Abavoka bavuze impamvu batakomeje gukurikana ikibazo cya Me Toy warashwe n’ abashinzwe umutekano

Amakuru   Yanditswe na: Nsanzimana Ernest 24 November 2017 Yasuwe: 1399

Urugaga rw’ abavoka mu Rwanda rwatangaje ko rutatereye agati mu ryingo nyuma yuko Me Toy Nzamwita wari umwavoka arashwe n’ umupolisi, ko ahubwo rwakurikiranye iki kibazo kugeza ubwo umuryango wa Me Toy urubwiriye ko niwongera gukenera ubufasha uzarumenyesha.

Me Toy yarashwe n’ umupolisi wari mu kazi saa cyenda z’ igitondo cyo ku wa 30 Ukuboza 2017. Yarasiwe hafi ya Kigali Convention Center ubwo yari mu modoka ya Land Cruiser agiye mu gitaramo cy’ umuririmbyi wo muri Repubulika iharanira Demukarasi ya Congo, Koffi Olomide.

Tariki 31 Ukuboza, ni ukuvuga ku munsi wakurikiye iraswa rya Me Toy, urugaga rw’ abavoka mu Rwanda rwashyize ahagaragara itangazo ruvuga ko rugiye gukurikirana rukamenya impamvu yatumye mugenzi wabo araswa.

Mu kiganiro uru rugaga rwahaye abanyamakuru ku mugoroba wo kuri uyu wa Kane tariki 23 Ugushyingo, Umuyobozi warwo Me Kavaruganda Julien yavuze ko icyo umuryango wa Me Toy wasabye urugaga kuwuhuza n’ inzego z’ umutekano bakagirana ibiganiro.

Yagize ati “Ku kibazo cya co-frere Toy, twakurikiranye iki kibazo duhura n’ inzego z’ umutekano ngo dukurikirane, tubaza n’ icyo umuryango we wadusabaga gukurikirana kuri iyo dosiye. Badusabye kubahuza n’ inzego z’ umutekano bagirana ibiganiro, baza kutubwira ko ikibazo twe twabakurikiraniraga nk’ urugaga rw’ abavoka, nyuma y’ ibiganiro bagiranye n’ inzego z’ umutekano batari bakeneye ko dukomeza”

Me Kavaruganda yakomeje agira ati “Batubwira ko baramutse bongeye kudukera cyangwa bagize andi makuru bakeneye arenze ayo babonye babitumenyesha.”

Ngo uyu muryango wabwiye urugaga rw’ abavoka ko ukeneye kumenya amakuru neza, imodoka Me Toy yari arimo aho yari iri n’ibindi.

Me Kavaruganda ati “Twebwe twatekereje ko umuryango wanyuzwe kuko nyuma y’ uko baganiriye n’ inzego z’ umutekano batubwiye ko bagize ubundi bufasha bakenera batubwira, twumvise baranyuzwe”.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yahaye imbabazi Kizito Mihigo na Victoire Ingabire...

Mu itangazo ryaturutse muri Misiteri y’Ubutabera iravuga ko kuri uyu wa...
14 September 2018 Yasuwe: 5842 2

Dr Ngirente yakiriye indahiro z’ abacamanza mu Rukiko Rukuru rwa...

Minisitiri w’ Intebe w’ u Rwanda Dr Edouard Ngirente kuri uyu wa Kane tariki...
14 September 2018 Yasuwe: 800 0

Abo kwa Rwigara barasaba kudahezwa mu rubanza rw’abanyamigabane b’uruganda...

Abunganira mu mategeko uruganda rukora itabi rw’umuryango wa Assinapol...
11 September 2018 Yasuwe: 2361 0

Umuryango wa Niyitanga warasiwe Cosmos nk’igisambo watanze ikirego mu...

Niyitanga Jean Calude bakundaga kwita Barthez cyangwa Kazungu warashwe...
8 September 2018 Yasuwe: 18555 27

Rubavu: Urubanza ruregwamo umusirikare uherutse kurasa abaturage...

Urukiko rwa Gisirikare rurimo kuburanisha umusirikare mu ngabo z’ u Rwanda...
1 September 2018 Yasuwe: 833 0

Umunya-Uganda yafatiwe mu Rwanda afite icyuma gihindura telephone...

Urwego rw’Igihugu rw’Ubugenzacyaha, RIB rwatangaje ko rwataye muri yombi...
15 August 2018 Yasuwe: 2037 0