skol
fortebet

Minisiteri y’ uburezi yahagaritse amashami 3 muri Kaminuza ya Gitwe

Yanditswe: Thursday 16, Mar 2017

Sponsored Ad

Minisiteri y’ Uburezi MINEDUC yahagaritse amashami atatu muri atanu yigishirizwaga muri Kaminuza ya Gitwe iherere mu karere ka Ruhango.
Ayo mashami yahagaritse ni “Bachelor of Medicine & surgery”, “Bachelor of science in Medical Laboratory and Technology”, hamwe na “Bachelor of Nursing programs”.
Iyo Minisiteri itangaza ko yahagaritse aho mashami ishingiye kubyo yabonye mu igenzura yakoze mu mwaka w’amashuri 2016/2017 ku bipimo ngenderwaho byashyizweho na Guverinoma mu mashuri makuru (...)

Sponsored Ad

Minisiteri y’ Uburezi MINEDUC yahagaritse amashami atatu muri atanu yigishirizwaga muri Kaminuza ya Gitwe iherere mu karere ka Ruhango.

Ayo mashami yahagaritse ni “Bachelor of Medicine & surgery”, “Bachelor of science in Medical Laboratory and Technology”, hamwe na “Bachelor of Nursing programs”.

Iyo Minisiteri itangaza ko yahagaritse aho mashami ishingiye kubyo yabonye mu igenzura yakoze mu mwaka w’amashuri 2016/2017 ku bipimo ngenderwaho byashyizweho na Guverinoma mu mashuri makuru hagamijwe gutanga ireme ry’uburezi.

Mineduc ivuga ko yasanze iyo kaminuza hari ibipimo itagejejeho mu bijyanye n’abarimu , Laboratoire, isomero n’ibikoresho nkenerwa mu kwigisha ayo mashami uko ari atatu.

Aya mashami yafunzwe yigagamo abanyeshuri bagera ku 1 500 harimo n’abari bari muri ‘stage’ ahanyuranye mu gihugu.

Umuyobozi wa Kaminuza ya Gitwe yabwiye Umuseke ko koko Minisiteri yabamenyesheje iki cyemezo kuri uyu wa gatatu, atubwira ko aduha amakuru arambuye ku ruhande rwabo nyuma y’inama bari gukorana n’abanyeshuri babamenyesha iby’iki cyemezo.

Umwe mu banyeshuri wiga kuri iyi Kaminuza utifuje gutangazwa yabwiye Umuseke ko ari inkuru ibabaje cyane kuri bo.

Avuga ko yiga muri Bac4 ya Medicine, ko bafite Laboratoire ibakwiriye, ko bafite ibitaro iruhande rw’ishuri bakoreramo ‘pratique’ bakanigiramo ibindi, ko kuri bo batunguwe cyane no guhagarika ishami ryabo kuko bo babonaga bahabwa uburezi bukwiriye.

Undi mugenzi we wiga mu ishami rya Laboratoire avuga ko bitangaje kuba Kaminuza yabo yarahawe uburenganzira bwo gukora yitwa Kaminuza n’iteka rya Minisitiri ryo mu 2015 hamaze kubaho igenzura, nyuma y’umwaka umwe ya Minisiteri igahagarika amashami atatu muri atanu y’iyo kaminuza.

Iyi kaminuza yemejwe nka “University of Gitwe” n’iteka rya Minisitiri ryo mu kwezi kwa mbere 2015.

Mu mpera z’icyumweru gishize Minisiteri y’uburezi yahagaritse by’agateganyo Kaminuza eshatu; Nile Source Polytechniques of Applied Arts iri i Butare, Sinhgad Technical Education Society iherereye ku Kicukiro na Rusizi International University iri i Kamembe mu Karere ka Rusizi. Izi ngo zagaragayemo zigaragayemo ibibazo bikomeye bibangamiye ireme ry’uburezi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa