Diane Rwigara yasabye ko urubanza rwe rusubikwa-AMAFOTO

Amakuru   Yanditswe na: Nsanzimana Ernest 7 November 2017 Yasuwe: 3631

Mu gitondo cyo kuri uyu wa Kabiri tariki 7 Ugushyingo 2017, Diane Rwigara yageze imbere y’ urukiko ngo urubanza rwe rutangire kuburanishwa ku bujurire ku ifungwa n’ ifungurwa ry’ agateganyo, nyina ararwaye

Diane Rwigara yageze ku rukiko rukuru rwa Kimihurura yambaye umwenda w’ iroza uranga imfungwa n’ abagororwa bo mu Rwanda.

Mu rukiko rukuru abantu ntabwo bari benshi nk’uko byabaga bimeze ku rukiko rwisumbuye rwa Nyarugenge ubwo we na Nyina Adeline Rwigara na murumunawe Anne Rwigara baburanishwaga ku ifungwa n’ ifungurwa ry’ agateganyo. Kuri iyi nshuro mu cyumba harimo abari munsi ya 30.

Kugeza saa tatu Diane Rwigara niwe wari wageze mu cyumba cy’iburanisha, nyina Adeline Mukangemanyiyari atarahagezwa. Byatangajwe mu iburanisha ko nyina atabonetse kubera uburwayi nk’uko byavuzwe n’umwunganizi we Me Gatera Gashabana nawe wasabye ko bahabwa indi minsi.

Diane Rwigara washakaga kuba umukandida mu matora ya Perezida wa Republika akurikiranyweho icyaha cyo gukoresha impapuro mpimbano.

We Anne na nyina Adeline bahuriye ku cyaha bashinjwa cyo guteza imvururu muri rubanda.

Nyina Adeline Rwigara we hakiyongeraho icyaha ashinjwa cyo kubiba amacakubiri muri rubanda.

Anne Rwigara Uwamahoro warekuwe ngo akurikiranwe ari hanze hamwe na basaza be babiri bari mu bari mu cyumba cy’iburanisha aha ku Kimihurura.

Diane Rwiagara yavuze ko atigeze ashyikirizwa ’assignation’ y’iburanisha rya none, ngo yabonye urutonde rw’abantu baburana uyu munsi kandi ngo ejo nibwo yabonanye na Avoca we amubwira ko afite izindi manza uyu munsi.

Diane yahise asaba ko urubanza rwe rusubikwa akabanza akabonana n’umwunganira.

Adeline Mukangemanyi ntabwo we yaje kuburana ahubwo umwunganizi we mu rukiko niwe waje.

Ubushinjacyaha bwo buvuga ko bubona abunganizi b’abaregwa batarahaye agaciro urubanza kuko ‘assignation’ ngo bayigejejweho mbere.

Buvuga ko uwunganira Diane Rwigara we yagombaga kwandikira urukiko ko ataboneka bityo kuba yabuze kandi yari aziko hari urubanza ngo akwiye gufatirwa ibihano.

Urukiko rwasanze ibaruwa ya Mukangemanyi Adeline Rwigara atari ikimenyetso gihagije cyerekana uburwayi bwe. Gusa ntibyabujije urukiko kwanzura ko urubanza rusubikwa ruzaburanishwa tariki 16 Ugushyingo 2017.

REBA AMAFOTO:


Anne Rwigara nawe na Musaza wa Diane Rwigara bari mu cyumba cy’iburanisha




Photo:Ukwezi.com

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abavoka bavuze impamvu batakomeje gukurikana ikibazo cya Me Toy warashwe n’...

Urugaga rw’ abavoka mu Rwanda rwatangaje ko rutatereye agati mu ryingo nyuma...
24 November 2017 Yasuwe: 1333 0

Urukiko Rukuru rwatesheje agaciro ubujurire bwa Diane Rwigara na nyina...

Ku gicamunsi cyo kuri uyu wa 21 Ugushyingo, Urukiko Rukuru rwasomye...
21 November 2017 Yasuwe: 1867 0

U Bufaransa: Umunyarwanda wa kane ushinjwa Jenoside agiye kuburanishwa

Ubushinjacyaha bwo mu Bufaransa bwategetse ko Umufaransa w’imyaka 56...
20 November 2017 Yasuwe: 345 0

Urukiko rwategetse ko uwari gitifu wa Gisagara arekurwa by’ agateganyo

Urukiko rwisumbuye rw’ akarere ka Huye Rwategetse ko Mvukiyehe Innocent wari...
17 November 2017 Yasuwe: 1701 0

Nyarugenge: Umumotari arashinjwa gushaka guha ruswa umupolisi

Umumotari witwa Ndizeye Tito, wari usanzwe akorera akazi ke ko gutwara...
9 November 2017 Yasuwe: 224 0

Umuhinde ukekwaho gutera inda ‘umwana’ yatawe muri yombi

Polisi y’ u Rwanda mu gitondo cyo kuri uyu wa Gatatu tariki 8 Ugushyingo...
8 November 2017 Yasuwe: 2493 1