Evode Imena arashinjwa gutonesha abagore babiri b’abagabo bakoranaga muri MINIRENA

15 February 2017. | Ubutabera | 5 Ibitekerezo | Ubwanditsi
  • Evode Imena arashinjwa gutonesha abagore babiri b’abagabo bakoranaga muri MINIRENA

Kuri uyu wa 15 Gashyantare 2016 Evode Imena n’abo baregwa mu rubanza rumwe, bagejejwe ku Rukiko Rwisumbuye rwa Nyarugenge ruri i Nyamirambo, mu rubanza ku ifungwa n’ifungurwa ry’agateganyo.

Ubushinjacyaha buhagarariwe n’abashinjacyaha babiri, bukomeje gusobanurira urukiko uko ngo aba bagabo batatu bakoranaga muri MINIRENA, bakoze ibyaha by’itonesha hirya no hino mu gihugu.

Evode Imena yari Umunyamabanga wa Leta muri MINIRENA ushinzwe ubucukuzi bw’amabuye y’agaciro. Kayumba Francis na Kagabo Jacques baregwa hamwe, na bo bakoranaga muri iyi minisiteri icyo gihe.

Rumwe mu ngero ubushinjacyaha bumaze gutanga, ni nk’aho ngo Kagabo yagiye i Nduba mu Karere ka Gasabo akahasanga ahantu hashobora gucukurwa, akora raporo, abwira umugore we n’umugore wa mugenzi we Kayumba ko bashobora gushinga kampani igahabwa isoko ryo kuhacukura.

Abo bagore (Jovian a Diane) ngo baje gushinga iyo kampani bayita JDK (Jovia+Diane+Kagabo), ubundi ngo Evode Imena asinya iteka riyemerera iryo soko abizi neza ko ari kampani y’abagore b’abagabo bakorana.

Ubushinjacyaha buvuga ko Kayumba nk’umuntu wari ukuriye komite yemeza iby’itangwa ry’amasoko, yumvishije bagenzi be ko JDK ari yo kampani igomba guhabwa iryo soko, iremezwa.

Evode ashinjwa ko yanasinye iryo teka mu gihe nka minisitiri atari agifite ububasha

Ubushinjacyaha buvuga ko umuyobozi w’Ikigo cy’Igihugu gishinzwe umutungo kamere (RNRA) yandikiye Evode amumenyesha ko iyo kampani yahawe isoko mu buryo budakurikije amategeko, aramusuzugura.

Kuko ngo iyo kampani itari igamije ubucukuzi, nyuma yo guhabwa isoko ryo gucukura icyo kirombe ngo beneyo bahise bayigurisha, bayigurisha kampani yitwa KNM ku madolari ibihumbi 20, barayagabana.

Magingo aya (10:00) ubushinjacyaha burimo gusobanura iby’andi masoko y’ubucukuzi nayo yatanzwe mu buryo buvugwa ko ari uburiganya, ubu hagezweho ayo mu karere ka Nyaruguru.

Evode arunganirwa n’aba avoka babiri. Yatawe muri yombi na Polisi y’u Rwanda ku wa gatanu tariki ya 27 Mutarama 2017.

Izuba Rirashe

Ibitekerezo
  • MyPassion


    17 February 2017 - Musubize

    UYU MUTIPE ARANABEREWE NTIYAKORA AYO MAKOSA!!

  • MyPassion

    ILDEPHONSE
    17 February 2017 - Musubize

    TWESE ABAKURIKIRA INKURU TUGE TWUMVANEZA? GUKEKWAHO BIGOMBA KUGIRA INYUMVO ebyiri: byashobokako arengana doreko ntanu n’umuntu umwe wafata umwnzuro nkuriya buri bigo byose bigira umu technicien ariko bikagira na commite ishinzwe amasoko, nanone byanashobokako yaba yari aganje izo comite akaba yarazitegekaga uko zikora bitewe n’igitinyiro yari afite! ubwo rero numva twazagira icyo dutangaza nyuma w’urukiko.

  • MyPassion

    Jojo
    15 February 2017 - Musubize

    Arikubunduyu yageze mururiya mwanya gute?

  • MyPassion

    justine
    15 February 2017 - Musubize

    nagumamo,mukore ubugenzuzi no kumasoko atangwa mu turere usanga ari aya ba mayor akitirirwa abandi kandi bo ari abakozi.

  • MyPassion

    mahoro jack
    15 February 2017 - Musubize

    Aba rero ni ababa bamenyekanye! Ni benshi bapanga amadilu ya za miliyoni hirya no hino mu bigo bya Leta ntihagire urabukwa, mukabona gusa abantu barubaka imitamenwa za Kibagabaga mukayoberwa kumbe.... Aba ba nyakubahwa iyo batarafatwa nibo birirwa batwigisha ibyo gukunda igihugu, kuba inyangamugayo, ....

Tanga Igitekerezo