Kigali

Minisitiri Mutimura yari akubise ushinzwe site y’ ibizami kubera abanyeshuri bicaye nabi [VIDEO]

Amakuru   Yanditswe na: Nsanzimana Ernest 20 November 2018 Yasuwe: 3283

Minisitiri w’Uburezi, Dr Eugène Mutimura, yasanze abanyeshuri bicaranye bagiye gukora ikizami kimwe ahita yirukana Mbonabucya Gérard wari ushinzwe gukurikirana ibizamini ku kigo cy’amashuri y’imyuga cya SOS mu Murenge wa Kinyinya.

Byabaye kuri uyu wa Kabili tariki 20 Ugushyingo 2018, ubwo Dr Mutimura yari agiye gutangiza ibizami bya Leta bisoza icyiciro cya mbere n’icya kabiri by’amashuri yisumbuye.

Dr Mutimura ubwo yahereza abanyeshuri ikizami yasanze hari abanyeshuri bicaranye bagiye gukora ikizami cy’ imibare bombi.

Minisitiri w’ Uburezi yahise asohora Mbonabucya mu cyumba agiye kwisobanura ahita amucekekesha nk’ uko byagaragaye muri mashusho yafashe ibi biba.

Umuyobozi wungirije w’Akarere ka Gasabo ushinzwe imibereho myiza y’abaturage Nyirabahire Languide, yavuze ko ari ukwibeshya kwabayeho kuko ngo bari barabyiteguye bihagije.

Ati “Hari abagombaga gukora Imibare A na B (Mathematics A &B). Buriya ntabwo bigana n’ubundi. Habayeho kwibeshya, intebe ebyiri nibo ba B bari bicaranye ariko ahandi niba bicaraga ari A na B ntabwo ikizami cyasaga. Twabanje gusobanuza. ”

Mu cyiciro cya mbere cy’amashuri yisumbuye hakoze abanyeshuri 99 288 barimo abakobwa 54 194 n’abahungu 45 094.

Mu cyiciro cya kabiri cy’amashuri yisumbuye mu masomo y’uburezi rusange hakoze 46 688 mu gihe mu mashuri y’ubumenyi ngiro hakoze 21 847.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Enocky RUKIZANGABO

    Uko byamera kose, uyu muminisitiri (Minister) nawe, si shyashya mumyitwarire ye !!!!!!! Har-ubundi buryo yarikubwiramo ushinzwe guhagararira ibizamini. Yemwe, na Polisi zacu ntizigikora nkuriya muMINISTER
    Muribaza ko uriya mugabo wasohowe nk’umujura ( IMBERE y’ABANYESHULI!!!!!!!!) yakongera kwishimira gukora muri Ministry y’uburezi ??? Nibaza ko ikosa ribaho, rikaba ryakosorwa, ntawusuzuguye uwundi kariya kageni.

    3 weeks ago

Inzindi nkuru

Meya Kamali arashinjwa n’ umuyobozi w’ Ikigo cy’ Ishuri kumuhimbira ibyaha ngo...

Mupenzi Alex , Umuyobozi w’ ishuri rya G.S. St Vincent de Paul Bunyenga...
27 November 2018 Yasuwe: 2402 2

Kayonza: Umukobwa ibise byafashe ari gukora icya Leta icyari gisigaye...

Muri materinite y’ ibitaro bya Gahini hari umunyeshuri w’ urimo wahakoreye...
27 November 2018 Yasuwe: 2393 0

Minisitiri Mutimura yari akubise ushinzwe site y’ ibizami kubera abanyeshuri...

Minisitiri w’Uburezi, Dr Eugène Mutimura, yasanze abanyeshuri bicaranye...
20 November 2018 Yasuwe: 3283 1

Abana 12 bafunze batangiye icya Leta, bagitsinze neza bishobora kubahesha...

Abanyeshuri 12 barangije amashuri abanza bari muri gereza y’ abana kuri uyu...
12 November 2018 Yasuwe: 803 0

Mu mvugo ya kibyeyi, Minisitiri Munyakazi yifurije intsinzi abatangiye icya...

Kuri uyu wa 12 Ugushyingo 2018, nibwo abanyeshuri barangije amashuri abanza...
12 November 2018 Yasuwe: 970 0

Miliyari yaburiwe irengero, Gov. Gatabazi yababwiye ko ubutaha bazafatirwa...

Umuyobozi w’ Intara y’ amajyaruguru Jean Marie Vianney Gatabazi yavuze ko...
8 November 2018 Yasuwe: 1342 0