Kigali

Umushinga wo gukora ifumbire w’ abanyeshuri barangiye muri UR wahawe igihembo mpuzamahanga

Amakuru   Yanditswe na: Nsanzimana Ernest 7 October 2017 Yasuwe: 3049

Inzobere muri siyansi ku rwego mpuzamahanga zitabiriye inama y’ iminsi itatu yaberaga I Kigali zahaye igihembo umushinga wakozwe n’ abanyeshuri 14 barangije muri Kaminuza y’ u Rwanda mu bijyanye no gutunganya amazi(water engineering.

Aba banyeshuri 14 bahuriye mu muryango bise WESA, ugamije kubungabunga ibidukikije. Umushinga wabo wahembwe ni uwo gukora ifumbire mu maganga y’ inkwavu. Sosthène Kubwimana wasobanuye uyu mushinga wo gukora iyi fumbire yatangarije UMURYANGO ko iyo fumbire nta ngaruka igira.

Yagize ati “Umushinga nagaragaje ni umushinga wo gufata inkari z’ inkwavu tukazikoramo ifumbire nziza itangiza ibidukikije, kandi igatanga umusaruro mwishi kurushaho… Uyu mushinga nagerageje kuwusobanura uko nshoboye abari mu nama bawushimye ndetse bawuhaye n’ igihembo.”

Sosthène Kubwimana

Kubwimana avuga ko uretse kuba inkwavu zatanga ifumbire ngo ni amatungo yoroheje yahabwa abaturage batishoboye akabasha kwiteza imbere.

Yakomeje agira “Leta y’ u Rwanda bishobotse yadufasha kuwushyira mu bikorwa, urumva niba duteganya gufata inkwavu tukaziha abaturage, ubufatanye n’ ubuyobozi burakenewe, binashobotse bakanaduha financial support yo kuwushyira mu bikorwa na byo byaba ari byiza.”

Munyaburanga Vivien, umwarimu muri Kaminuza y’ u Rwanda akaba n’ umuhuzabikorwa wa UR-ARES wigishije aba banyeshuri yatangarije UMURYANGO ko uyu mushinga washimwe n’ abanyamahanga bitabiriye iyi nama avuga ko ari umushinga mwiza wo gukora ifumbire itagira ingaruka.

Yagize ati “Nk’ uko habaho gahunda ya gira inka, uyu mushinga ugamije guha abaturage inkwavu noneho bakajya batega inkari bakazibika, bakaziha iri tsinda rikazikoramo ifumbire nziza itagira ingaruka. Amafumbire mvaruganda agira ingaruka zirimo no gutera indwa nka kanseri no kwangiza ibidukikije”

Umutangampundu Djalia, umwe muri aba banyeshuri yavuze ko uyu mushinga uzatangirizwa mu karere ka Gasabo.

Asobanura uko iyo fumbire ikorwa yagize ati “Dukusanya inkari z’ urukwavu tukazishyira mu cyo bita digester tank, zimaramo iminsi kuva kuri irindwi kugera kuri 20, hanyuma iyo fumbire ikajyanwa mu murima...Hari ibindi bintu bivangwamo”

Umuryango WESA umaze amezi atatu uvutse. Igihembo aba banyeshuri bahawe ni icyemezo cyo kwitabira byoroshye inama za siyansi zizajya zibera mu karere u Rwanda ruherereyemo n’ izo ku rwego mpuzamahanga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble KAREGEYA Epa

    Ni byiza ko bakora ifumbire kuko isi irayikeneye cyane.Ese mwari muzi ko 1/3 cy’isi ari UBUTAYU (deserts).Ubibona neza uri mu ndege,kuko ushobora kugenda amasaha 3 yose hejuru y’ubutayu gusa.Nubwo bimeze gutyo,isi izaba Paradizo,noneho ubutayu buveho burundu (Yesaya 35:6).Ndetse no ku misozi,hazera imyaka myinshi (Zaburi 72:16).Nubwo amadini menshi yigisha ko tuzajya kwibera mu ijuru,ntabwo aribyo.Abantu bapfa kubyemera gusa kubera ko banga kwiga Bible ngo bamenye icyo yigisha.Ahantu henshi muli Bible,havuga iteka IJURU rishya n’ISI nshya (2 Petero 3:13).IJURU rishya rizaturwamo n’abantu bazajya mu ijuru,noneho bagerayo,bagategeka ISI nshya izaba Paradizo (Daniel 7:27).Muli iyo si nshya,tuzaba dukina n’inyamaswa (Yesaya 11:6-7).Isi yose izaba PARADIZO nk’iyo ku gihe cya ADAMU na EVA.Cyokora mugomba kumenya ko abantu bose bakora ibyo imana itubuza (abasambanyi,abajura,abarwana mu ntambara zo mu isi,etc...) ,ntabwo bazaba muli iyo si kuko imana izabica ku munsi w’imperuka uri hafi (Yeremiya 25:33). Ushatse KWIGA Bible,watubwira tukayikwigisha ku buntu,tugusanze iwawe.MERCI.

    October 2017

Inzindi nkuru

Ikizami cya Leta muri Primaire ntabwo kigiye kuvaho, ibimaze iminsi bivugwa...

Minisiteri y’Uburezi (MINEDUC) yahakanye amakuru amaze iminsi avuga ko ifite...
17 May 2018 Yasuwe: 2685 1

Rusizi: Umuyobozi w’ikigo cy’ishuri yanze gutanga amakuru arahunga

Umuyobozi w’ urwunge rw’ amashuri rwa Murira Mujawayesu Zenie uvugwaho kubuza...
16 May 2018 Yasuwe: 4890 0

Minisitiri Mutimura yahagaritse abarimu 5 na diregiteri

Mu nama yahuje abayobozi b’ ibgo by’ amashuri byo mu karere ka Rubavu...
12 May 2018 Yasuwe: 2482 2

Kamonyi: MINEDUC yatahuye ko abanyeshuri baha abarimu ruswa ngo babigishe...

Abagize itsinda rigenzura ibijyanye n’ireme ry’Uburezi mu Karere ka Kamonyi...
7 May 2018 Yasuwe: 3605 1

Minisitiri w’Intebe Dr. Edouard Ngirente yafunguye ku mugaragararo inzu...

Minisitiri w’Intebe Dr. Edouard Ngirente yafunguye ku mugaragaro inyubako...
26 April 2018 Yasuwe: 2491 1

Dr Karen yahishuriye abakobwa bo muri Bugesera ibanga ryatumye yiga akagera...

Dr Karen na Himbara Promesse Umunyamerika Dr.Karen Vaughn umufatanya...
27 March 2018 Yasuwe: 762 0