Kigali

Karongi: Umunyeshuli uri mu bacyekwaho gutera inda abanyeshuli 10 yatawe muri yombi

Amakuru   Yanditswe na: Iyamuremye Janvier 18 September 2017 Yasuwe: 5213

Polisi y’u Rwanda yafashe umunyeshuri uri mu bakekwaho gutera inda abanyeshuri bo mu kigo GS Ruganda riherereye mu murenge wa Ruganda, akarere ka Karongi. Ni nyuma y’uko abanyeshuri basaga 10 batwite kandi bose baratewe inda n’abantu bataramenyekana.

Kugeza ubu, iperereza rikaba rigikomeje ngo harebwe ko n’abandi bakoze ibi bafatwa bagakurikiranwa.

Aganira na UMURYANGO, Umuvugizi w‘igipolisi cy’u Rwanda mu ntara y’uburengerazuba, Theobard Kanamugire yemeje aya makuru avuga ko bafunze umunyeshuli uri mu bakekwaho gutera inda abakobwa b’abanyeshuli bagera kuri 3. Kanamugire yemereye UMURYANGO uyu uri mun bakekwa nawe yize kuri iki kigo mu myaka yatambutse.

Yagize ati " Nibyo koko twafashe umwe mu bakekwaho gutera indana abana b’abanyeshuli....Amakuru twamenye n’uko nawe yari asanze ari umunyehuli kuri iryo shuli, ni abakobwa batatu ntabwo ari 10 nk’uko byakunze kuvugwa kuko iperereza twakoze ryat1eretse ko ari batatu gusa."

Ufunzwe ni Chrisostome w’imyaka 23 y’amavuko bivugwa ko ariwe wateye inda umwana w’umukobwa uri mu kigero cy’imyaka 17 akaba kuri ubu afite umwana w’amezi atanu.

Theobard yakomeje asaba inzego zose bireba gukurikirana imibereho y’abana batarageze imyaka y’ubukure, yanibukije ababyeyi gukora inshingano zabo mu gihe abana babo bavuye ku ishuli bakabaganiriza, bakirinda ibishuko by’iki gihe.

Yavuze ko mu gitabo cy’amategeko ahana y’u Rwanda, umuntu usambanya umunyeshuli ahanishwa igifungo cya burundu.

Uyu mwana w’imyaka 17, afite uruhinja rw’amezi 5 kuri ubu ukekwaho ku mutera inda yamaze gufatwa n’iznego z’umutekano.

Uyu munyeshuli uri mu bakekwaho afashwe nyuma y’umukwabo wakozwe muri iki kigo mu mpera z’iki Cyumweru gishize, ku bufatanye n’Impuzamiryango y’amashyirahamwe aharanira uburenganzira bwa muntu mu Rwanda (CLADHO), Komisiyo y’igihugu y’abana (NCC) ndetse na Polisi y’u Rwanda hagamijwe kureba icyaba ari intandaro y’abanyeshuri baterwa inda cyane muri iki kigo.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Buruse ihabwa abiga muri Kaminuza yagizwe ibihumbi 35

Minisiteri y’ uburezi mu Rwanda imaze gutangaza ko amafaranga Leta igenera...
16 February 2018 Yasuwe: 1499 0

Prof. Lwakabamba wahawe imirimo mu burezi ku rwego rw’ Afurika

Prof. Silas Lwakabamba wari Umuyobozi wa INATEK wigeze no kuba umuyobozi...
4 February 2018 Yasuwe: 889 0

REB yahaye gasopo abayobozi b’ ibigo birimo kwirukana abanyeshuri bazira...

Umuyobozi wa REB, Gasana Janvier Ikigo cy’ Igihugu cy’ uburezi mu Rwanda...
24 January 2018 Yasuwe: 1984 7

Hatahuwe abanyeshuri ba baringa Leta yari imaze gutangaho miliyoni zirenga...

Mu ntara y’ Iburasirazuba hakozwe ubugenzuzi bwavumbuye abanyeshuri ba...
23 January 2018 Yasuwe: 2447 0

Babili mu bayoboye Minisiteri y’ uburezi bari mu buyobozi bukuru bwa...

Perezida w’ u Rwanda Paul Kagame yagize Dr Musafili Papias Malimba,...
20 January 2018 Yasuwe: 1706 0

REB yafatiriye by’agateganyo amanota y’abanyeshuri 153

Umuyobozi wa REB Gasana Janvier Ikigo cy’Igihugu gishinzwe Uburezi (REB),...
10 January 2018 Yasuwe: 1823 2