skol
startimes

Abunganiraga Paul Rusesabagina bikuye mu rubanza

Amakuru   Yanditswe na: Martin Munezero 7 November 2020 Yasuwe: 1893

Kuva Paul Rusesabagina yatangira kuburana yunganirwaga n’abanyamategeko babiri yahawe n’Urugaga rw’Abavoka mu Rwanda kuri ubu bavuye muri uru rubanza rwe, bikaba byamuhaye umukoro wo gushaka abandi.


Aba banyamategeko bunganiraga Rusesabagina ni Me David Rugaza na Me Emelyne Nyembo, bakaba bari basanzwe batemerwa n’umuryango wa Rusesabagina uba muri Leta Zunze Ubumwe z’Amerika.

Rusesabagina yabitangaje imbere y’Urukiko Rwisumbuye rwa Nyarugenge kuri uyu wa 6 Ugushyingo 2020, ubwo yari agiye kujuririra inyongera y’igifungo cy’agateganyo cy’iminsi 30 aherutse gukatirwa n’Urukiko rw’Ibanze rwa Kicukiro.

Impamvu yatumye aba banyamategeko bikura muri uru rubanza, ni uko Urugaga rw’Abavoka mu Rwanda rwari rwarabahaye Rusesabagina ngo bamwunganire, rwahisemo kubisubiza.

Ubwo Rusesabagina aherutse mu Rukiko rw’Ibanze rwa Kicukiro, aba banyamategeko bivanye mu rubanza bahishuye ko undi munyamategeko, Me Gatera Gashabana uri mu batoranyijwe n’umuryango w’uyu musaza, na we yinjiye muri uru rubanza.

Byumvikanye ko Me Gashabana yinjiye mu bagomba kunganira Rusesabagina gusa ushinjwa, avuga ko batarabonana. Impamvu yasobanuriwe mu Rukiko rw’Ibanze rwa Kicukiro yatumye uyu munyamategeko adatangira izi nshingano, ngo ni uko atari yaratangiranye n’uyu musaza kuva ku rubanza rwa mbere.

Bitewe n’izi mpamvu, Rusesabagina yasabye ko ubujurire bwe bwimurirwa mu cyumweru gitaha, akaba ashakisha abandi banyamategeko basimbura abamwunganiraga. Urukiko rwemeje ko impamvu yatanze yumvikana, rwatangaje ko ruzabifataho umwanzuro, ukamenyeshwa impande zombi zirebwa n’urubanza.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Akarayifumbwe": Rwa rukingo rwa Kanseri y’umura ngo rwaba rutera abakobwa...

Hari amakuru ko rwa rukingo rwa kanseri y’umura rumaze igihe rugeragerezwa...
22 November 2020 Yasuwe: 3751 0

Sadate Munyakazi avuga ko agiye kurega Sam Karenzi na Radio10

Sadate Munyakazi wigeze kuyobora Rayon Sport akavaho mu buryo bugoranye RGB...
21 November 2020 Yasuwe: 2854 0

Iburanisha ku bujurire bwa Paul Rusesabagina ryasubitswe bwa...

Urukiko rwisumbuye rwa Nyarugenge rwongeye gusubika ku nshuro ya gatatu...
20 November 2020 Yasuwe: 366 0

Rwanda: Tom Byabagamba yasabiwe gufungwa imyaka itatu aregwa kwiba...

Tom Byabagamba wahoze akuriye abarinda Perezida Paul Kagame ubushinjacyaha...
13 November 2020 Yasuwe: 1965 0

Paul Rusesabagina yasabye urukiko gusubika urubanza rwe

Urukiko rwisumbuye rwa Nyarugenge rwasubitse urubanza rwa Paul Rusesabagina...
10 November 2020 Yasuwe: 709 0

Ba bakobwa bafunzwe bazira gukomeretsa bikabije mugenzi wabo bagabanyirijwe...

Abakobwa batandatu ari bo, Nkamiro Zaina, Umulisa Gisèle, Umuhoza Connie,...
9 November 2020 Yasuwe: 6877 1