447 0

Leta igiye gushyira miliyari 38 FRW muri gahunda yo kugaburira abanyeshuri...

Minisitiri w’Intebe, Dr Edouard Ngirente, yatangaje ko muri gahunda yo...
2 December 2020 Yasuwe: 3499 0

RIB yafunze umukozi wa REB ukekwaho kwakira ruswa ngo ahe akazi umwarimu...

Urwego rw’Igihugu rw’Ubugenzacyaha [RIB] rwafunze uwitwa Habinshuti Salomon,...
1 December 2020 Yasuwe: 3977 0