skol
Kigali
startimes

Minisitiri w’Uburezi yahishuye gahunda iteganyijwe mu ifungurwa ry’amashuri

Amakuru   Yanditswe na: Dusingizimana Remy 26 September 2020 Yasuwe: 2534

Inama y’Abaminisitiri yateranye kuri uyu wa Kane tariki ya 25 Nzeri 2020 iyobowe na nyakubahwa Perezida wa Repubulika,Paul Kagame, yatangaje ko ibikorwa bitandukanye byari byarafunzwe kubera Covid-19 byakomorewe harimo n’amashuri yari yarafunzwe guhera kuwa 16 Werurwe 2020.


Ku byerekeye gufungura amashuri,Inama y’Abaminisitiri yafashe umwanzuro ugira uti "Amashuri azafungura mu gihe cya vuba hakurikijwe ibyiciro byayo. Gahunda y’uko azatangira izatangazwa na Minisiteri y’Uburezi hashingiwe ku isesengura rizakorwa.’’

Minisitiri w’Uburezi, Dr Uwamariya Valentine, yabwiye RBA ko mu ukwezi gutaha aribwo amashuri azafungurwa ariko bikazakorwa mu byiciro ari nako hagenzurwa iyubahirizwa ry’ingamba zo kwirinda ikwirakwira ry’icyorezo cya Coronavirus.

Ati “Amashuri yo arabizi tumaze igihe kinini twitegura dufatanyije. Hari ibyo amashuri yahawe agenderaho mu kwitegura, ubu ikigiye gukurikira ni uko Minisiteri y’Uburezi izagenzura ko ibyo twumvikanye byashyizwe mu bikorwa.

Iyo tuvuze amashuri, ntabwo yose mu byiciro azafungurira rimwe. Tuzagenda dufungura mu byiciro. Uko bizagenda kose, Minisiteri y’Uburezi izajya iganira na ba nyiri amashuri, imenyeshe, itange amatangazo ko amashuri aya n’aya yemerewe gutangira, ariko muri gahunda dufite tuzahera ku mashuri yo hejuru ni ukuvuga za kaminuza n’amashuri makuru hanyuma tugende tumanuka no mu bindi byiciro.”

Amashuri agendera kuri porogaramu mpuzamahanga azatangira agendeye kuri gahunda z’ibihugu akesha imyigishirize ariko yose asabwe kubahiriza amabwiriza agamije kwirinda icyorezo cya Coronavirus.

Ati “Iyo ari vuba tuba twatangiye urugendo, ku buryo guhera hagati mu kwa cumi , amashuri amwe azaba yakomorewe atangire gufungura.”

Minisitiri w’Uburezi yakomeje avuga ko bimwe mu bizagenderwaho mu gufungura amashuri harimo ko agomba kuba afite ibikoresho bifasha abanyeshuri gusukura intoki mu kwirinda ikwirakwira rya Coronavirus, guhana intera n’ibindi. Ikindi abanyeshuri bose baziga bambaye udupfukamunwa.

Ati “Buriya byanze bikunze, ababyeyi mu byo bitegura, mu bikoresho basanzwe bategura by’amashuri, n’udupfukamunwa turimo. Ubwo abana bagomba kuzajya ku ishuri bambaye udupfukamunwa. Hakaba n’amashuri yandi yagiye atugaragariza ko afite uburyo bwo gupima abana mbere y’uko bajya ku mashuri, abo nabo bazabitugaragariza.”

“Ariko icyo dushimangira ni ukugaragaza uko bazubahiriza ya ntera hagati mu ishuri ndetse n’ibikoresho bijyanye n’isuku, aho bakarabira, aho bafatira amafunguro n’ibindi nk’ibyo.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kaminuza y’u Rwanda yamaze gutangaza amatariki abanyeshuri bo mu muwa mbere...

Kaminuza y’u Rwanda yatangaje ko ku wa 30 Ugushyingo 2020 abanyeshuri biga...
11 November 2020 Yasuwe: 1810 0

Muhanga:Abakobwa 243 b’abanyeshuri batewe Inda nyuma yo kumara amezi 7 mu...

Mu karere ka Muhanga, raporo zatanzwe n’abayobozi b’ibigo by’amashuri zerekana...
6 November 2020 Yasuwe: 3417 1

Mineduc n’ibigo byayo bikuwe mu kwaha kwa Minaloc hari icyahinduka?Kwirukana...

Hari Minisiteri zikurikirana ibikorwa byazo kugeza hasi ku muturage. Ariko...
3 November 2020 Yasuwe: 2493 0

Abayobozi bakuru ba REB bahagaritswe ku mirimo yabo kubera ikibazo...

Umuyobozi Mukuru w’Ikigo k’Igihugu Gishinzwe Uburezi (REB), Dr. Ndayambaje...
3 November 2020 Yasuwe: 2217 0

Impungenge z’Ababyeyi n’abayobozi b’amashuri ku munsi w’itangira...

Agapfukamunwa, gukaraba intoki no kwirinda kwegerana ni ibishya biri ku...
2 November 2020 Yasuwe: 1797 0

MINEDUC yamaganye ibyo gupima abakobwa mbere y’uko basubira ku...

Minisiteri y’Uburezi yabujije ibigo by’amashuri gusaba abanyeshuri b’abakobwa...
23 October 2020 Yasuwe: 2896 0