Kigali

U Rwanda rwafunguye ku mugaragaro inzu Kaminuza yubatse mu makoro

Amakuru   Yanditswe na: Nsanzimana Ernest 16 March 2018 Yasuwe: 4020

Minisiteri w’ Uburezi mu Rwanda yatashye ku mugaragaro inyubako za Kaminuza y’ u Rwanda zubatswe n’ amabuye y’ ibirunga.

Izi nyubako zatashwe kuri uyu wa 15 Werurwe 2018 na Minisitiri w’ uburezi Dr Eugene Mutimura. Zizigirwamo n’ abiga ubugeni.

Zubatswe mu buryo budasanzwe bumenyerewe mu Rwanda kuko zubatswe n’ amabuye yo mu birunga azwi nk’ amakoro na Sima. Izi ntabwo zisakaje amabati cyangwa amategura.

Minisitiri w’Uburezi, Mutimura Dr Eugene, yavuze ko iyi nyubako izafasha mu guteza imbere uburezi mu masomo y’ubumenyi n’ikoranabuhanga.

Ati “Ibi ni ingenzi kuko aha niho igihugu cyacu gishingiye ahazaza hacyo, ni ubushake bw’igihugu cyacu cyane cyane ku bijyanye no guhanga udushya mu bijyanye n’ikoranabuhanga mu gihugu cyacu, ni ingirakamaro.”

Umuyobozi wa Kaminuza y’u Rwanda, Prof. Philip Cotton, yasabye abantu bose kuzakora ku buryo iyi nyubako izagumana ubwiza ifite uyu munsi.

Yagize ati “Dufatanye ku buryo iyo nyubako izagumana ubwiza ifite, ntizangirike, tuyibungangabunge ku buryo izaramba ikamara imyaka n’imyaka.”

Umuyobozi ushinzwe imari n’ubutegetsi muri Ministeri y’Uburezi, John Niyibizi ari nawe muhuzabikorwa w’umushinga wubatse izo nyubako, avuga ko zikomeye ku buryo zizamara imyaka itari munsi y’100. Niyibizi.

zizigirwamo n’abanyeshuri bagera kuri 600 biga iby’ubwubatsi, ariko harimo n’ibiro by’abakozi ba Kaminuza ndetse n’ibyumba by’ikoranabuhanga.

Aya mazu yubatswe n’Abafaransa bagejeje hagati bayaha Abashinwa, hifashishijwe inkunga ingana na miliyari 7.3Frw yatanzwe na Banki Nyafurika itsura amajyambere (BAD).

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikizami cya Leta muri Primaire ntabwo kigiye kuvaho, ibimaze iminsi bivugwa...

Minisiteri y’Uburezi (MINEDUC) yahakanye amakuru amaze iminsi avuga ko ifite...
17 May 2018 Yasuwe: 2685 1

Rusizi: Umuyobozi w’ikigo cy’ishuri yanze gutanga amakuru arahunga

Umuyobozi w’ urwunge rw’ amashuri rwa Murira Mujawayesu Zenie uvugwaho kubuza...
16 May 2018 Yasuwe: 4890 0

Minisitiri Mutimura yahagaritse abarimu 5 na diregiteri

Mu nama yahuje abayobozi b’ ibgo by’ amashuri byo mu karere ka Rubavu...
12 May 2018 Yasuwe: 2482 2

Kamonyi: MINEDUC yatahuye ko abanyeshuri baha abarimu ruswa ngo babigishe...

Abagize itsinda rigenzura ibijyanye n’ireme ry’Uburezi mu Karere ka Kamonyi...
7 May 2018 Yasuwe: 3605 1

Minisitiri w’Intebe Dr. Edouard Ngirente yafunguye ku mugaragararo inzu...

Minisitiri w’Intebe Dr. Edouard Ngirente yafunguye ku mugaragaro inyubako...
26 April 2018 Yasuwe: 2491 1

Dr Karen yahishuriye abakobwa bo muri Bugesera ibanga ryatumye yiga akagera...

Dr Karen na Himbara Promesse Umunyamerika Dr.Karen Vaughn umufatanya...
27 March 2018 Yasuwe: 762 0