Habyarimana wayoboraga MRND yongeye akatirwa gufungwa burundu

Amakuru   Yanditswe na: 29 April 2017 Yasuwe: 2484

Jean Habyarimana yafatiwe ku Gisenyi aho akomoka mu mwaka 1996, aza guhanishwa igifungo cya burundu mu mwaka wa 2016.

Urukiko rukuru rwa Kigali rwashimangiye igifungo cya burundu kuri Jean Habyarimana wari umuyobozi w’ishyaka rya MRND mu mujyi wa Kigali.

Nk’uko byari byagenze mu rukiko rwisumbuye, urukuru na rwo rwasanze uyu mugabo yaragize uruhare muri jenoside yakorewe abatutsi aho yanakanguriye abandi gukora ubwicanyi.

Gusa ntiyahamijwe icyaha cyo gushinga no kuyobora za bariyeri zaguyeho abatutsi benshi nk’uko yari yagihamijwe ku rwego rubanza.

Mu cyumba cy’urukiko cyarimo abantu mbarwa, Yohani Habyarimana yari yicaye atuje anyuzamo akamwenyurira abantu bake byabonekaga ko ari abo mu muryango we.

Igifungo cya burundu y’umwihariko
Mu gihe cy’amasaha abiri, umucamanza yavuze ko igifungo cya burundu y’umwihariko yari yahawe n’urukiko rubanza kidahindutse.

Yamuhamije ibyaha bitatu: ubwumvikane mu mugambi wo gukora jenoside, gushishikariza abandi kuyikora no kuba icyitso cy’abakoze iki cyaha.

Umucamanza yavuze ko Habyarimana yitwaje ijambo yari afite nk’umukuru w’ishyaka rya MRND ndetse n’umwe mu bari bagize Komite nyobozi yaryo agahagararira ibikorwa byarimbuye abatutsi benshi.

Havuzwe cyane mu duce twa Nyabugogo iri mu marembo ya Kigali, agace ka Muhima no mu mujyi rwagati.

Ngo yagize uruhare mu gutoranya abasore b’abahutu bahawe imyitozo ya gisirikare igamije gutsemba abatutsi ndetse ngo ni n’umwe mu batanze imyenda n’ibikoresho byakoreshejwe mu kwica abatutsi.

Uyu mugabo kandi ngo yagaragaye mu nama zitandukanye yahuriraragamo n’abayobozi b’umutwe w’interahamwe ndetse ngo akaba yarasaga n’umuhuza hagati y’insoresore z’interahamwe n’ubuyobozi bw’ishyaka.

Urukiko rukuru ariko rwamuhanaguyeho icyaha cyo gushinga no kugenzura za bariyeri zaguyeho abatutsi rushimangira ko nta bimenyetso bidashidikanywaho byatanzwe n’ubushinjacyaha.

Yahani Habyarimana ni umwe mu bakomeye bari mu buyobozi bw’ishyaka rya MRND baburanishijwe n’inkiko zo mu Rwanda dore ko abandi bakurikiranywe n’urukiko mpuzamahanga rwa Arusha.

Yafatiwe ku Gisenyi aho akomoka mu mwaka 1996, aza guhanishwa igifungo cya burundu mu mwaka wa 2016 nyuma y’imyaka igera kuri 20 yari amaze muri gereza ataburanishwa.

Ashobora kongera kujurira?

Ibi we abona nko gufungwa binyuranije n’amategeko, inkiko zombi ntizabihaye agaciro zivuga ko byatewe n’ihindurwa ry’amategeko ryagiye ribaho mu gihugu.
Haba mu rukiko rw’ibanze ndetse no mu rukuru yari yajuriririye, Yohani Habyarimana yaburanye nta mwunganizi mu mategeko afite.

Iyi yagaragajwe nk’imbogamizi ariko urukiko ruyitesha agaciro ruvuga ko atagaragaje ibyemezo by’uko ari mu cyiciro cy’abatishoboye.

Nyuma y’inkiko zombi, Habyarimana aracyasigaje inzira imwe yo gusaba igabanywa cyangwa se iseswa ry’igihano cya burundu.

Urwo ni urukiko rw’ikirenga ari narwo rusumba izindi mu gihugu kandi yamaze gutangaza ko arujuririye.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manirareba wareze Msgr Ntihinyurwa yaciwe ibihumbi 950

Manirareba Herman wareze Arikipiskopi wa Kigali, Ntihinyurwa Thaddée,...
19 April 2018 Yasuwe: 2852 0

Gitifu wa Kinigi ukekwaho gutwikira umwana we mu nzu yatangiye...

Kuri uyu wa 18 Mata urukiko rwisumuye rwa Musanze rwatangiye kuburanisha...
19 April 2018 Yasuwe: 1236 1

Gicumbi: Umuforomo wafunzwe akekwaho gusambanya umugore yabyazaga yavuze...

Umuforomo wo kigo nderabuzima Rubaya witwa Mutabaruka Jean Bosco watawe...
14 April 2018 Yasuwe: 10137 1

Uwatwikishije ipasi umukozi wo mu rugo w’ imyaka 16 nta gihano...

Urukiko rw’ ibanze rwa Ngoma rwakatiye Noella Ihirwe igifungo cy’ amezi atanu...
31 March 2018 Yasuwe: 3172 0

Urukiko rwakatiye Karegeya wishe umugore aho amutabye agateraho...

Urukiko rwisumbuye rwa Nyarugenge kuri uyu wa 29 Werurwe rwahamije Karegeya...
29 March 2018 Yasuwe: 1828 0

Impunzi 21 zikekwaho guteza akaduruvayo mu nkambi ya Kiziba zagejejwe...

Umuyobozi Mukuru wa Polisi y’u Rwanda, IGP Emmanuel K.Gasana, yatangaje ko...
29 March 2018 Yasuwe: 1232 0