Dr Leo Mugesera yasuwe inshuro 13 mu mezi 6, NCHR irabeshyura abavuga ko afunzwe binyuranyije n’ amategeko

Amakuru   Yanditswe na: Nsanzimana Ernest 21 January 2018 Yasuwe: 1188

Nyuma y’ uko hatangajwe amakuru avugwa ko Leo Mugesera ufungiye ibyaha bya Jenoside yimwa bumwe mu burenganzira abagororwa n’ imfungwa bemererwa n’ amategeko Komisiyo y’ uburenganzira bwa muntu mu Rwanda yatangaje ko yakoze iperereza ikanasura Leo Mugesera igasanga adafunzwe binyuranyije n’ amategeko ndetse ngo kuva muri Kamena kugera mu Ukuboza umwaka ushize yasuwe inshuro 13 bitandukanye n’ amakuru yavugaga ko Mugesera amaze igihe adasurwa rw’ abo mu muryango we

Ku wa Gatanu tariki 1 Ukuboza 2017, Ikinyamakuru cyandikirwa muri Canada cyitwa "La Presse", cyatangaje inkuru ivuga ko Dr Leon Mugesera ufungiye ibyaha bya Jenoside muri gereza ya Nyanza arembye bikomeye, kandi ko Leta y’u Rwanda yamutereranye.

Si ibyo gusa kuko abanyamategeko ba Dr Leo Mugesera baregeye ihuriro rya Komisiyo z’ uburenganzira bwa muntu muri Afurika bavuga ko umukiriya wabo afunzwe binyuranyije n’ amategeko.

Kuri iki Cyumweru tariki 21 Mutarama 2018, Komisiyo y’ uburenganzira bwa Muntu mu Rwanda iyobowe na Madamu NIRERE Madeline yatangaje ko yasuye Dr Leo Mugesera aho afungiye muri Gereza ya Nyanza ikanagenzura ibyo umugororwa yererwa n’ amategeko igasanga nta bureganzira Dr Mugesera yimwe.

“Komisiyo yasanze Mugesera avurwa kimwe n’abandi bagororwa ku ivuriro ryabo; kandi yavuwe inshuro umunani hagati ya Kamena 2017 kugeza uyu munsi nk’uko bigenda ko buri murwayi abanza kuvurirwa ku ivuriro ryaho mbere yo koherezwa ku ivuriro ryisumbuyeho bitewe n’imiterere y’uburwayi. Ibyo ntabwo bishingira ku cyifuzo cy’umurwayi ahubwo ku cy‘umuganga iyo asanze ari ngombwa.”


Umuyobozi wa NCHR Nirere Madeline

Ku cyo kuba Mugesera ataremererwaga guhura n’umuryango we n’umunyamategeko, Komisiyo ivuga ko yasanze mu gitabo cy’abasura gereza, hagati ya tariki 16 Kamena na 24 Ukuboza 2017, yarasuwe inshuro 13 n’umuryango we n’inshuti.

Ikomeza igira iti “Icyo gitabo gikomeza kigaragaza ko kuva ku wa 4 Gicurasi 2016 kugeza ku wa 29 Ukuboza 2017 Mugesera yaragiranye inama 28 n’umunyamategeko we. Ku birebana n’inshuro n’igihe gusurwa byamaraga, komisiyo yasanze amabwiriza y’igihugu agena gusurwa inshuro imwe mu cyumweru yarubahirijwe.”

Mu byo komisiyo yasabye urwego rw’imfungwa n’abagororwa, RCS, harimo gushyiraho ahantu hiherereye hashobora gufasha imfungwa n’abanyamategeko kugirana ibiganiro byisanzuye no gukurikirana iyubahirizwa ry’amategeko n’amabwiriza muri gereza arimo arebana no gusurwa.

Mu bindi komisiyo yasabye RCS nk’uko yabigarutseho, harimo “guha Mugesera ifunguro yandikiwe n’umuganga we no kubahiriza gahunda ahabwa n’abaganga.”

RCS iheruka gushimangira ko uburenganzira bwa Dr. Léon Mugesera, bwubahirizwa kugera n’aho yihitiramo amafunguro ashatse arimo inkoko n’amafi, igasanga abavuga ko butubahirizwa ari abafana be mu mugambi wo guhakana jenoside.

Inkuru bifitanye isano : Ukuri ku makuru avuga ko Dr Leon Mugesera ufunze yarembye agatereranwa

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kanyankore alex wayoboraga BRD yaburanye ahakana ibyo aregwa

Kuri uyu 17 Ukwakira uwahoze ari Umuyobozi wa Banki itsura Amajyambere...
17 October 2018 Yasuwe: 594 0

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3632 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1470 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1356 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1109 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6597 0