Diane Rwigara na nyina hasigaye amasaha abarirwa ku ntoki bagasomerwa

Amakuru   Yanditswe na: Nsanzimana Ernest 5 December 2018 Yasuwe: 3370

Kuri uyu wa 6 Ukuboza 2018 nibwo biteganijwe ko urukiko rukuru rusoma imyanzuro y’ urubanza ruregwamo Diane Rwigara na nyina Adeline Mukangemanyi Rwigara.

Bombi ubushinjacyaha bwabasabiye gufungwa imyaka 22. Bamwe mu banyamahanga barimo abasenateri ba Amerika n’ umuyobozi ucyuye igihe wa Francophonie basabye u Rwanda gushishoza mu rubanza rwa abo kwa Rwigara ariko Leta y’ u Rwanda ikomeza kubamara impugenge ari nako ibibutsa ko ubutabera bw’ u Rwanda bwigenga.

Diane Rwigara w’ imyaka 37, akurikiranyweho ibyaha birimo kugumura rubanda no kuyangisha ubutegetsi buriho n’ icyaha cyo gukoresha inyandiko mpimbano bikekwa ko yakoze ubwo yashakaga imikono y’abamushyigikiye ngo abe yashobora kwiyamamaza mu matora ya perezida yabaye mu mwaka wa 2017, amatora Perezida Paul Kagame yatsinze n’amajwi arenga 99%.

Adeline Mukangemanyi akurikiranyweho ibyaha akekwaho cy’ivangura no gukurura amacakubiri bishingiye mu biganiro yagiranye n’ inshuti ze.

Diane Rwigara na Adeline Rwigara baburanye badafunze nyuma y’ uko tariki 5 Ukwakira 2018 , umucamanza afashe icyemezo cyo kubarekura bagakurikiranwa badafunze.

Diane Rwigara na nyina bombi baburanye bahakana ibyaha baregwa bakavuga ko bishingiye ku mpamvu za politiki.

Mu mvugo za Diane Rwigara haba ubwo yashakaga kwiyamamariza kuyobora u Rwanda ndetse no mu rubanza yumvikanye inshuro zirenze imwe anenga ubutabera bw’ u Rwanda avuga ko butigenga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kayitankore Anastase

    Umutwe w’iyi nkuru urerekana ko umwanzuro urukiko ruri bufate ari ugukatirwa! Urabizi neza se? ahubwo iyo wivugira ko hasigaye
    amasaha abarirwa ku ntoki kugira ngo urukiko rufate umwanzuro ku rubanza rwa Diane Rwigara na nyina.

    2 months ago
  • chat_bubble nunu

    Ngo bakatirwe? nonese ko muciye urubanza ari mwe bavuga basomerwe kuko bashobora no kuba abere

    2 months ago

Inzindi nkuru

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 7222 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 855 0

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 2115 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 1529 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 10511 0

Diane Rwigara na nyina Adeline Rwigara bahanaguweho ibyaha

Kuri uyu wa Kane tariki 6 Ukuboza 2018, Urukiko Rukuru rwagize abere Diane...
6 December 2018 Yasuwe: 5483 0