Evode Imena uregwa itonesha yasabiwe gufungwa imyaka 7

Amakuru   Yanditswe na: Nsanzimana Ernest 8 November 2017 Yasuwe: 2115

Ubushinjacyaha bwasabiye igifungo cy’imyaka irindwi Imena Evode wahoze wari Umunyamabanga wa Leta muri Minisiteri y’Umutungo Kamere, bushinja ibyaha birimo itonesha mu itangwa ry’amasoko.

Urukiko rwisumbuye rw’ Akarere ka Nyarugenge kuri uyu wa 8 Ugushyingo 2017 rwatangiye kuburanisha mu mizi urubanza ruregwamo Evode Imena wahoze Umunyamabanga wa Leta muri Minisiteri y’umutungo Kamere (MINIRENA) ushinzwe ubucukuzi bw’amabuye y’agaciro.

Evode Imena yatawe muri yombi tariki 27 Mutarama 2017 aregwa ibyaha birimo gukoresha inyandiko mpimbano, itonesha n’ibindi.

Ubushinjacyaha bwabwiye urukiko ko Evode akwiye gufungwa imyaka irindwi akanishyura ibihumbi 500 by’ amagarama y’ urubanza kuko yasuzuguye icyemezo cy’akanama gatanga amasoko, akima uruhushya uwari urikwiye akariha undi; byongeye n’urihawe akaba na we hari ibyo atujuje.

Uwitwa Straton nyiri Nyaruguru Mining Company ashinja Evode kumwima nkana icyemezo cyo gucukura.

Straton yari afite icyangombwa kimwemerera gucukura amabuye y’ agaciro yahawe n’ ikigo cy’ igihugu cy’ umutungo kamere RNRA.

Nubwo RNRA yari yahaye kampani ya Straton icyemezo cyo gucukura amabuye y’ agaciro mu karere ka Nyaruguru, iyo kampani yageze kuri Evode Imena ayima ubwo burenganzira ahubwo abuha undi.

Evode Imena yavuze ko iyo kampani yanditse isaba igihe Minisitiri Stanislas Kamanzi wari Minisitiri w’ Umutungo kamere. Ngo Kamanzi yangiye Nyaruguru Mining Company kuko yavugwagaho ubucukuzi butemewe n’amategeko, ikaza gusabwa no kwishyura imisoro yose y’ibirarane irimo Leta.

Evode yigeze kuvuga ko yamutunguye n’ uburyo RNRA yatanze icyemezo kandi izi neza ko iyo kampani yari yarahakaniwe.

Nyuma yo kwangira iyo kampani Evode ngo yahise aha uburengazira indi yabonaga ngo yararenganyijwe na RNRA yitwa Mwashamba Mining Ltd, aho ubushinjacyaha buvuga ko yatanze icyo cyemezo iyo kampani itazwi muri RDB.

Tariki 20 Gashyantare 2017 nibwo urukiko rwategetse ko Evode Imena afungurwa by’ agateganyo urubanza rugakomeza ari hanze. Ubushinjacyaha bwajuririye icyemezo cyo kurekura by’ agateganyo Evode Imena, mu isomwa ry’ urubanza rw’ ubujurire tariki 16 Werurwe 2017 urukuko rwongera gutegeka ko Evode Imena aburana ari hanze.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Tudor

    Hhhhhh.... Utabizi yicwa no kutabimenya koko.... agende ashake "LAW N°05/2013 OF13/02/2013 MODIFYING AND COMPLETING THE LAW N° 12/2007 OF 27/03/2007 ON PUBLIC PROCUREMENT", asome "article one, paragraph 4". Namara kumenya icyo isoko rya Leta aricyo, azamenya n’uko akwiriye kwisobanura!!

    3 months ago

Inzindi nkuru

Umwana utawe n’umubyeyi atakaza isanomuzi

Byasa n’ibitungura nyirurugo kubyuka agasanga uruhinja imbere y’umuryango we...
13 February 2018 Yasuwe: 744 0

Ubushinjacyaha bwasabye polisi gukora iperereza kuri Niyibikora uherutse...

Ubushinjacyaha bw’ u Rwanda bwatangaje ko bwasabye polisi y’ u Rwanda ishami...
9 February 2018 Yasuwe: 6442 17

S/Lt Seyoboka yigambye ko ariwe warashe inzu y’Inteko (CND)

Uyu munsi ku rukiko rwa girisikare i Nyamirambo mu urubanza Sous Lieutenant...
8 February 2018 Yasuwe: 5714 0

Harakekwa akagambane na ruswa mu guteza cyamunara umutungo wa SINAPISI...

Umwe mu mitungo y’ umuryango ufasha abatishoboye Sinapisi Rwanda watejwe...
7 February 2018 Yasuwe: 4350 1

Nyabihu: Perezida Kagame yategetse ko bishyurwa mu cyumweru bagiye ku...

Hari Abaturage bo mu karere ka Nyabihu bamaze imyaka 10 basaba kwishyurwa...
7 February 2018 Yasuwe: 3614 2

Kubwimana uregwa kwica umuturanyi we yasabiwe gufungwa burundu, avuga ko...

Urukiko rwisumbuye rwa Muhanga kuri uyu wa Gatanu tariki 2 Gashyantare...
2 February 2018 Yasuwe: 3180 2