Gasabo: Yatawe muri yombi nyuma yo gukangisha umugore we ko ‘yamwica icyunamo kikazagera yaraboze nka benewabo’

Amakuru   Yanditswe na: 4 April 2017 Yasuwe: 2728

Umugabo w’imyaka 46 utuye mu Kagari ka Nyabikenke, mu Murege wa Bumbogo, yatawe muri yombi n’inzego z’umutekano nyuma yo gushyamirana n’umugore we akanamubwira ko ‘yamwica icyunamo kikazagera yaraboze nka benewabo’.

Uyu mugabo amaze imyaka itanu abana n’uyu mugore warokotse Jenoside yakorewe Abatutsi ndetse banafitanye umwana umwe, umubano wabaye nyuma y’uko umugabo we wa mbere [wavukanaga n’uyu mugabo] yitabye Imana.

Ku itariki ya 1 Mata aba bombi bagiranye ubushyamirane bararwana maze umugabo aniga umugore amubwira ko yamwica ku buryo itariki yo kwibuka Jenoside yakorewe Abatutsi [7 Mata] yazibukwa nka bene wabo.

Umuvugizi wa Polisi y’u Rwanda, ACP Theos Badege yabwiye IGIHE ko uyu mugabo yatawe muri yombi tariki ya 2 Mata, yemera ko ayo magambo yayavuze gusa akavuga ko yabitewe n’ubusinzi ndetse agasaba ko bamwunga n’umugore we.

Ati “Yarabivuze koko nyuma aza no gusaba imbabazi avuga ko yabikoreshejwe n’ubusinzi, yaje no gusaba ko bamwunga n’umugore we yabwiye ayo magambo, ariko ubwo nyine akurikiranyweho icyaha.”

Uyu mugabo afungiye kuri sitasiyo ya polisi ya Bumbogo mu gihe hakegeranywa ibimenyetso kugira ngo dosiye ye ishyikirizwe ubushinjacyaha ngo akurikiranwe n’ubutabera.

ACP Badege yasabye abanyarwanda kwitwararika mu magambo bavuga by’umwihariko mu gihe cyo kwibuka barushaho gushyira hamwe bakumva ko bose iki gikorwa kibareba.

Ati “Abanyarwanda bateye intambwe igaragara mu kwitandukanya n’ingengabitekerezo ariyo yateye Jenoside, umuntu ukirangwa nayo ari inyuma cyane; uretse ko n’amategeko amuhana ariko ni ikibazo mu muryango nyarwanda. Abantu nibafatanye, buzuzanye twibuke ko tubabaye twese, turi mu cyunamo, umuntu wese yitware nk’aho ababaye bimuvuye ku mutima.”

Uyu mugabo aramutse ahamwe n’icyaha yahanishwa ingingo ya 135 ivuga ko umuntu wese ukoze icyaha cy’ingengabitekerezo ya jenoside n’ibindi byaha bifitanye isano na yo ahanishwa igifungo kirenze imyaka itanu kugeza ku myaka icyenda n’ihazabu y’amafaranga y’u Rwanda kuva ku bihumbi ijana kugeza kuri miliyoni imwe.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana utawe n’umubyeyi atakaza isanomuzi

Byasa n’ibitungura nyirurugo kubyuka agasanga uruhinja imbere y’umuryango we...
13 February 2018 Yasuwe: 740 0

Ubushinjacyaha bwasabye polisi gukora iperereza kuri Niyibikora uherutse...

Ubushinjacyaha bw’ u Rwanda bwatangaje ko bwasabye polisi y’ u Rwanda ishami...
9 February 2018 Yasuwe: 6431 17

S/Lt Seyoboka yigambye ko ariwe warashe inzu y’Inteko (CND)

Uyu munsi ku rukiko rwa girisikare i Nyamirambo mu urubanza Sous Lieutenant...
8 February 2018 Yasuwe: 5702 0

Harakekwa akagambane na ruswa mu guteza cyamunara umutungo wa SINAPISI...

Umwe mu mitungo y’ umuryango ufasha abatishoboye Sinapisi Rwanda watejwe...
7 February 2018 Yasuwe: 4333 1

Nyabihu: Perezida Kagame yategetse ko bishyurwa mu cyumweru bagiye ku...

Hari Abaturage bo mu karere ka Nyabihu bamaze imyaka 10 basaba kwishyurwa...
7 February 2018 Yasuwe: 3608 2

Kubwimana uregwa kwica umuturanyi we yasabiwe gufungwa burundu, avuga ko...

Urukiko rwisumbuye rwa Muhanga kuri uyu wa Gatanu tariki 2 Gashyantare...
2 February 2018 Yasuwe: 3175 2