skol
Kigali
startimes

Minisitiri w’Uburezi yahishuye impamvu ebyiri Leta ititeguye guhita ifungura amashuri

Amakuru   Yanditswe na: Dusingizimana Remy 15 August 2020 Yasuwe: 5381

Minisitiri w’Uburezi,Dr.Valentine uwamariya yavuze ko impamvu Guverinoma y’u Rwanda ititeguye guhita ifungura amashuri muri iki gihe ari uko imibare y’abandura Coronavirus ikomeje kwiyongera mu Rwanda,asaba abantu bakuru kubahiriza amabwiriza kikarangira burundu.


Mu kiganiro yagiranye na RBA, Minisitiri w’Uburezi Dr Uwamariya Valentine yavuze ko amashuri yafunze ku mpamvu z’ubuzima kandi icyorezo cyatumye afunga kikaba kigihari kandi cyiyongera bityo bisaba ubwitonzi n’ubushishozi kugira ngo gufungura bidatuma iki cyorezo cyiyongera.

Yagize ati "Turebye igihe twafungiye nuko bihagaze uyu munsi,ibipimo birazamuka.Ntabwo mbona impamvu twafungura amashuri uyu munsi kandi icyatumye tuyafunga kigihari, kinazamuka ku gipimo cyo hejuru.

Icya kabiri,duhereye ku bipimo byaraye bisohotse nimugoroba n’ibyo twabonye mu minsi yashize,sinzi niba hari uwizeye ko umwana wajya kwiga uyu munsi cyangwa abana bajya ku ishuri uyu munsi batagira ibyago byo kwandura iyi ndwara.Biragaragara ko indwara igihari kandi ibipimo birazamuka.

Twaba twifuguruje kandi twarafunze icyago kitaragaragara cyane hanyuma mu gihe tubona imibare izamuka cyane tukongera tugafungura ngo abana bajye mu mashuri.”

Minisitiri w’Uburezi Dr Uwamariya Valentine yasabye abanyeshuri bari mu biruhuko kudapfusha ubusa umwanya,ahubwo bakihugura ari nako bakurikira amasomo aca kuri radio na TV cyangwa se bakishakiriza ndetse anasaba ababyeyi babo kubegera bakabafasha.

Ati “Abanyeshuri bakwiye kumva ko batari mu kiruhuko kitarangira ahubwo bakomeza kwihugura haba ku byo tubafashamo n’ibyo ubwabo bashobora kwishakishiriza, abarimu nabo nyuma y’amahugurwa tubaha hari byinshi bakwiyunguramo ubumenyi buzabafasha nibasubira mu kazi.

Turasaba ababyeyi umusanzu ukomeye wo kwegera abana kurushaho babayobora mu nzira nyayo banabafasha kwiga nkuko twasabye buri munyarwanda gukaza ingamba zo kwirinda n’ababyeyi bafashe abana ku mu burere busanzwe binajyane no kubahiriza ingamba zo kwirinda icyorezo.”

Umuyobozi Mukuru wa REB,Dr Irenee Ndayambaje, yagaragaje ko amwe mu masomo aya mezi atanu asigiye uburezi ari ukurenga uburyo bwo kwigisha umunyeshuri mwarimu amuhagaze imbere ndetse no kurenga kwigisha ikoranabuhanga ahubwo bakigisha bifashije ikoranabuhanga.

Yavuze ko gutanga ibikoresho by’ikoranabuhanga hibandwa kuri mwarimu bizashyirwamo imbaraga kandi amashuri natangira azatangirana na gahunda yo kugaburira abanyeshuri mu mashuri yose, abanza n’ayisumbuye.

Inama y’Abaminisitiri yaraye iyobowe na Perezida Kagame yavuze ko amashuri azakomeza gufunga mu gihe hakinozwa isesengura ry’inzego z’ubuzima n’iz’uburezi ku bijyanye n’uburyo amashuri yakwigisha hubahirizwa ingamba zo kurwanya COVID-19.

Yavuze ko kwiga hifashishijwe ikoranabuhanga bizakomeza kandi bigomba kongerwamo imbaraga.

Byari byitezwe ko amashuri azafungura muri Nzeri uyu mwaka ariko inzego z’ubuzima n’Uburezi ziraca amarenga ko igihe gishobora kwiyongera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble kaliza

    Abana birirwa mu mihanda bariyongereye hirya no hino mu ma quartiers ni ukureba ingamba zifatika naho ubundi bashobora kuzasubira ku ishuri bamwe barabaye mayibobo z’akaga.

    1 month ago

Inzindi nkuru

Minisitiri w’Uburezi yahishuye impamvu ebyiri Leta ititeguye guhita ifungura...

Minisitiri w’Uburezi,Dr.Valentine uwamariya yavuze ko impamvu Guverinoma y’u...
15 August 2020 Yasuwe: 5381 1

Kaminuza y’u Rwanda yirukanye Karasira Aimable wari umwarimu...

Kaminuza y’u Rwanda yamaze kwandikira umuhanzi akaba n’umwarimu wayo Karasira...
14 August 2020 Yasuwe: 5006 2

Rusizi: Umwana uherutse gukora Radio yavuze ibintu 2 yifuza ko Leta...

Umwana witwa Emmanuel Bamvuginyumvira wo mu karere ka Rusizi mu murenge wa...
9 August 2020 Yasuwe: 4938 0

Abifuza kuba abarimu bamenyeshejwe igihe bazakorera ibizamini

Ikigo cy’igihugu cyita ku burezi (REB) gitangaza ko ku ya 14 Nyakanga 2020,...
10 July 2020 Yasuwe: 2632 0

Minisiteri y’Uburezi yasezeranyije gukuraho ibyo kwimura abanyeshuri...

Minisiteri y’Uburezi mu Rwanda itangaza ko mu rwego rwo kuzamura ireme...
20 June 2020 Yasuwe: 2118 0

Abadepite bagiye gutumiza Minisitiri w’Uburezi kugira ngo agaragaze ingamba...

Komisiyo y’uburezi,ikoranabuhanga n’urubyiruko irasaba ko inteko ishinga...
13 June 2020 Yasuwe: 1158 2